شات شهر ديسمبر 2011... مغلق

3 ايام بزاف حليلك انا المرة اللي فاتت قعد نهار برك ما عيطليش قريب خرجت من حوايجي عيطيلو انتي اسماء نورمال ما تخليهاش تكبر قوليلو عيطتلك نسقسي عليك برك باه يعرف بلي راكي تخمي فيه

مقدرتش سمية راني نلض على اسمو ونرجع نقفل ههههه
بصح 3 بزاف حتى هو ضرك راهو توحشني يدبر راسو

قلت بالاك كي نقعدو ايام بعاد على بعضنا ننساو وهو بعد ينسى وميزيدش يرجع لنفس الموضوع

يغلبنا الوحش كيمن هدو هههههههه

اسماء حنونتي حبيت نقولك نقطة انو الراجل يشد الحقد بزاف ماشي كيما حنا و ادا نايفتيه نهار ينايفك شهر و كي تطولو ما تحكوش مع بعض راهو يوالف بلا بيك
انا ننصحك تكوني انتي المبادرة بالاتصال و بينيلو بلي راكي زعفانة كي ما عيطش ما سقسا بلا ما تدابزيه عيطيلو سقسي عليه برك و اقعدي ساكتة و راهو هو يولي يحلل فيك هههه عن تجربة

ههههههههههههه غدوا ونجربها راكي خوفتيني بصح

ياخوفي يكون ناسيني ومدايرة وحدة بخلافي " longdesc="19" />

اني نرجعللك بالخبر الا عيطتلو بصح جاتني ثقيلة

ههههههه اسماء ما تخميش هاك باينة مش راح ينساك ههههههه

معليش لازم تضحي مرة في حياتك افعسي على قلبك و جربيها و رديلي خبر

ربي معاك حنونة

انا نخدم اليوم في الليل تهلاي في روحك اسماء و ما تخميش بزاف

ربي معاك سمية ويطهلا فينا ربي سبحانو

الكبدة بعيدة كيفاه منخممش هههههه

سلاااااااااااااام راكو جيابينها بالقصرة ههههههه

واش راكم كامل

بلا مزية مانيسا قريت الرد روطار يبلغ السلام ان شاء الله

++++++++++++++++

اسماء والله سمية عندها الحق في كل كلمة وماعندي مانزيد كلام صواب تاع الصح وانا رايي من رايها ماتخليهش اوالف بلا بيك جامي انا تورجو كي نضارب معاه نقعد نعيط غالط ولا غالطة المهم مانخليهش اريح قاع حتى يطفي تليفون غير يشعلو يلقى مساج نزيد نهبلو حتى نولو نورمال يعني لازم نولو نهدرو في نفس الساعة مهما المشكل كبير
وانتي هكا راكي تخلي ختو تربح المعركة باسك هي لي دارت المشكلة ماتخشنيش راسك باسك تخشان الراس ماشي مليح والله هو لي يدير المشاكل وزيد نورمالمو كي تتفكريها برك تعيطيلو سكارة فيها واكسبي راجلك وماتخليهش يدي نظرة عيانة اعليك وربي يصلح احوالك رانا ننصحو فيك كي خياتك

سمية ربي معاك حنونة

ميرسي سارة راكو خياتي لو منيش مدايرة الثقة فيكم منقلكمش

وراني درت بنصيحة سمية وعيطلو " longdesc="18" /> بصح شنف عليا وقالي كشما خاصك معناها قولي واش عندك بزرب منيش ناقصك.

قتلو 3 ايام متعيط متسقسي قالي منيش مليح هاد الايام وماش لازم نعيطللك كل نهار


وتخيلو شعوري نشعني " longdesc="19" /> معاتش نعيطلو درت اللي عليا يدبر راسو

اسمحولي نسيت حتى نقلكم صباح الخير ههههههه

اهلا لينات

مليح اسما المهم نتي عيطتيلو خليه دوك وحدو وحدو يعيطلك مي نتي كي يعيط ماتخشنيش راسك معاه

وانساي واش فات وماتقعديش تكعري فالهدرة باسك يديقوتي حرنا مع جدهم بففففف


ربي يجيب الخير برك

مساء النور البنات
سارة وشراكي حنونة؟
اسماء معليش كيما قالت سارة انتي درتي اللي عليك باه من بعد ما يقعدش شادهالك و هو درك وحدو يعيط ان شاء الله

وينكم البنات؟

تصبحو بخيييييييييييييييييييييير

مساء الخير

هد الشات نسيتوها كامل
الحمد لله اموري بدات تتحسن

اهلا اسماء وشراكي.؟
الحمد لله ربي يسهلهالك و يعطيك على حساب قلبك

السلام عليكم بنات واش راكم وكل عام وانتم بخير راني توحشتكم بزاف " longdesc="71" />

صباااح الخير بنات وشراكم
كل عام وانتن بخير
وشراكي رابعة هاذي غيبة

Happy new year for all girls and regulators who are dear to our forum Palace of Desire " longdesc="201" />