أطباقي واطباقكم خلال شهر رمضان من مطبخكم الخاص

بصحتكم كامل



سمية كيفاه لي كراب؟

بصحتكم درت البارح شربة وماشطو مخلط كي شغل شكشوكة وداند بالصوص وشلاظة وقازوز فراز حمود وجو يونغا ولبن وتمر وديسار كان كرموس وبغسيس
والحمد لله

سلام بنات

بصحتكم

حنت اليوم ما درنا والو كلش بقى من البارح

زدت المطلوع و البوراك

الأميرة شهرزاد كتب:

بصحتكم سمسومة وصح فطوركم



انا اليوم غلبانة خلاص

حقا رحتي لبيرو موندافر درتي لكارت بللو؟

انا اليوم رحت روحت ميتة بالتعب

المهم درت مرقة زيتون ومطلوع وسلاطة طاجين حلو وزلابية وتمر وكونديا وبيبسي وفلون بزاااااايد عليهم

شهرة راكي معايا ؟؟

وش من كارت بلو؟؟؟

وانت زادا خولة صح رمضانك وصح فطورك





سارة بصحتكم مادرتو





ايه سمسومة راني معاك لكارت بلو تاع طالب العمل زعما كاش ما يلقاولك خدمة يعيطولك قالولي روحي ديريها درتها الغاشي كامل راه يدير فيها



تهنيتي كي غير ياكلو تاع لبارح









...............



حنا اليوم درنا شربة مطلوع وكفتة وسلاطة مشوية طاجين وتمر ولبن وبيبسي هدا مكان

والديسار دلاع

انا ما سمعتش بيها خلاااااص

الدوسي اللي نحطوه فلا كاديمي ما فيهش هاد لا كارت

بالاك برونش من برونش؟

صح فطوركم ليوم درنا مرقة جلبانة بيضة دوزانها اكل مقلي وبوراك وسلاطة دلاع وعنب قازوز و مقرقشات و زلابية حق قولولي كيفاش اديرو لبوراك نتاعكم راني حاب نبدل شوي

سمسومة مانيش عارفة لي برونش كامل لقيتهم

ايه لقيت وحدة فرونسي وكنا نحكو مع بعض جاو يديروها زيدي سقسي عليها ممكن انتوماتحطو في لاكاديمي الله اعلم





بصحتكم ريم

والله انا البوراك وش نلقى نلوح فيه

ههههههه

مرة تاع روز مرة تاع بطاطا

وندير بصلة وفلفل يتقلاو وكي يذبالو مرة ندير فيونداشي مرة صدر جاج مقطع مكعبات يسمى واش لقيت

ومن بعد يا اما ندير فيه فرماج مبشور والا نقطعو قطع كي نجي نحط الخليط نحط الفرماج من فوق

وكي نتفكر تاني نشرشم بيض ونقطعهم ونلوحهم معاه

ومرات ندير طون



اني قتلك وش نلقى في الفريجيدار ندير

وكل مرة كيفاه

هو تاع الارز يجي خفيييف خلاص والبطاطا يجي عادي

حتى مرات ندير شوي بطاطا وشوي روز

واذا حبيتي تاع البطاطا يجيك خفيف

طيبي البطاطا في الماء ولا فوريها كيما موالفة واحكمي الرحا تاع البطاطا والخضرا وسينية وارحي فيها يعني يخرجو كي سباقيتي بصح مقطعين ويجو شوي بعاد على بعضاهم خليهم يشيحو شوية وماتلزيهاش مع بعضاها كي تجي تحطي الملسوقة حطي شوب بطاطا وفوقها الخلوطة لخرا

ان شاء الله تكوني فهمتي

شكرا شهرة يانا قلت زعمة نبدل شوي خرجتو ديروه كيما حنا ليامات لولين درتو بلبطاطا لمشرشمة ودرك راني ندير فيه بلبطاطا لمقلية يخرج مليح ونرابي معاه لفرماج بصح هدا بلبيض لمشرشم جامي درتو يخرج مليح شهرة

ايه يخرج مليح



انا مانحبش برك هداك لي فرماج وحدو على خاطر مانحبش بزاف الفرماج اما الباقي كامل نحبو كيما كان

بصحتكم البنات واش درتو

مرسي خولة صح رمضانك نتي تان

//

حنا درنا بارح شربة بوراك شلاظة وبولات تاع سردين وقازوز
وشاربات ولبن وتمر وديسار بغسيس وكرموس ودلاع

