هل انت مخطوبة؟ هل لديك اي استفسار او سؤال ؟

يبالي ارغنزا خير نسيمة

والله عمبالي
نخاف تحطيها في ارغنزا ومن سخانة كاش ما يطلق لون على قماش
قصدي ياثر فيه

سلام عليكم بنات توحشتكم مليار وتوحشت خكايتكم مع التحضيرات ايه باركولي راني درت الفاتحة و جاز لي فيونساي روعه ودرك انقوللكم واش اشريت فراش ودبروا اعليا ادا انزيد ولا براكات
أشريت كوفرولي سامبل ب مليون وميه جاي على الماغون و البلو غوا وجاي امعاه لي ريدوا تاع التاقه
وشريت كوفيرطه بالبيض و الازرق و لي دوسوندولي هدوك اللي يجوا 3 و التالتة اتجي زربية تاع شومبره . اشريتهم بالأسود باش ايوالموا مع كلش و محفرين
وزدت اشغل كوفرولي تاع قطيفة في الموف فونسي هدا اللي عجبني بزاف
وشريت زوج تاع لي كوات سامبل ولي سطور ابيض
وشريت ادرى ابيض 4 بياسات
وراني نخدم في زوج ادراوات واحد على الموف تاع لي زبليك
والتاني عل الكروفات هدوك تاع الكروشي ويلصقوه فوق القماش تاع الميتيس
و لي زور راني شارية 3 هدوك اللي بلمخايد و المسند
ولي نابخون راني دايره 4 انواع بمفاتحهم
واشريت افراش للصالون تاع زوج كنبيات على القغونه و ولي ناب للطابلة هدوك اللي ايبيعوهم الجوابنه
وهدمكان ومعوله انزيد زوج مطارح تاع الصوف ادا كاش منسيت فكروني ؟؟؟

اول شيء الف الف مبروك
لعقوبة لنهار العرس يفوت احسن واحسن

ربي يهنيك ويسعدك

ماشاء الله يبالي مكان لاه تزويدي راكي مدايرة من كلش وباعداد ملاح

برك نسيتي تلايق اذا تحبي ديريهم
وزربية للصالون كيما الفراش تاعها


هدا ماناقصك يبالي
يزيدو يجو لبنات كاش ما يتفكرو

برك على درا تاع لي زابليك عندك صورة عليهم؟
حبيت نشوفو

مرسي شهرزاد الله يبارك فيك ايه التلايق راهوا يتحدموا انسيت باش نكتبهم و على التصويرة تاع الدرا تاع لي زابليك والله ماعندي الميكروا راهوا فاسد مس غير انسقموه راني انديرلكم كامل التصاور تاع اجهازي

اهلا اهلا ميريام عاش من شافك
الف الف مبروووووك الفيونساي ولعقوبة للعرس ان شاء الله
امممم وانا راني نقول وش غيبك

الله يسلمك و الله غير توحشتكم

صباح الخير لبنات واش راكم لباس مبروك عليك مريام لعقوبة للعرس ان شاء الله و بصحتك لحوايج انا تبانلي راكي درتي كلش الله يبارك زيدي غير حوايج ليك انتي من فضلك قوليلي درا تاع لي زابليك بشحال راكي تخدمي فيه خاطر انا هنا في العاصمة في باب الواد لقيتهم يخدموهم غاليين بزوج ملايين هكاك و جاوني خسارة ب 2 ملايين و مام تاع غيشوليو فايت زوج ملايين و الله هدا تبدير و انا مانحبهمش مامبا برك ماما قاتلي لازم تخرجيهم معاك . قوليلي ادا درتيهم في زوج تعيشي و بالصحة و الهنا عليك.

السلام عليكم

مليح ميريام صباح برك تفكرتك هههه
تفكرت بنات دارو دي قارنتير اذا تحبي حتى انت ديري
كل منطقة كيفاه

اهلا ياسمين حتى انت كي مريام غبتي علينا مرة وحدة
وش حوالك
كاي جديد؟


وش هوما لي زابليك انا حابة نعرف برك كيفاه مداير
وان شاء الله مريام كي يتعدل الميكرو نسناو صور جهازك

ياسمين غالين بزاف أنا شريت القماش و كامل واش تسحق و خدمتوا ب 800 مي نعرفها وساعدتني كي نخدم الميكرو راني انطلع الصور وتشوفوهم
شهرزاد انا تاني معوله انديرهوم واندير ألوانهم على حساب الفراشات خدمت اللي اندير فيها المشاطي على الموف ومعولة انخدم بوات ونشبحها شفتي هدوك تاع المثلجات لكبار هديك ونزوقها هههههههههه ماشي انا نزوقها حبيبت ماما اطلع من يديها لعجب وعد غير يتخدم الميكرو راكم اتشوفوهم

