قــــــــوليلي يا فاطيمة وش نِكْتِبْ
نكتب على اسمك ولىَّ على خِيَّالِكْ
نوصْفِكْ وصــــــــف محال مايِكْذِبْ
وشِعري يافــــــــطيمة زين يَحْلالِكْ
قــــــوتيلي اكْتُبْ عَلَيَّا واش أتْحِبْ
كيفاش وأنتِ أحلى من أمــــــــثاِلكْ
قلت أنجيب أعليك الـــــقول أمْهَذَّبْ
نِهْدِيهْلِكْ في رسالة في جــــــــوالك
نوصف قـــــــــــدِّّك وشَعْرِكْ الْمَرَتَّبْ
انْفاجي عَنِّكْ هَـــــــــــــــمِّكْ وأحْوالك
نايلية وْصِيلْها مْــــــــلِيحْ ما يِتْعَيبَّ
واللِّي يشُوفها يْوَلِّي عْلِيها هــــالك
تمشي مشية غــــــــــــزال مْسَرْسَبْ
طَلِّةْ ريم ومـــــــــــــن بعيد تَحْلالك
مــــــــــــن شوفِتْها قلبي راه تِعْطَّبْ
وتْحَيَّرْ كــــــــــيفاش يوصف جمالك
محال مادْرَيْتو كِمَاهــــــــــاكْ يِتْعَذَّب
ويغــــــــــــــني تايه لغرامك وموالك
مـــــن بكري ذي القُلِيبْ قا يِسَبَّب
وكي شافــــــــــــــــك أتْحَير ونادالك
يا زايْخَه وصفتك على كل مـذْهب
ردي اعـــــــــــــــلي يا طفلة أُمّّاِلك؟
عــــــــــينيك يا فطيمة نيران تِتْلَهَب
أنْباتْ مع نجومك نتْمَحَنْ وهلالك
شـــــــــــــــفتك مرة بايت قا نِتْقَلَّب
لا نـــــــــــوم ساماني وينك نُقْدالك
مْدحتك يا فطيمة بالشعر الاعــذب
مَثَّلْتو وردة مع الـــربيع نهديهالك
ولا خاتم زين مـــــــــــطرز بالذهب
زخرفتو بحروف هَوَضْهالي هْبَالك
قــلت انسقسي وانعدِّي في المركب
نقطع أبحورك ونطلع أجـــــــــــبالك
نمشي هــــــايم في كل ثْنِيَّه مِتْغَّرب
حَتَّانْ تلقايني يا مــــــسرارة قْبَالك
جبت أعــــليك أقْصِيَّه وقت المغرب
ردي يا غـــــــــــــزالة على سوَّالك
خَزرَه منك خــــــلات حالي يِتْكَرْكَب
أرواحي ليَّا عنـــــــــــدي ما نقرالك
أحلى قصائد فيها الــــغرام وتسلب
دسِّيتْها من بــــــــكري أعلى جالك
منقوووووووووووول
