ادعولي وانصحوني

السلام عليكم ورحمة الله وبركاته اردت ان اشكو لكم همي رغم ان لاشكوى الا لله فدعواتكم لاختكم لي كرهت من غيرة خطيبها وانانيتو انا مخطوبة منذ اكثر من سنة وكنا على اتفاق مع خطيبي انو العرس على الاقل الحنة ستكون بعد رمضان وبداية العام الجاي نكون في داري مؤخرا ومنذ بدية هذا العام وهو يماطل وكل مانسقسيه وقتاه يبدل الهدرة ويقولي جوان يبان كل شي اليوم كي دخل جوان نزل علي الخبر كالصاعقة قالي مزال مانديرو والو الدراهم لي لميتهم عجال العرس رايح يدفع على دار وبحجة انو ماشو حابني نتمرمد في الكراء يعني اجلها لاجل غير مسمى كل هدا مشكل وغيرتو مشكل ثاني قاعدة نحس بلي ماهوش حاط فيا ثيقة كان توخرت في الترونسبور مع من كنت وكان الريزو ماكنش انا لي طفيت التلفون وكان عيطولي تاع الدار وانا في الخدمة ولا حتى في الدار وعيطت وحدة صاحبتي مع شكون راني نحكي رجل تقدم ورجل تسخر وما لقيت واش ندير
انصحوني خاوتي على واش قالي عالسكنى وادعيولو ربي يهديه ويهدي سرو ويجمع بيننا في اقرب وقت بمودة ورحمة ولكم بالمثل

ربي يعدل الاحوال

يا تختي لازم تصبري و تدعي بزاف و تان صلي صلاة الاستخارة راهي فيها فايدة كبيرة و كي تكثري منها و تدعي راه كلش يبانلك ان شاء الله
انا من ناحيتي ننصحك بالاستغفار عن تجربة عندو فايدة كبيرة بصح لازم تكثري متو و تدعي و ربي يتقبل ان شاء الله

ختي كيما قالولك البنات الغيرة هادي مش عليك برك الرجال كامل يغيرو ..الله غالب هدا طبع فيهم ما يتبدلش
بالنسبة لموعد العرس ما يهبطلك المورال ما والو كل عطلة فيها خير ..اكيد ربي شايفلك خير في التعطيلة هادي صلي و ادعي ربي يسهلكم اموركم و ان شاء الله تفرج

ربي يهنيكم و يعجللكم في زواجكم

لعله خير !!

شكرا اخواتي والله راني حاسة بلي كي نهدر معاكم راني نسولاجي الحمد لله على كل حال ربي يهنيني ويهنيكم اجمعين ويجمع بيننا وبين ازواجنا عاجلا غير اجل

مرت 4 اشهر عحكايتي والمشكل ماشي ويتازم انا كنت رايحة نحني عمقياس والدهب طلع وخطيبي مازال ماردولوش خبر عالسكنة وقريت في الجورنال بلي كاين بنوك تمد قرض 100 ب ال100 يعني مكلاه يدفع والدفعة هديك قادر يشري المقياس ويجهز كلشي بالصح هو ولا يماطل وكدبني عالافير تاع البنوك ومصر يسنى مع العلم رايحين نكري مدة 3 الى 5 سنين حتان نسكنو في هدي الدار حاساتو يتهرب ويجبد في روحو بالعقل ويدير في السبايب ويعطل في كلشي باه انا نمل ونبطل لقيتلو الف طريقة حتى اقترحت نعاونو انصحوني واش حاب مني

اهلا اختي ماتقلقيش روحك كلش اهون نتي ساعفي قدر المستطاع ولا صارحيه
لازم تكون مصارحة بيناتكم باش تفهمي واش راه حاب وارقي نفسك
واستخيري ممكن عين ولا حاجة راهي تعطلك
وجامي تيأيسي نتي وتعرفي خطيبك اذا تبدل معاك ولا مزالو كيما كان

ننصحك انك ماتقعديش تانسيسيتي على الزواج قولي توجور كلش بالمكتوب ووقت ماكملت راني نستنى فيك باش ماتزيريهش وخليه الاز ممكن نتي راكي تضغطي اعليه بزاف وهو بدا يتقلق وكل احاديثك معاه وقتاش نتزوجو... الخ خليها تمشي كيما مسيرها المكتوب وماتعمريش راسك بزاف

اما ع الذهب كي يهبط شوية اشيه وخبيه ونهار يجو احنولك خرجيه ولا اشريه بفاسيليتي مابيد تكمليه بلعقل


وقدما تقولي غير انا هكا ولا حاجة لوكان تشوفي مشاكل الناس تقولي الحمد لله على كل حال


وربي يهنيك اختي ويجمعكم عاجلا غير ىجل ولجيمع البنات وطمنينا اعليك

السلام عليكم شكرا red pearle درك ولا حاب نسكن مع اهلو وانا لدرك ما فهمتش عقليتهم حابيني ولا لا

شفتي كيفاش ايه دوك لانتي مزروبة وحابة تتزوجي وحاسة بلي تقدري تعيشي مع دارهم (اذا كانو ملاح) يعني ماشي تاع مشاكل وتروح تغبني روحك برك اتزوجي واسكني معاهم حتى يفرج ربي سينو اصبري حتى يكري ولا مانعرف واش حاب

مي نفضل تسكني وحدك باسك اذا داك لدارهم يقعد يستهزا ومايكري ماوالو وتعشي حاصلة

بلا مزية اختي رانا هنا نعاونوك قدر المستطاع

حيرتينى اختى هى RÈÐ PËÃRŁ راهى تجاوب فى الصميم يعطيك الصحة


الله يكون معاك يا اختى