اوك مريام شوقتيني راني نسنا الصور

مليح ميريام
ونزيدك في لي قارنيتير
راهم دركا العرايس يدو هاذوك الشمع اللي يجو في كيسان
وثاني وحد الحجر تاع كريستال تعمريهم في حاجة تاع زجاج
سكرية او فاز صغير او اي حاجة تاع زجاج
وتحطيها فوق لاكوافاز
يخرجو يهبلو
انا شفتهم في الحانوت عجبوني بزاف

سلااااااااااااااام لبنات بسيف لكملت لقرايا من الاول حتى لهنا باش نفهم فاش راكم تهدروا
المهم
اولا على ليلة الدخلة احنا عندنا العروس تقعد لابسة لاغوب حتى يدخل العريس ينحيهالها ثم بعد انتهاء العملية
طبعا على ضوء الشمعة تلبس ليزابي او اي غوب دو شومبغ
وعندنا تاني العرسان ميباتوش وين العرس يروووح لاي بيت نتاع الاهل طبعا يتفاهموا من قبل وين يباتوا احسن
وبخصوص الشهادة احنا لازم الدرا الابيض اما يدوه لام العروس تغسلوا وترجعوا وتجيب معاها لغدا وتشريلها حاجة



وفي خصوص العقد لبنات انا كي رحت نعقد اديت معايا 3بنات من فاميلتي وبابا وخاوتي والعريس تاني جاب معاه اخوتو وباباه وكاين الي يجيب صحابوا


وكاشما حبيتوا اني هنا هههههههه
وطبعا بلامنزيد نقلكم كل وحدة واش يواتيها ويريحها

شكرا اخت اسماء على الاضافات
صح كل ناس كيفاه عاداتهم

اهلا ميريام بالباراكة عليك حنونة تستهلي كل خير و ربي يهنيك ان شاء الله
في جهازك الله يبارك راكي جايبتها نورمالمون هادوك هوما و كاشما نتفكر راني نزيد نقولك برك الكوفيرطة 1 تبانلي قليل لالا؟
راكي شوقتينا باه نشوفو الصور

اسماء مشكورة على المساهمة اختي

اختي هاجر هدوا تاع الكريستال مازال مشفتهمش مي انحوس اعليهم أما بخصوص الشمعه راني ادايه 3 برك وحده جايه اشغل مستطيل لونها ماغون و وحده شكل تفاحه و حده فراز وكي تشعليهم ايمدوا ريحه الفاكهة وانتي اختي سمية مرسي مي راني ادايه تان لي كوات وزادت جداتي اعطاتلي تعرفي انسيت اسموا مي دوك نوصفهولكايجي ابيض يخدموه القبايل و الشاويه و ايجي فيه زخارف دوك ادا كملت كامل احوايجي راني انزيد كوفرطه

وش هو الابيض مريام
بواه خدماتو جداتك؟
حنبل؟ ولا هيدورة ولا واش؟

قرعاجية 1000 في الساعة
هههههههه

اهلا لبنات



مبرووووووووك ميريام لعقوبة للعرس ان شاء الله



راكي درتي حوايج بيان يبالي زيدي بساطات ينفعوك كي بزاااااااف



لي غاغنيتوغ راهم خير ربي روحي للحانوت نتاع لي كادو عندك ما تلقاي و شوفي هادي

[ندعوك للتسجيل في المنتدى أو التعريف بنفسك لمعاينة هذه الصورة]

سمسومة هذاك اللي حطيتيه تاع الصابون شفت بزاف بنات كانو يخدمو فيه
زعما كي تحطيه فوق لاكوافوز يريح؟؟
بما انو صابون

هيه هاجر يريح رووووعة انا هادا شريتو نظن خدموه بدوف ريحتو كي خرجتو لبارح باش نصورو اللي يدخل يقولو واش دوشتي ههههههه

ريحة رووووعة

بنات حبيت نسقسيكم على كواغط العقد اكزاكتومون واش فيهم عن قريب رايحة نعقد ان شاء الله و باغية نوجد الكواغط

راني نستنى فيكم

على لكواغط والله مانعرف وش تدي
واقيلا شهادة الملاد وبطاقة التعريف وسرتافيكا ومانعرف وشيه
لبنات يزيدو يفيدوك


ايه هاجر يريحو علكيف

تاعنا درتهم عندهم 4 سنوات للضرك راهم يريحو

مرسي شهرة

ان شاء الله لبنات لخرين يكونو علابالهم واش فيه

لبنات دوك انقوللكم واش يليق في العقد انروح انجيب هديك الورقة على خاطر انا تان هاد الأسبوع نعقد ههههههههههههه انا الامام معرفه فتحلنا و دوك نعقد