ودرت مسفوف للسحور باللبن

والحمد لله

بصحتكم



وصح فطوركم كامل



حنا درنا اليوم شربة ومطلوع وتمر ولبن وزلابية وبطاطا كوشة .ارنب محمر وسلاطة وطاجين حلو ودلاع وتفاح

صح فطوركم كامل بصحتكم شهرة
حنا اليوم درنا شربة و سلاطة فول و سلاطة مشوية و لحم حلو لي سوفلي و مطلوع و كنديا وتمر و عين البقر و الدلاع و البطيخ و جي و مع القهوة مقروط وزلابية وفي الصحور مسفوف بالزبيب
الحمدلله و اسال الله دوام هذي النعمة لي ولاخواني المؤمنين بصحتكم كامل البنات

اللهم امين





حنا السحور دائما مسفوف وحليب ودهان

وكل مرة وش نزيدو مرات بيض مقلي ولا كاشير ولا طون

ولازم دلاع ولا عنب اخر شيء

الأميرة شهرزاد كتب:

بصحتكم كامل



سمية كيفاه لي كراب؟

ضهرة هادو هوما لي كراب
[ندعوك للتسجيل في المنتدى أو التعريف بنفسك لمعاينة هذه الصورة]

ادا تحبيهم حلوين ديري وسطهم الشيكولا و لا المعجون و ادا حبتيهم مالحين ديري وسطهم الدجاج و لا الفيونداشي ور الفرماج

ادا تحبي نمدلك لا غوسات ديالهم
ا

ريم حنا البوراك تان نديروه بالفيونداشي يجي روعة

سلام بنات

شهرة لي كراب هوما لغرايف



حنا البارح درنا شربة و طاجين حلو و خبيزة المعدنوس و بوراك بالدجاج و كسرة و الديسار ردنا عنب و عين بقرة و سافان اب

سلام اليوم درنا شربة بوراك فيونداشي وطاجين الزيتون وشلاظة طرشي وشلاظة نورمال

جو رويبة ويونغا وحمود وسحور مسفوف

/
ديسار والله ماعلابالي

[ندعوك للتسجيل في المنتدى أو التعريف بنفسك لمعاينة هذه الصورة]

سلام بنات
بصحتكم
اعتذر عن الغياب كانت عندي ظروف
مهم
البارح درنا
شربة فريك
بطاطا وجلبانة ولحم
لي زابا
شلاظة بيطراف وزرودية
خبز البيض
المشروبات كوكا كولا ووفيشي تاع الزاست
الديسار كرام ديسار وبتيخ
وصحا فطوركم

بصحتكم كااااامل



وصح فطوركم من بعد



ايه راح نقول غرايف لقيت سمسومة قالتهم



نفس عجينة لغرايف ولا حاجة اخرى؟



حنا كون يشوفوهم يقولو سقيهم بالسكر والدهان



هههههههههههه ديجا قلت لماما قاتلي والو كون ديريهم نديرو العسل والدهان هههه







وش هوما لي زابا هاجر؟؟



نعرف غير نسقسي ههههه









.............



اليوم درنا بكبوكة ...حميص ... طاجين حلو ... سلاطة خيار وطماطم .....مطلوع ....تمر وحليب....كفتة تاع لبارح ..... زلابية ....بيبسي ....



ديسار تفاح كي العادة وعنب وعين البقرة

صح فطوركم بصحتكم شهرة احنا درنا ليوم شربة _ ماشطو في لكوشة _ دوارة نتاع لبارح _ سلاطة بيتراف _ وخدمتلهم مقرقشات والله خرجت روعة _ دلاع _فقوس _ كرطوس_ بوراك بلفيو نداشي_ قازوز حمود _ فلان

الله يسلمك ريم وبصحتكم



مليح حتى انا درتلهم بسبوسة خرجت بنينة



وش هو الماشطو؟؟

صح فطورك شهرة لماشطو لوبيا لخضرى ونتوما وش تقلولها

صح فطووووووووركم

ههههههه شهرة ضحكتيني

شهرة وش بيك لغرايف ياخي نديروهم في ينار بالسكر ولا عسل و دهان

لي زابا شهرة هوما لكبدة نتاع الدجاج



اليوم درنا لفطور حريرة و بوراك و طاجين حلو و مطلوع و سلاطة حشيش فرات و بيبسي و الديسار عنب و عين بقرة

زلابية و قلب اللوز و تمر و لبن