مساعدة من فضلكن

السلام عليكم

راني محتاجة مساعدتكم وان شاء الله نلقاها ، أنا راني قريب نكمل جهازي ( الحوايج طبعا) ، مازالي الكوسمتيك ماشريت والوووووووووووو ، قولولي كيفاش نبدا وبواااااااش SURTOUT الماكياج مانفهم فيه والو ومانعرفش ندير مادابيا تعاونوني وبالصور ادا تقدرو ، ربي يعيشكم ، عرسي في اكتوبر راني روطار؟؟؟؟؟؟

راني نستنى

اهلا نسوم شوفي من رايي ماتكثريش كوسميتيك ادي من كل شي حاجة ولا زوج باسك يفسد ويروح هكاك

شوفي اشري ماسكرا كاش زوج نوار وواحد لونو ازرق اذا تحبي الازرق

والماركة لازم تكون مليحة هكا باش ماتشريش عشرة وخسارة برك يالوكان زوج ويكونو غاليين مي يكون تأثير مليح

بعض الماركات الملاح

maybelline, bourjoi , névia, l'oréal

++++++++++
اشري pallette de couleur اما كبيرة وتكون فيها الوان بزاف اما زوج ويكونو moyenne

++++++++

les fard a jou اشري تان على حسب لون بشرتك او اشري مارون وغوز وباج

+++++++++

فوندوتان اشري دو كريم و2 بودرة كاين بزاف انواع تان خيري ماركة تكون مليحة كيما لوريال ou maybeline

++++++++

لي غوج الافر ادي كاش 5 يكونو الوانهم متنوعين

هذا واش تفكرت الكحل تان اذا تستعملي ادي وحدة

مممممم اذا كاشما تفكرت نقلك

les vernis تان ادي كاش خمسة الوانهم متنوعة

les traceur تاع الفم تان اذا تحبيهم ادي منهم وتاعالعينين ادي الوان قري وموف ازرق

اما على طرق راني حطيت وحطو البنات شوية مواضيع ممكن افيدوك واذا كاشما لقيت راني نحطلك مكانش مشكل

يعطيك الصحة صرصورة ، ساعدتيني بلبزاف وان شاء الله نبدا نشري بالشوية ، كاشما تتفكري قوليلي

ولي شمبوان ولي جال دوش لي ديودوغون .............................ومازااااااااااال ، شحال نشري؟؟؟؟؟؟؟؟ولي مارك تاني؟؟؟؟؟

سلام

اولا مبروك تهنيتي من الشي الكبير بقالك غير المكياج و توابعه هادي حاجة ساهلة

انا نقولك رايي و نتي ديري اللي يخرج عليك

شوفي اغلب ادوات المكياج عندها مدة صلاحية قصيرة(6 اشهر في المتوسط الى 1 سنة) ننصحك تخلي حتى للخر باه تشريهم

واش لازم تشري ..من رايي ما تكتريش بزاف خااااصة لاكان في اصلك ماديريش المكياج بزاف بويسك يبقالك و يفسد و يروحو دراهمو خسارة ..اشري من كل حاجة قطعة ولا 2 ماكسيموم و البركة

-منظف بشرة هادي حاجة لازمة و كاين ماركات بزاف ملاح كيما فيتشي نيتروجينا كلير اند كلير ....الخ
-مناديل تنظيف البشرة ..كاينين تا لي بيبي و كاينين تاع المكياج ...تاع لي بيبي ملاح تمسحي وجهك بيهم بصح ما ينحيوش المكياج مليح ...لاكان رايحة تستعمليهم لازالة المكياج ننصحك تشري مناديل مخصصة و اللي احسن فيهم هوما جونسون ولا نيفيا

-مزيل مكياج خاااصة للعيون لازم تنظفي عينيك مليح من المكياج قبل ما ترقدي

-مرطب بشرة..نتي و واش يخرج عليك

-كريم اساس سائل و لاكان وجهك يزيت بزا من الافضل تشري فوندوتان على شكل موس ولا فوندوتان سائل خالي من الزيوت ..كاينين بزاف ماركات مليحة كيما مايبيلين ..بورجوا ....الخ
-كريم اساس بودرة ..شوفي اللي يجيو فيهم 2 انواع واحدة بودرة تبرق وواحدة ما تبرقش ...خلي اللي تبرق للمناسبات ولا لزوجك برك و لخرة استعمليها ف الايام العادية


-anti cernes لتغطية لي ساغن و تقدري تستعمليه باش تخفي اي عيوب في البشرة ...اعرفي تختاري اللون اللي يتناسب مع لون بشرتك ....هو مهم بزاف بويسك تقدري تستعمليه وحده باش تغطي شولئب بشرتك بلا ما تستعملي فوندوتان على وحهك كامل ...هدا راح يعطيك طلة طبيعية اكثر

