افتتاح ورشة تعليم التطريز بشرائط الساتان

شهرة ماش لاكوناكسيو ان من المرة اللي فاتت معنديش مفهمتش علاه
نزيد نستنى بلاك تجي

♥♥ عدد المساهمات : 21453 تاريخ التسجيل : 08/11/2010

ليليان تقدري تحطي الرابط مباشر وحنا نعدلو مكاش مشكل

شكراااااااااااااااا صارة ربي خليكم لينا ان شاء الله ويغطيكم ماتتمناو

شوفو واش عاوت خدمت
وتعلمت ل point 2 noeud مي لغشية درتها بسرعة ماش متقونة بيا المنهم تعلمتها ههه

[ندعوك للتسجيل في المنتدى أو التعريف بنفسك لمعاينة هذه الصورة]

♥♥ عدد المساهمات : 21453 تاريخ التسجيل : 08/11/2010

بلا مزية ليليان ربي يخليك ويعطيك تان واش تتمناي نتي تان

الله ابارك راهي بدات تبان الخدمة وزيد الورقات راهم خير من الاول شاطرة

يعطيك الصحة

♥♥ عدد المساهمات : 8891 تاريخ التسجيل : 08/11/2010

الله يبارك
راكي خرجتي عليها

كمليها منا للخميس تكوني كملتيها باه نزيدو درس اخر

[ندعوك للتسجيل في المنتدى أو التعريف بنفسك لمعاينة هذه الصورة] واش يا لبنات خلاصو الدروس [ندعوك للتسجيل في المنتدى أو التعريف بنفسك لمعاينة هذه الصورة] ولا مازال ، راني حابة نتعلم الورووووووووووووود، حابة نخدم كوفرولي مع المخايد ، باه يقولو خدمت يدها Embarassed

، زعما هههههه ، وين راكي يا أستاذة شهرة [ندعوك للتسجيل في المنتدى أو التعريف بنفسك لمعاينة هذه الصورة]

ياااااااااااو غلطت أنا نسيمة ، مانعرف كيفاه دخلتلي بهاجر هههههههههه، ماعليش كيفكيف [ندعوك للتسجيل في المنتدى أو التعريف بنفسك لمعاينة هذه الصورة]

♥♥ عدد المساهمات : 8891 تاريخ التسجيل : 08/11/2010

نسيمة هدا انت وحكيتي بتاع هاجر؟؟
ههههههههههه

لالا ماخلاصوش نسنا ليليان تكمل تاعها واذا اتفقتوا هاد اليومين نزيد درس ماشي مشكل

ومانسيتكش راني نجمع في الصور تاع لي كوفرولي

♥♥ عدد المساهمات : 8891 تاريخ التسجيل : 08/11/2010

هههههههههههه

عرفتها تخلطي
ماعليش

شهرة لازم نكمل الوردة تاعي ؟
انا قلت مدام قاعدة نتعلم ونجرب ماكلاه نكملها كاملة اون+ معنيش الوقت بزاف فهمتيني
وادا حبيتي زيدي دروس مفيش مشكل

♥♥ عدد المساهمات : 8891 تاريخ التسجيل : 08/11/2010

اوك ماشي مشكل
انا حسبت حابة تكمليها
عادي كيما قلتي رانا غير نتعلمو المهم نخرجو على الحاجة كيفاه نديروها

خلاص درك نوجد درس جديد
ولا نقلكم نشوف درك بعد واحد اذا ساهل شوي يجي ورا هاد نجيبهولكم

♥♥ عدد المساهمات : 8891 تاريخ التسجيل : 08/11/2010

عمبالي راكم حابين تعرفو الاساسيات باه تخدمو شغل كامل من بعد لي يعجبكم
مالا جبت درس هو طويل شوي
بصح اخدمو من كل نوع وحدة برك باه تتعلمو ولي حابة تكمل الشغل ربي يعاونها

