كيف يمكن القضاء على الروتين والكآبة؟

كيف يمكن القضاء على الروتين والكآبة؟



[img]http:

يمكن القضاء الروتين والكآبة؟

عندما تضيق الدنيا في وجه الإنسان،
وعندما يفترسه الملل ويحاصره الروتين،
ماذا يفعل. وماهي الحلول التي يلجأ إليها الكائن "الملول" للقضاء على ملله؟

المطلوب

هو جملة من الاقتراحات التي ربما قد جربتها انت اختي العضو للقضاء على الملل !


بانتظار اقترااحاتكم .. " longdesc="60" />

ايه لبنات انا معنديش ملل راني عندي اشغال منيش لاحقة شويا مع الميناج وشويا هنا معاكم ههه وشويا مع الخياطة متنوعة كروشي واشياء اخرى باش منكرهش ساعة هنا ساعة لهيه وزيد الواحد لازم يبدل روتين
كيما اليوم درتي حاجة مديريهاش غدوا
وهكا ......
هادي هيا حياتي
نشوفو لبنات واش رايهم باش نستفادو من بعض
موضوع جديد ماشي في الروتين ههههشكرا ليك ويعطيك الصحة اختي

بالنسبة ليا اذا لقيت روتين خلااااص ومليت

نتعلم حاجة كيما الطرز خياطة كروشي اي حاجة

كيما درك قتلني الفراغ اليوم في المكتب عيييت وش ندير حتى مليت خلاص

راني ناوية نهار السبت نهبط نشري خيوط واحد ابيض وواحد وردي باه نخدم كيما هداك الكوفرولي لي وريتهولكم

على خاطر ليامات لي فاتو كامل قاعدة نقرا مليت من لقراية

كيما اليوم ديت كتاب تاع الكود باه نحفظ

يعني كل مرة اشغلي روحك بحاجة

ومزال عندنا العام طويييل ههههه

كي نكونوا مالين يكون طويل اما كي نعمرو اوقاتنا بحوايج نحبوهم العام يطير ماشي غير يفوت

بالنسبة ليا انا ما عنديش الوقت خلاص نخدم نهار بنهار و النهار اللي ما نخدمش فيه نرقد ولا نجي هنا ولا نغسل قشي و ندير الميناج هادا مكان

مشكورة على الموضوع

يا جماعة الروتين او ماش معناه وقت فارغ الروتين هو انك كل يوم تديرى نفس الشىء و الكابة فى القلقة انا كل يوم ايعدى ماش كى خوه و اندير كلش نقرى نخدم انحوس انسافر عندى لحباب لكن اتطيحى فى نهار ولا اسبوع ايجيك واحد القلقة تقول تخنقى روحك صح ولا لا؟

كى تكونى فى هاديك الحالة واش اتحبى اتديرى ؟ هدا هو السؤال المطروح؟

انا كى نقلق اندير ميناج ندير ماكياج نطلى وجهى كيما التوقيع تاعى نتقابد شوية مع اختى نظلم ادير قاطو ولا نتمنى يصرى زلزال و نهربو برا انعقبو نهار فووووووووووووووور وبعدا ليلة نتمناها بزاااااااااااف هكا

كون نخرج نعيا ونطوفا ديما برا كرهنا وديما فى الدار ملينة وديما ثلفاز و انثرناث اف

افهمتونى دركا هيا RÈÐ PËÃRŁ ابداى انتى الاولى اصلا كيفاش اسمك هدا حتى انديرلو نسخ؟

انا انتظركم يا اخواتى و بنات بلادى و الخياطات الماهرات واسفة على انسيتهم

هههههههههه والله تقولي راكي تهدري اعليا

نبدا اسمي سارة


ساهل نورمالمو بلا ماتديرليو نسخ


++++++++++++

حتى انا كي نديقوتي نروح ندوش نجبد شعري نستيكي ونبدا نمكيي نلبس نحطط قاع واش كاين ونقعد ندير عرض ازياء فالدار
وكي نكمل من الهبال نبدا نخربش فالالوان في وجهي ندير كيما توقيعك ونخرجلهم