-ماسكارا من رايي خيري 2 ملاح واحدة خفيفة وتفرق الرموش و واحدة شوية ثقيلة تعطيك حجم اكبر و كثافة اكبر ....كاينين ماركات ملاح كيما yves saint laurent ...bourjois ...maybeline ...xxl ....و لا حبيتي زيدي واحدة شفافة


-اشري كحل ولا من الاحسن قلم اسود لتحديد العيون ..انا جربت واحد و عجبني بزاف اسمه emily و زيدي شوفي انواع اخرى و زيدي شوية اقلام للعيون بالوان مليحة و تخرج على عينيك ...كيما ازرق اخضر ....الخ

-اقلام تحديد الشفاه انا ما نحبهمش بصح لاكان عجبوك اشري 3 وردي و لون لحمي يقولولو nu يجي كيما لون البشرة هدا راح يكون طبيعي اكثر و واحد مائل للاحمر في رايي هكا بزاف ...و كاينين اللي يتباعو اقلام فيهم 2 الوان ....فايدتهم انهم يكبرو من حجم الشفاه و اعرفي بلي ما بقاتش لامود تاع 90 اللي يحددو محيط الفم و يخليو الداخل فارغ لالالالالالالالا درك تحددي شكل فمك و تلوني شفاهك بنفس القلم و من بعد ديري الغوج فوقهم

-احمر الشفاه ...اشري الالوان اللي تحبي و الاساسيات هوما الوردي اللحمي اللي كيما لون البشرة و الاحمر .. و الاحمر اعرفي تشري اللي يخرج عليك بويسك كاين الوان بزاف يخرجو على واحدة و واحدة ما يخرجوش عليها و ما تنسايش ملمع الشفاه (الغلوس) من رايي كتري منهم و ما تنسايش مرطب الشفاه تاني ...و الغوج ماجيك اللي يجي اخضر ديريه قبل ما ترقدي باش كيما تنوضي تلقاي لون محبب في شفاهك


-فاغ ا جو " longdesc="171" /> واش نكرهووووو ...بصح الله غالب ضروري للعروس
اشري 3 وردي و واحد مايل للبرتقالي و زيدي لون 3

-و اكيد بالات تاع ظلال العيون ..هادو ما نفهمش فيهم ابدا ابدا

-ما تنسايش تشري الاسفنجات تاع الفوندوتان راهم يتباعو 10 واقيلا في صاشي و ماهمش غاليين

-و فرشات الفاغ ا جو و ظلال العيون تاني


واو هدا اطول رد كتبتو في حياتي هههه

-

عاشقة الورد كتب:

ولي شمبوان ولي جال دوش لي ديودوغون .............................ومازااااااااااال ، شحال نشري؟؟؟؟؟؟؟؟ولي مارك تاني؟؟؟؟؟

لي شميبوان ادي اللي يخرج على شعرك ما نقدرش نفتيلك في ليمارك لملاح خاطرماش كل واحدة و واش يخرج عليها

ديودوغان ادي 3 مثلا من اللي ريحتهم تاع نظافة كيما دوف ولا ريكسونا
و زيدي 3 مثلا من اللي ريحتهم تاع فواكه ...قصدي اللي يكونو معطرين كيما البارفان

من رايي تدي من لي كوفري فيهم مجموعة كاملة تاع الجال دوش و الكريم المعطر للجسم و بخاخ الجسم ...الخ ..ما علاباليش وش فيهم بالضبط بصح من رايي تشري طقم مرة واحدة خير يكون فيه كلش و من نفس الماركة ...ما نعرفش ليمارك لملاح بصح نظن camay مليحة

-العطور كاين بزاف على حسب نتي وش تحبي بصح ركزي على العطور المغرية اللي تجذبي بيها راجلك خيري اللي يكون الاساس تاعهم من الفانيلا هادو يجذبو الرجال بزا ... و لاكان قدرتي اشري عطر ch تاع كارولينا هيريرا ..العطور تاعها معروفين بلي فيهم فرمونات اللي هوما مواد تجذب الرجل للمرأة ...لبنات هادي معلومة خاصة بالعرائس اللي تروح تشري عطر من هادو باش تجذب بيه رجل اجنبي راني بريئة من نيتها و الله شاهد ...العبد من ناقص اثام

هادي الصورة

[ندعوك للتسجيل في المنتدى أو التعريف بنفسك لمعاينة هذه الصورة]


كيما قالت سارة ما تنسايش الفارني ...اشري الالوان اللي تعجبك و ما تنسايش مزيل الصبغة تاني

اممم هدا وش جا في بالي كاشما تفكرت نزيد نقولك
بالتوفيق

بلا مزية نسيمة رانا هنا

......

