زوجة أخي

مساء الخير
اليوم حبيت نعرض مشكلتي عليكم وهي مرت خويا راهي ساكنة معانا ومتفاهمين ولله الحمد
طاح عليها هبالها هاد العام ملي بديت نجهز وهي تجهز معايا الحاجة اللي نشريها تشري اختها ولا بنت عمها تبدل الكولار برك سوا فراش قنادر واجدين ولا مخيطين بيجامات نويزات حتى ملابس داخلية جابت كيفي
مانكذبش عليكم سمطتلي قشي كامل، أنا جهازي مخبياتو و هي تلبس في هاذوك الحوايج ضرك
مانقدرش نخبي عليها واش نشري لأنها ساكنة معانا
راني حايرة واش ندير معاها

اهلا هبة والله راكي في موقف لا تحسدين عليه كيما يقولو

واش نقلك اخرجيهالها طاي طاي ولاماتزيديش توري حوايجك ليها يعني
اشري وخبي وكي تكوني تستفي فيهم اغلقي باب بيتك ولا وين رايحة تستفي خليها
تخبط راسها يعني هي راهي طفرت دوك باسك تقريبا شريتي كلش ولا قولي ليماك
تهدر معاها ولا اقعدو معنيولها غير بالمعاني يعني غزلوها
احسن حل هو تقنطيها يعني تندميها بلي شرات كيما نتي

والله مزالو كاين عباد جايحين هكا بففففففففف

يعييو

يا هواه

هادي غارت منك
يا خي عقلية يا خي
صح عندك الحق انا تاني كي يشرو كيفي نعاف حتى نلبسهم

ماعليش اذا ماقدرتيش تقوليلها ديراكمون عودي اشري وخبي

ونهار تعدليهم خليها نهار تروح لدارهم واعدليهم
يا خي جياحة ياخي

كيما راهم قالولك البنات انت ما تبينيلهاش بلي تقلقتي بالاك راهي دير هلك باه تغزلك برك و انتي اشري و خبي يالوكان نديريهم في الصاك
و ربي معاك ان شاء الله

ميرسي بنات
القنادر و الفراش ماقدرتش نخبيهم مي نويزات وقش تاع الداخل نحطهم في كارتونة صغيرة ونغلفها كيما الكادو
عندي 3 قنادر كي نجيبهم من عند الخياطة نغلفهم كيما الكادو وخلاص

لوحيهم في صاكك وكي توصلي ديريهم في بلاصة ماتفتفش فيها وكي ما تكونش في الدار حطيهم في الفاليزا

هادي سخافة يخي لي مودال كاينين خير ربي علاه حتى تشري كيفك !!!!!
كيما قالولك لبنات لحوايج اللي تجيبيهم منا و فوق حاولي تخبيهم باه ما تشوفهمش و خلاص
ربي يهدي ما خلق

آمين

قيما قالولك البنات خبي عليها ما يهمكش فيها هدي غارت منك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ربي معاك ان شاء الله

ربي يكون معاك يا هبة ختي
انا اكره ما عندي يعاندوني فواش شريت و يلبسوها قبلي
لععععععععق نعيفها و نعيف جدهم

انت خبي عليها و خلاص
و حتى اذا شريتي مش لازم تعرف هادي حاجة تخصك
الحشمة هي اللي خلاتك اديري هكا
مي هي لا حشمة لا حية

كيما خرجتها طاي طاي
نتي ثاني
اشري عيني عينك و حطيهم في خزانتك و كي تسقسك قوليلها اكذبي اي كذبة مارقة رايحة تفيق و خلي تقول واش تحب
المهم نتي تكوني نجحتي في المخطط ههههههه
ربي يكون معاك

ميرسي بنات على النصائح ربي يخليكم
خايفة نهار اللي نشري الذهب تجيب كيفو نقطع قشي

ههههههههه هية الذهب ساهل

شدي خوك مايمدلهاش دراهم قوليلو رايحة تخليك

علاه هيبة ما زال ما شريتيش الذهب؟

كان عندي من قبل و مازال ماشريتش محزمة و مقايس

شوفي هبة القش ممكن تشوفو بطريقو او باخرى مي الذهب ممنوووووووووووووووع يشوفو اي واحد و اصلا هو ما يديش البلاصة معنتها قادرة تخبيه وين تحبي و + ما شكيتش خوك رايح يمدلها الدراهم باش تشري الذهب سورتو المحزمة و المقايس راهم غاااااااااليييييييييييييييين

عجبتني سارة قاتلك شدي خوك قوليلو راها تخليك

اشري وخبي بلا ما توري
وخليها تقود على روحها

الذهب شرات بعدذما تخطبت بيامات ماشكيتش تزيد
والمحزمة عندها من بكري

آمين ميرسي

ههههههههههههههههههه يخى حالة يخى تخافى يعجبها راجلك هههههههههه
هههههههههههههههههههههه

انقولك وسعى خاطرك وخلاص واش رايحة اتديرى هى التابعة تاعك هههههههههههههه والله اتضحك

هههههههه
والله كيما قالو شر البلية ما يضحك

انا منيش مع لبنات في انك تشري وتخبي عناني
ماخي هيا تروح لدارهم ماهيش قاعدة ديما تم.كيما تروح اشري براحتك وخبيهم بلا ماتحس
انا يضهرلي هاديك نتاع عيناني راهي تجيبللك المشاكل معاها ومع خوك
اربحيهم واشري بدرقا وخبي
وكاينة حاجة تاني خوك لازم تقولو يماك عيب عليها مرتك ماهيش عروس حتى تشري هكا

انتي اولى

اما عيب عليها نورمالمو هيا الي تشريللك
وتعاونك.لازم تحسيسيها باش تحشم على روحها


هادا رايي