وتاع زلزلة والله حتى انا نقول كيغير جي حاجة تخرجنا لبرا نديرو شوية طوايش ههههههه

تخمام جزائري





اما على الديقوتاج انا راه سكن فيا 4 بياس كويزين ماشكيتش رايح يخرج مهما بدلت جوووووو

يعني نفس شي انا كي ندوش نريح نحس روحي bien نولي انتيك

قادرة نديقوتي 4 مرات فالنهار ندوش 4 مرات



يعطولي القاورية فالدار

هههههههه سارة وحدك
انا كي نكره نروح لقشي و نولي نبدل و نسيي كل وحدة معامن تجي ونولي رايحة و جاية ندير في ديفيلي د مود حتى دارنا يتخلعو فيا ههههه
و مرات نخدم قاطو

موضوع مهم
رانا كامل نعانيو من الروتين

عجبوني افكاركم وضحكتوني هههههههه

صح كاين منها هاذي تاع ادوشي يروحلك الديقوتاج
نحساب غير انا مشي نورمال ههههههههه

انا كي نكره
اكثر شي نديرو هوا النت
التلفاز
خطرات نجرب كاش غوسات تاع قاطو
نقعد نخرب في صوالحي وحوايجي
ولا ندير كاش ماسك او وصفة

لي رجعة

نسيت المناج طبعا في الدرجة الاولى
كي نكره ومانلقاش وش ندير كاااامل نولي نحوس على كاش شغل مشي مخدوم ونخدمو

شفتو رانى جزايريين 100 /100



بعد صارة عندها تخمام كى تخمامى

وين بقية البنات لازم كامل تشاركو هيا رانا نستناو فيكم

هههههههه

انا كي نديقوتي نعيا وش ندير نحل نحوس على اللبسات التقليدية لي داروهم بلمسة عصرية

ولا نروح ندوش كيما قالت سارة صح يروح الديقوتاج

وهاد ليام مكانش خلاص ملل على خاطر الخدمة وراني نخمم في جهاز صحبتي تقولي جهازي مرضلي مخي هههههههه

مرات نروح نتفرج فيلم هندو خاصة اذا لقيت هدوك تاع الضحك

ولا ندور ندور نجيب نفصل حاجة ويروح الديقوتاج نروح ونخليها نص ههههههههههههه

مرات يضربني لهبال ندير لغنا ونقعد نشطح

ههههههههههههه مليحة تع اتخيطى نص لخياطة واتخليها هههههههههه

ساعات انا يحكمنى ديقوطاش ايشلنى يعنى مايخلينى اندير والو نبقى النهار كامل وانا راقدة وكى نشوف ماما انقولها اف مليت من الرقاد اتقولى راكى وليتى كى لعجوز عمرك 100 سنة راهو المطرح الى كره منك

هيالبنات رانى نستنى خليونا نضحكو شويا

موضوع هاااااايل و يهمني بزاف

انا كيما نحس بالسماطة نروح ننظف اي حاجة ولا ندير قاطو و نصورو لاكان خرج مليح هههه ولا نفرز خزانتي و نعاود نطبق قشي لاشتا يكون منظم ولاباس عليه نولي نقيس فيه بالمسطرة مثلا لازم السراول كامل يكونو قد بعضاهم و الخمارات تاني ..حقى كيفاه مدايرين لخماراتكم انا علقتهم ما خرجتش عليا طبقتهم تاني ما خرجتش عليا حرت كيفاش نديرلهم

بكري كنت نحب نرسم تصاميم تاع ازياء



اممم واش تاني انا هدا وش ندير ..نحب ندير حاجة مليحة و مثمرة

في انتظار افكار جديدة

انا قبا كي يحكمني الديقوتاج نحكم شعري و نبدا تمشط فيه ولا نبدا نشغل في كاش خدمة تاع دار اما درك تحضير واش نقري للغدوة و شوية مراجعة و الميناج اداك هو اما لارتين ماعندهاش حل خخخ

شكراااااااااا