لي شمبوان شوفي نتي واش موالفة تستعملي ادي منهم هكا باش ماتشريش انواع جدد ومايوالموش شعرك وتحصلي من بعد

شوفي ادي كاش 5 شمبوان وواحد كوفري يشدولك

انا يعجبوني fructise , elsève, dove, palmolive, ultras doux هذا واش جربت


++++++

gel douche كاش 4 ولا حبيتي زيدي كوفري

انا عجبنني لي شريتو اللخر دوف روعة ننصحك تشريه

[ندعوك للتسجيل في المنتدى أو التعريف بنفسك لمعاينة هذه الصورة]


كاين تان بالموليف

[ندعوك للتسجيل في المنتدى أو التعريف بنفسك لمعاينة هذه الصورة]

هذا واش جربت

++++++++

صابون تان ادي كيما تحبي نتي نوعي فيهم بالموليف دوف الخ

+++++++++++++

لي لانجات نيفيا ملاح ولا اي نوع لي ديماكيون كاين انواع بزاف جامي جرتبتهم

++++++

لي ديودوغون ادي 4 بزاف

انا نحب نيفيا الموف وسناكس الزرقة ودوف وريكسونا وكاين انواع بزاف مي كل واحد وذوقو

هههههههه نور ضحكتيني

نورمالمو مانسينا والو غير العطور ركيما قالت نور ادي لي يكونو مركزين مي ماشي قاويين باش ماتصرعيهش اكونو حنان ولازم تشري وحدة تكون غالية اوموان تضمني وحدة تشد والباقي اشري تاع قش بختة

[ندعوك للتسجيل في المنتدى أو التعريف بنفسك لمعاينة هذه الصورة]

أختي عاشقة الورد مازال الحال على المكياج، خلي أواخر سبتمبر و أشري، راهي السخانة درك يفسدولك برك، و الأخت نور راهي ماخلاااااااااااااااااااااات وااااااااااااااااااااالو

الريحة أشري واش يعجبك أنتي ، كل وحدة و الذوق ديالها، بالنسبة ليا ألي عجبتني بزاف هي ريتشي ريتشي تاع نينا، بزااااااااااف حنونة، الديودورون كاين نارتا و دوف ملاح مع الستيك ديالهم (حاولي تشري لوريجين) و الباقي أشري تاع الجزائر، الشامبوا ثاني مليح دوف و هاندانشولدرز ، الجيل دوش مليح بالموليف هاذو ألي راني مجربتهم ، و الرأي الأول و الأخير ليك أنتي، شوفي واش يوالم البشرة ديالك و شعرك

شكرا لبنات

انا تاني استفدت منكم

على خاطر في هاد لحوايج راني صح اووووووت

ربي يهنيك نسيمة
وكيما قالت وسيلة خلي لاواخر سبتمبر واشري الماكياج باه ما يفسدش ويشدلك لوقت من بعد

يعطيكم الصحة ، نور والله غير فدتيني بزاااااااااااااااااف

صحيتو صارة ، وسيلة ، شهرة ، أنا تاني اوت في الماكياج ، والشمبوان مانيش مجربة بزاف ، دوف وسانسيلك ، بصح كاين بزاف لي كولار ، أنا شعري ناشف ، لازملو حاجة ترطبو ، وماعرفتش بواش نغسلو؟؟؟؟ " longdesc="21" /> " longdesc="21" />

نورمالمو لي ناشف يتغسل بتاع الزيوت ولا العسل والبيض


انا تاني شعري ناشف خرج عليه واحد اسمو نيفيا ولا فاتيكا تاع اللوز والعسل تاني مليح

والله ماعلابالي مي نتي خيري شمبوان لي مستخلصين من الزيوت
بالاك اعاونو شعرك ولا ديري حمام زيتي

//

مانعرفش ندير حمام زيتي

هدا الموضوع افادني كثيرا

وتحية لنور صاحبة اكبر رد هههههه

مام انا فادني الموضوع ياسر راني حاكمة كراس ونكتب


بركة الله فيك نور

نصحيحة من اخت لاختها ..ماتكثريش ...راكي تشري قبل العرس ... وتزيدي ثاني بعد العرس تشري مش عا تحبسي هادي ماركة جديدة هااااااذي ...هاااااذي ي ي ي ي ي .....

راكي حطيتي ايديك على الجرح انا ثاني عرسي في اكتوبر بصح قلت نخلي الكوسمتيك لاواخر سبتمبر

صراحة والله تعبت حتان لدقيقة الاخيرة وانت تتفكري ربي يسلكها على خير