تجمع مغلق لشهر أوت2011 # ياهلا برمضان#

هيا نخليكم راهو بدى ايزل نتفرج في في ابو ضابي الاولى تصبحو بخير

نخدم ممرضة اشعة ريم

معليش تصبحي بالف خير

سلام لبنات صح فطوركم كامل واش راكم اليوم ملاح ربي ياعونك سمية ماعليش هي صح خدمتك وتدي في لابي تاعك بصح كي تخدمي من قلبك وتعاوني الناس تزيدي تربحي الاجر سيرتو في رمضان ربي معاك

صباح الخير لبنات ، قولولي شعال راهو يدير الذهب للغرام ؟؟؟؟؟صح راهو رايح يطلع؟؟؟؟؟وقتاش؟؟؟؟؟

سلام نسيمة واش راكي واش راهي يماك ريحت شوية لالا انا سمعت راهو حبط واقيل راهو يدير 350ولا 360 الغرام في الواد بصح مام في الجي قاتلي خالتي راهو حبط غير كيما الايامات لي فاتو

سلاااام

صح فطوركم لبنات



انا مانيش عارفة اا نزا والا لا بصح في رمضان ديما ينزل

استغلي هاد الوقت

على خاطر رمضان خدمة الذهب ماتكونش تنقص خلاص

ممكن يطلع مور رمضان على جال لعراس مزالو بزاف

سلام لبنات صح فطوركم كامل ايه شهرة عندك الحق ديما هذا وقتو ينزل ومبعد يطلع على خاطر الحجاج

صح فطوركم

صح فطوركم لبناتت وش راكم؟؟

وش تحكو كاشما كاين جديد؟؟

انا راني مديغوتيا عرسي قرب و انا مزال ما كملتاش حوايجي و ورقلة في رمضان ميتة في النهار و حية في الليل و بابا يعيا يخرجنا في اليل

هاديك الخطرو راح يقضي في الييل بروفيتيت قلت نضرب طلة لقيتهم جابو حوايج ملاح مي ماخلانيش قالي المرة الجاية دوري مليح يا درا وقتاش يخرجني؟؟

فريال وش درتي في الجامعة في واش برونش سجلتي؟؟



حقا سمية وقتاش عرسك؟

اهلا سمسومة صح فطورك واش راكي مليحة ماعليش الخطرا الجاية اخرجي اشري شفتي انا تاني كي نتي نحب نخرج في اليل مي بابا مايخرجش حتان مور العيد
سمسومة شكون فريال معانا فريال وحدااخرى ؟

وشراكي سامية؟ علاه وقتاش عرسك
انا مازال في الربيع ان شاء الله و الفاتحة و العقد مور رمضان ادعولي ربي يسهلي ان شاء الله

اهلا فريال وشراكي حنونة؟

سلام بنات

اهلا هيبة وشراكي؟

لاباس الحمد لله سمية السوال عليك

سلام بنات وش راكم

نتيا ريم=فريال ولا راني غالطة؟؟؟؟؟؟؟؟

و اسمحيلي راني دخي البارح(على الباك هههههههه)



سمية انا بالاك في الخريف و لا الربيع و العقد مزال

سلام البنات صح فطوركم كامل
يرحم بابك انا كملت وانت تقوليلي الباك ميرسي عاودي سجلي انت في بلاصتي هههههههههههههه
حرام عليك انا فرحت كي كملت تشوكيت من القرايا وعععععععععععععع ههههههههههههههه مهبولة هذا العرس واش دار فيك ههههههههههههه
اهلا البنات واش راكم علاش راكم حابسين ولا تشومير كاش توجاد كاش شريان كاش جديد انا راني حاصلة عرسي مزال وقيل يكون قبل عيد الكبير ولا موراه سوا سوا مي الحمدلله ماقعدوليش حوايج كبار بصح مانيش نخرج والله عجزت راني محبسا حتان مور رمضان نشالله نكمل

صح فطورك ريم ربي يهنيك و يسهلك ان شاء الله ويسهل للبنات اكل

صح فطوركم

فريال شفتي العجز اللي جانا في رمضان انا كي وليت مش طاهرة نويت نطلع غدوة ان شاء الله نشري اونسومبل مدلي خطيبي دراهم قالي اشري حاجة نجيبوهالك في العيد
قولولي البنات نشري اونسومبل ولا ساريان خير؟

صح فطووووركم

هههههههه فريال والله قريت ردك وليت نضحك بابا كان مقابلني قال ليما شوفي بنتك دفعت كواغطها صايي راهي

تشوف في الميكرو و تضحك اجري عليها ههههههههه

والله صح راني مزال ما كملتش حوايجي و راني كنت معولة نشري كلش من باتنة مي خدمة بابا ما تساعدش نطلعو كل وقت و هنا في ورقلة راني شفت حوايج زعمة ملاح مي مالقيتش لوكازيون وقتاش نخرج و خايفة الدراهم اللي جبدتهم يما يخلصو اذا ما قفزناش يطيرو



اووف استغفر الله راني نشكي سمحولي زدت على همكم

سمية مليح كي مدلك تشري نتي انا يتبالي اشري حاجة بريزونتابل نتاع خرجة

سعا وشيهو الساريان؟؟؟؟

مباعد نقولك اشريه ولا لا

السلام عليكم
وشراكم بنات؟؟

لبنات شاركوني



https://kaserchooe.yoo7.com/t2603-topic

مساء الخير
شكون راهي هنا