صديقتي

صباح/مساء الخير

حبيت نفرغلكم قلبي ..انا فتاة عمري 25 سنة عندي صديقتي مقربة ليا بزاااف نعرفها من 10 سنين قرينا مع بعض و دركا نخدمو كيف كيف في نفس لبلاصة ..من فترة جا واحد يخدم معانا تعرفنا عليه و حسيت انه يبين اهتمام بيا انا و لما حكيت لصاحبتي قاتلي لالا راهو مهتم بيا انا و ولات تتقرب ليه بزاف و تهدر معاه طول الوقت و كيما نسقسيها وش تحكيو ولا حاجة ما تحبش تقولي
و البارح قاتلي بلي راهو حاب يخطبها ..لما قاتلي هاد الكلمة انا شعلت النار في قلبي ما تقبلتش الفكرة هادي و ما قدرتش حتى نقولها مبروك
دركا راهي زعفانة مني

ما عرفتش كيفاش نتصرف مع هاد الموقف

اختي علاه حتى انت عاجبك هادا لي يخدم معاكم؟

هومرات الراجل كي يحب يتقرب من وحدة يروحلها عن طريق صاحبتها يعني يتعرف عليك يحكي معاك على جال باه يوصل لصاحبتك

وماشي مشكل درك كي راح يخطبها ربي يكملها ويهنيها كل وحدة ومكتوبها
ربي يعوضك باحسن منو

وصحبتك روحيلها اطلبي منها سماح وقوليلها كنت مقلقة من حاجة اخرى على بيها ماتولهتش باه نباركلك
واذا حبيتي قوليلها الصراحة بلي تقلقتي على انها صحبتك وهادي عشرة وكي تسقسيها اي حاجة مثلا كيما قلتي واش يحكو ماتحبش تقلك
وقوليلها تقلقت على انو كنا صحابات حاجة ماتتخبى بيناتنا وانت وليتي تخبي

السلام عليكم
اختي مدام هادي صاحبتك لانتيم و ما غلطتش في حقك تمنايلها الخير و باركيلها و ان شاء الله ربي يبعتلك اللي خير من الراجل اللي يخدم معاكم

بالتوفيق

يا اختي كل واحد و مكتوبو و مكاش اللي تدي حاحة مش كاتبتلها و لازم نرضاو بواش كتبلنا ربي
انتي لازم تباركيلها و ما تبينيلهاش علاه زعفتي باه ما تديش منك موقف و تولي تشك فيك سيرتو كي ولى خطيبها يخدم معاكم قوليلها زعفت علي خبيتي عليا و خلاص و ادعيلها ربي يهنيها و ان شاء الله انتي ربي يبعثلك الخير من جهة اخرى