الآن نعملوا سلة ازهار

[ندعوك للتسجيل في المنتدى أو التعريف بنفسك لمعاينة هذه الصورة]

ننقل الرشمة على القماش

[ندعوك للتسجيل في المنتدى أو التعريف بنفسك لمعاينة هذه الصورة]

و نبدأ في العمل على السلة

نعمل بشريط 0.5 سم بني اللون و بهذه الطريقة

نعملوا un passè plat simple لكن بالشريط

اللي ما تعرفش le passè plat simple هذا شكل تخطيطي للغرزة
هنا الغرزة كي نديروها بالخيط قصدي الكوتون نعيطولها باسي بلا
[ندعوك للتسجيل في المنتدى أو التعريف بنفسك لمعاينة هذه الصورة]

و نتحصل على هاذ الشكل

[ندعوك للتسجيل في المنتدى أو التعريف بنفسك لمعاينة هذه الصورة]

كملنا العمل بالطول نعقدوا الشريط ونقطعوه ثم نحرقوه باش ما ينسلش

ثم نعاودوا ندخلوا الإبرة لكن هاذ المرة قريبة من قاعدة السلة كيما راكم تشوفوا في الصورة

[ندعوك للتسجيل في المنتدى أو التعريف بنفسك لمعاينة هذه الصورة]

ثم نخدم بالشكل الموضح في الصورة ، خيط ندوه و خيط نخلوه و هكذا ..
لما نوصل لآخر صف ندخل الإبرة في القماش
و انتقل لخط العرض الثاني

نخرج الإبرة على بعد نصف سم من النقطة اللي دخلناها منها و نخدموا بنفس الطريقة

خيط ندوه و خيط نخلوه لكن هاذ المرة نعكسوا الخيوط اللي ديناهم من قبل نخلوهم و اللي خليناهم ندوهم

و الصور راح ان شاء الله توضح الفكرة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

و نكملوا العمل نتاعنا فنتحصلوا على هاذ الشكل ذو المربعات

[ندعوك للتسجيل في المنتدى أو التعريف بنفسك لمعاينة هذه الصورة]

لم ننتهي بعد من السلة لكن نخلوها جانبا و نبداو في عمل الأزهار
[ندعوك للتسجيل في المنتدى أو التعريف بنفسك لمعاينة هذه الصورة]

راكوا تلاحظوا انه بعد ما خدمنا السلة لم تعد الأزهار ظاهرة، مش مشكلة
عندنا صورة الرشام اللي بيها رايحين نستدلوا على أماكن الأزهار و الأوراق

إذن لنبدأ العمل

عندنا نوعين من الأزهار في السلة

النوع الأول و اخترت تكون ازهار شقائق النعمان

نقطعوا من الحاشية الحمراء اللون واللي عرضها 1سم حوالي 15 سم نحرقوا الجوانب

[ندعوك للتسجيل في المنتدى أو التعريف بنفسك لمعاينة هذه الصورة]

ثم نجيبوا خيط و ابرة نتاع الخياطة و الخيط يكون بنفس لون الشريط
و نعملوا غرز صغيرة متقاربة un point de devant

[ندعوك للتسجيل في المنتدى أو التعريف بنفسك لمعاينة هذه الصورة]

ثم نشد الخيط فيتكمش الشريط نعطيلوا الشكل الدائري
و نخلي فراغ في الوسط القطر نتاع الفراغ يكون على اكثر تقدير 1 سم
ثم نغلق الدائرة بخياطتها غرزات رقيقة و غير ظاهرة

[ندعوك للتسجيل في المنتدى أو التعريف بنفسك لمعاينة هذه الصورة]

نخدم خمس زهرات و نحاول نحطها في مكانها داخل السلة
طبعا استعين بالرشام باش نعرف اماكن الأزهار

[ندعوك للتسجيل في المنتدى أو التعريف بنفسك لمعاينة هذه الصورة]

