مشكلة بشرتي

مساء الخير ربي يعونكم ومرررررسي على المساعدة الدائمة انا عندي مشكلة حقيقية وارجوا كل من لديها طريقة مجربة وفعالة ان تفيدني افادها الله بكل خير
انا عندي بزاق الرؤوس السوداء في كامل وجهي وخاصة في الانف والذقن وكي نبخر وجهيكامل مهمش رؤوس سوداء كبيرة رقيقة ومهيش سوداء بزاف
و المشكل الاكبر والذي بأرقني هو المسام الواسعة في وجهي وجبهتي وخاااااااااااااااااااصة في تحت عيني يعني بجانب انفي ان شاء الله تكون فهمتو المنطقة فيها مسام باينة كأنها غربال وكي نحهم يولولي ثقابي كاونوني والله وليت نحشم وربي يوفقكم على هذا المنتدي الرائع

اهلا اختي شوفي نتي باينة بلي بشرة ديالك دهنية باسك راكي تعاني من مسامات ورؤوس سوداء

لازم تقشير للبشرة ونتي كي تنحي الرؤوس السوداء ماكيش ديري دي ماسك باش تقفليهم علابيها راهم مفتوحين ويبانو

انا مانعرفش بزاف في هاذ العفايس مي جربي قناع النشاء بالماء ورد بعدما تنحي الرؤوس السوداء النشا يقفل المسام وزيد يرطب الوجه وينشفو من الدهون

+

تقشير اشري دي ماسك تاع تقشير الوجه راهم يتباعو gommage يعاونو بشرتك وان شاء الله البنات يفيدوك اكثر

كيما قالت الاخت سارة بشرتك دهنية بزاف
انا كانو عندي رؤوس سوداء سيرتو في نيفي
داومت وحد الطريقة والحمد لله راحو كامل
بصح هذاك الوقت دوكا حبست مالة رجعولي شوية " longdesc="21" />
كنت مرة في الاسبوع ندير تبخير لوجهي نورمالمو راكي عارفة الطريقة
خطرات ندير ماء وحدو وخطرات ندير فيه البابونج يغلي او النعناع
ومنبعد ندير تقشير لوجهي
انا كنت نقشر وجهي بالسكر ومنبعد اكتشفت بلي السكر يزيد يزيت البشرة
مالة نصيحتي اشري مقشر جاهز تاع المشمش احسن شي
ومنبعد ندير ماسك تاع الطين او مايسمى الطفل نخلطو بماء ورد
ممكن تزيديلو شوووووية شب
الشب يشد البشرة ويغلق المسام
ومنبعد كي تفسلي الماسك فوتي لاقلاص على وجهك كامل باش ينغلقو المسامات وتنشد البشرة تاعك

ابقاي اديري ماسك تاع الطين نهار بنهار وماتنسايش ديري نهار في الاسبوع التبخير
+
لازم تغسلي وجهك بصابونة مناسبة للبشرة الدهنية
روحي لعند العشاب راكي تلقاي بزززززاف انواع حتى دوخي
انا اللي جربتهم وخرجو عليا
صابون حبة البركة الاسود
صابون العسل
صابون الطين
صابون الحلزون

اهم حاجة انك اداومي على العناية بالبشرة نتاعك وماتهمليهاش ولو يوم واحد
وان شاء الله تلقاي نتيجة مرضية

شكرا ياصباية والله انتم احلى صحبة والمشاركة في هذا المنتدى كانت احسن حاجة درتها فعلا انتم ترفعوا الراس ودايمن تقدموا يد المساعدة ربي يوفقكم

صح هدا احسن منتدى فى النت كامل

يا اختى مشكلة الرؤوس السوداء الحل عندى و انا دائما اعملها لكن المسامات لا اعرف؟
يا اختى كايس الكاسة لااعرف اسمها عندكم ولكن هى هادى الى كى تدوشى تحكى روحك بيها تتباع برا يصنعوها شناوة china الحرشة انا فليل قبل مانرقد نغسل وجهى بالماء الفاتر والصابون وماتشليهش و امبعد كيسى وجهك مليح حكى فيها الصابون ورطبيها بالماء الساخن وحكى مليح اماكن الرؤوس السوداء حكى ملـــــــــــــــــــــــيح وامبعد شلى وجهك

وكى يشيح حكى la bitadine و الى انسميوها بالعامية النار الباردة تتباع عند الصيدلى ب 18 الف او 200 الف حاجة هك حطى فى القطن ومررى على كامل الوجه
اعمليها مرة ومرتين لا و مرة افهمتى ؟ لا السبت اعمليها ثم الثلاثاء وهكدا وارتاح اسبوع عندما ترى وجهك جميلا صفى


والمسامات رح ابحثلك