ماهي اصعب تجربة عشتيها أفرغي قلبك

وينكم؟

اصعب تجربة عشتها في حياتي هي مرض والدتي
كانت ايام صعيبة بزاف...ومزالت
والحمد لله على كل حال

اصعب فترة في حياتي هي الفترة اللي خطبني فيها واحد بوليسي قبل زوجي و انا غلطت غلطة كبيرة كي حكيت معاه قبل ما يوافق بابا و بعدها بابا ما عجبوش و رفضو كي قتلو هاكا تخيلو ولى يهدد فيا كون ما نخرجش معاه وندير وش يحب يقول لبابا و يسمعو هدرتي اللي مسجلها

الحمد لله ربي طالي وحد القوة و الشجاعة و قدرت نواجهو
كانت اسوا ذكريات لدرك كي نتفكرها نولي نرجف

مشكورة على الموضوع الرائع سارة

ربي يشفي امك هاجر ويعطيها الصحة والعافية امين

+++++++++++++++

ربي سطرك سمية الحمد لله لي خرجت سلامات الناس واعرين بزاف ومايحشموش ربي مافيه غير الخير

انا اصعب حاجة عشتها نهار قريب حبست مع خطيبي من قوة الغيرة اللي ساكنة فيه والمشاكل تاع تليفون
كانت اصعب مرحلة انك يا تصبري على الحالة يا تبطلي وتعيشي مهنية يا تكون مفاهمة
والحمد لله القلب غلب

نتمنى الباقي يشاركونا باي حاجة

" longdesc="19" /> اصعب حاجة عيشتها درك هو تقديم اعذار واهية من القريب من قلبي للبقاء في عذاب البعد و الاكثر هو اني كنت اظن اني كل شئ و ادركت اني شئ فقط فبدات او بالاحرى لم تبقى لي اي احلام و لا تاملات انتظرها منه " longdesc="167" />

لا تيأسي اختي مياار ربي يهديك وادعي ربي يقربكم من بعضاكم وجامي
تفقدي االأمل ولازم تعرفي الاسباب اذا كانت مقنعة وربي يجيمعكم بالحلال يارب ولكل البنات

شكرا لكي ع المشاركة

السلام عليكم ربي يفرج عليكم يا لبنات كل حاجة تجوز ماتخمو ماوالو انا ماعندي مانقول يعني بعد الحمد لله بزاف تجارب ومواقف صعيبة في حياتي خليها على ربي


وليت محترفة في المحن " longdesc="18" /> وأكيييييييييييييييييييييييييد الحمد لله على كل حال " longdesc="59" />


كل حاجة من عند ربي سبحانو مليييييييييييييييحة ومرحبا بيها جل جلاله عندو حكمة في كل حاجة

بصح ماعليش مادام دخلت نقلكم حاجة " longdesc="65" />

انا في طبعي مانقدرش ندافع على روحي ونوضح موقفي للغير مانقدرش نوصل فكرة

وعلجال هذا الشيء خسرت بزاف حوايج مهمة في حياتي و اشخاص عزاز عليا " longdesc="63" /> لأني ماقدرتش ندافع عليهم ونوضح الصورة للغير

ساعات نقول ضعف في شخصية بصح تأكدت بلي لالا ماهوش ، أنا عاقلة و مانحبش صوتي يعلو بزاف (حوحو يشكر روحو " longdesc="51" /> )

ياخاه عليا كتبت جرنان عندها حق سارة الي تدخل هنا لابد وتفرغ قلبها

سلااااااااااااااااااااااااام حبيباتي

هههههههه سمية كيما قال الطيب اتكلم ماتخليهاش في قلبك

++++++++++

صح كي تبداي تخمي فالمواقف تلقاي بزاف ياحسراه ياحسراه مي الحمد لله على كل حال

وانا هكاك تان ماندافعش على روحي ونسمح من حقي بزاف حتى تولي بهلولة وجايحة
مي كي تكون طبعك هكا الله غالب مي كاين ناس مايحشموش لازملهم الكف والصف
ربي يقدرنا اعليهم ولا يبعدنا على طريقهم

مشكووورة ع المشاركة في انتظار البقية دائمآ

انا اصعب حاجة عشتها
كي ظلمني الاستاذ في النقاط ودخلت للسانتاز قلبي تقطع " longdesc="18" />