العمل على الأزهار لم ينتهي بعد يلزمنا نخدموا قلب الزهرة و على هذيك نجيبوا
شريط 3 مم ( رقيق) blanc cassè و نخدموا الغرزة الفرنسية point de noeud
عند حدود الدائرة فقط ما نعمروش كل الفراغ

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

و نزيدوا نجيبوا شريط 3 مم لكن باللون الأسود و نكملوا نعمروا الفراغ
اللي قعد و تخرج النتيجة بهذا الشكل

[ندعوك للتسجيل في المنتدى أو التعريف بنفسك لمعاينة هذه الصورة]

رانا انتهينا من النوع الأول من الأزهار ننتقل إلى

النوع الثاني و اللي رايحين نخدموهم بغرزة جميلة جدا و مهمة في عالم التطريز بالحاشية

le point de ruban japonais

يمكن ايضا نستعين بكروشي مثلا نحطوا تحت الشريط باش يعطي انتفاخ للزهرة

[ندعوك للتسجيل في المنتدى أو التعريف بنفسك لمعاينة هذه الصورة]

لاحظوا كيف ان الإبرة راح تدخل في الشريط اولا و من ثم القماش، نجبدوا
الشريط للتحت بهدوء حتى نتحصل على الشكل اللي رانا حابين

[ندعوك للتسجيل في المنتدى أو التعريف بنفسك لمعاينة هذه الصورة]

وهادو للتوضيح اكثر
[ندعوك للتسجيل في المنتدى أو التعريف بنفسك لمعاينة هذه الصورة]

و في وسط الزهرة نعملوا بعض غرز point de noeud
بشريط اصفر عرض 0.5 سم

[ندعوك للتسجيل في المنتدى أو التعريف بنفسك لمعاينة هذه الصورة]

و النتيجة اللي وصلنا ليها لحد الآن هي هذه

[ندعوك للتسجيل في المنتدى أو التعريف بنفسك لمعاينة هذه الصورة]

نكملوا عملنا

[ندعوك للتسجيل في المنتدى أو التعريف بنفسك لمعاينة هذه الصورة]

الأغصان اللي نخدموها بـ غرزة الغصن point de tige هي هذا

[ندعوك للتسجيل في المنتدى أو التعريف بنفسك لمعاينة هذه الصورة]

و هذا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
نعود إلى السلة و نعمل اليد نتاع السلة بغرزة الغصن لكن بالشريط و ليس بالخيط

بنفس الشريط اللي عملنا بيه السلة نخدموا اليد نتاع السلة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

و بنفس الشريط و نفس الغرزة نعملوا أسفل السلة الجهة الظاعرة للعيان

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

نعملوا الان على الأوراق بنفس الغرزة اللي استعملناها في الزهرة الثانية
pt de ruban japonais نستعين بالرشام باش نشوف الأماكن
نتاع الأوراق نخدم كل الأوراق بشريط 1 سم أخضر اللون

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بقاو الغصينات اللي راهي ظاهرة نخدموهم بغرزة يقولولها point d'épine

و هاذي رسمة توضيحية للغرزة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

نكمل هكذا كل الغصينات اللي مرسومةو فوق كل غصينة نعمل un pt de noued

[ندعوك للتسجيل في المنتدى أو التعريف بنفسك لمعاينة هذه الصورة]
و الشكل النهائي اللي رايحين نتحصلوا عليه

[ندعوك للتسجيل في المنتدى أو التعريف بنفسك لمعاينة هذه الصورة]

ربي يعاونكم راهم ساهلين غير شوي تركيز

♥♥ عدد المساهمات : 8891 تاريخ التسجيل : 08/11/2010

ولي مافهمتش حاجة راني هنا

شكرا يا بنات المبادرت جيدة و انا انضم اليكم لكلى اتعلم لاننى عندى كل اللوازم و حتى ابرة الكوبرة عندى
ادا على بركت الله علمينا كيف نطرزو ورود هدى لى ما دخلتش مليح فى راسى و جزاكم الله خير

