- kouki ezina كتب:
- سلام
لبنات أنا عندي قصة طويلة مع الأمساك
هو يبان مشكل عادي بصح والله خطير يااااااسر كيما يطول كرشك تتنفخ وتولي تصطر
ونعرف وحدة تفلقت مالداخل ومن تحت بسبت الإمساك وبقات فالسبيطار لعدة شهور قريب ماتت
على هاذي أي وحدة تعاني من هاذ المشكل لمدة طويلة لازم تشوف طبيب
أنا محبيتش نروح للطبيب شربت عشبة أسمها سنا مكي
[ندعوك للتسجيل في المنتدى أو التعريف بنفسك لمعاينة هذه الصورة]
تغلي الماء وتحطيها فيه وتخليها تغلي شوية برك وطفي عليها النار وأشربيها
طعمها كيما التيزانا عادي.. مالزمش تكثري منها كاس واحد يكفي وإذا متحسنتيش أشربي كاس ثاني بربي تولي لباس.. وللحفاظ على الحالة الطبيعية أنا ناكل عين بقرة مجففة مليحة ياسر والعنب وأكتيفيا مليح ياسر صح
نشاله تكون أستفدتيو من هاذ المعلومة..
ياختي كوكي طليتي على قلبي
انا حكايتي حكاية مع الامساك
قولي راني قريب في العام مع هذا المشكل
رحت مرة للطبيب وعطاني دوا عبارة عن ملينات
ثمثم تسرحت شوية كرشي يامات وكي كملت الدوا رجعت كيما بكري
حرت وش ندير معاها خطرات اطول بزاف حتى يحكمني السطر
وهذا لسان المكي معروف بلي يمشي الكرش قلت نجربو ونشوف
درتو شربت كاس برك مانحكيلكش وش صرا فيا
حكمني سطر فظييييييييع مع اسهال حشاك بصح تعذبت مامشاتش كرشي ضربة وحدة
شفتي السطر تاع الاسهال وكيفاش رجليك يفشلو
وكل مرة تمشي شوية تعذبت يومين وانا في هاذي الحالة
وقلت مانزيدش نرجع ليها هاذي العشبة ضرتني بزاف
والله حرت وش ندير مع هاذي الكرش
خايفة برك يجوني البواسر حشاك من الامساك
مشكورة كوكي على المعلومات
[ندعوك للتسجيل في المنتدى أو التعريف بنفسك لمعاينة هذه الصورة]