♥♥ عدد المساهمات : 21453 تاريخ التسجيل : 08/11/2010

درس هايل ومتحوف بالتوفيق،

♥♥ عدد المساهمات : 8891 تاريخ التسجيل : 08/11/2010

اهلا بيك زينب معانا في الورشة

شوفي ابداي من الدرس الاول جربيهم وصوريهالنا
واي حاجة ماعرفتيهاش اني هنا

ماعرفتش وينا وردة قصدك
اعطيني صورتها وانا نفهمك باذن الله

شكرا سارة

الله يبارك راكم جايبينها لبنات
كملو وانا ونور كي نكملو القراية نلحقوكم lol!

شهرة يعطيك الصحة على المجهودات ربي يعطيك ماتتمناي

السلة عجبتني بزااااااااااااااف هايلة
قوليلي وين نقدرو نديروها زعما في مخدة تجي؟؟

♥♥ عدد المساهمات : 8891 تاريخ التسجيل : 08/11/2010

تعيشي هجورة
ايه تجي في مخدة وحتى في درا ومام حاجة تحبي تغطيها كيما الميكرو ولا لاشان يعني كيما تحبي

سلام شهرة ، أنا مانيش حابة نخسر الحاشية ، باه تقعدلي للخدمة نتاع الصح، ولا واش رايك ، أنا قلت نسيي غير حاجة حاجة ، ونصورها ونوريهالك ، اوكي <img src=

" longdesc="53" />

♥♥ عدد المساهمات : 8891 تاريخ التسجيل : 08/11/2010

ايه سيي من كل نوع وحدة باه غير تخرجي عليها وخلاص
ماتكمليهاش كل
مام انا قلت هكاك على خاطر تدي وقت اكثر من كي ديري من كل نوع وحدة

ربي يكون في العون

ماشاء الله راكم تتعلمو مليح

شكرا شهرة
بارك الله فيك

♥♥ عدد المساهمات : 8891 تاريخ التسجيل : 08/11/2010

يا بنات واش كاشي وحدة خدمت ولا لا؟

ليليان عندها يامات غايبة
ان شاء الله تكون بخير

الله يسلمك شهرة راني جيت وجبت الخدمة تاعي سييت نصف السلة برك
وعرفت نخدمها مي الحمر درتهم كبار وتاني ادوك لعراجن لخضر

المهم راني جبتها وكون نعاودها نديرها خير من هادي هادي تجريبة و بزربة برك اون بليس مكونتش نتبع كونت في دار ا lol!

ختي راني نبرر لكم باه متضحكوش علي الخدمة
هاي ليكم [ندعوك للتسجيل في المنتدى أو التعريف بنفسك لمعاينة هذه الصورة]
lol!

اه نسيت كتاه نكملو الدروس[ندعوك للتسجيل في المنتدى أو التعريف بنفسك لمعاينة هذه الصورة] طولنا استادتي راهي قريب الفاكونس نورمالمو منقراوش

♥♥ عدد المساهمات : 21453 تاريخ التسجيل : 08/11/2010

تم تعديل الصورة/

مليحة ليليان اصلا الدرس باين صعيب مي لاباس على كل حال خير من والو يعطيك الصحة [ندعوك للتسجيل في المنتدى أو التعريف بنفسك لمعاينة هذه الصورة]

ليليان المرة الجاية بدلي موقع الرفع باسك هذا لي راكي ديري بيه ولا عيان بزااف وجي الصورة نص برك

هاكي زوج مواقع رفع وخيري لي يعجبك

[ندعوك للتسجيل في المنتدى أو التعريف بنفسك لمعاينة هذا الرابط]

وهذا تان

[ندعوك للتسجيل في المنتدى أو التعريف بنفسك لمعاينة هذا الرابط]

» دوزان الحنة بشرائط الساتان
» التطريز بشرائط الستان بالفيديو
» التطريز اليوغسلافي بشرائط الستان