تجربتي لعلاج الشعر بالاعشاب

♥♥ عدد المساهمات : 8891 تاريخ التسجيل : 08/11/2010

السلام عليكم ورحمة الله وبركاته

كيف حالكم اميراتنا

عندي 15 يوم ملي جربت واحد الخلطة لشعري
والنتيجة كانت رائعة .... ان شاء الله نبقى ندير ومانتفنينش Embarassed

اولا : شعري رجع جاف خلاص ... متقصف .... لونو رجع باهت خلاص بعد ماكان اسود اسود .... المهم فسد خلاص

ولقيت هاد الخلطة في النت طبعا ببعض التصرف والزيادات مني
ونحب نقول الخلطة راهي للي شعرها اسود او بني لان فيها الحنة ولي شعرها اشقر مكان لاه راهو يوليلها مزنجر affraid

الخلطة هي :

2 ملعقة قرنفل مطحون + 4 ملاعق حبة سوداء مطحونة + 2 ملاعق سدر + 4 ملاعق مرامية +ملعقة قشر رمان مطحون + ملعقة حلبة مطحونة +4 ملاعق زعتر مطحون + 5 ملاعق قهوة + الزيوت من كل انواعها ( انادرت زيت زيتون + زيت الياسمين + زيت الصبار + زيت القرنفل + زيت اللوز ) + حنة (الكمية لي تكفي شعرك حسب طولو وكثافتو)
هاد الخلطة تخلطيها بماء ساخن (الماء الساخن انا درت فيه بصلة رابيتها + ثوم )

ودرتهم لشعري ليلة ونهار وغسلتو

نورمالمو باه نزيدلو خلطة اخرى بعد اسبوع مع هاد البرد ماقدرتش

هادي الخلطة لي كنت راح نزيدها

موزة تخلط في الخلاط + 2 ملاعق مايونيز + 2 ملاعق سدر مطحون + ملعقتين زيت لوز
نخلطهم مع بعض ونحطهم على الشعر مدة 5 ساعات
هادي تلمع الشعر وتقويه

وهادو زوج خلطات كتبتهم عندي باه نجربهم تاني

الخلطة 1: لتطويل الشعر
فنجان محلب مطحون + فنجان نوى تمر محموس مطحون + كوب سمن + كوب زيت
نحط الزيت والسمن حتى يسخن نضيف المحلب ونوى التمر
توزعين الخلطة على الشعر وتضعين كيس على شعرك ثم شال لمدة 8 ساعات
تستخدم مرة او مرتين في الاسبوع

الخلطة 2 : تنعم وتلمع الشعر
بصلة متوسطة ومقطعة 4 اقسام + 3فصوص ثوم مقطعة + 3 ملاعق سدر + زيت خروع + زيت زيتون
نحط البصل والثوم في ماء على النار الى ان يصبح لونه اصفر اصفيه تم اضيفه للسدر وزيت الزيتون وزيت الخروع يصبح كالحناء وضعيها ليلة كاملة.
[ندعوك للتسجيل في المنتدى أو التعريف بنفسك لمعاينة هذه الصورة]

♥♥ عدد المساهمات : 21453 تاريخ التسجيل : 08/11/2010

ولي شعرها اشقر مكان لاه راهو يوليلها مزنجر affraid

هههههههه نباصي اعليك شهرة

+++++++++

يعطيك الصحة يالالة راكي قايمة بيها مزية لي لقيتي نتيجة

بارك الله فيك وجزاك الله على مشاركتك التجربة ان شاء الله البنات كامل يستفادو

شكرااا

مليح شهرة كي عطاتك النتيجة
ربي يعطيلنا كوراج كيما تاعك و نجربوها
انا تان شعري فسد خلاص رحت عند الحفافة دارتلي قاليزاسيون حشتولي كامل هههههه

شكرا على الطريقة

♥♥ عدد المساهمات : 8891 تاريخ التسجيل : 08/11/2010

ههههههههههه
سارة هديك كتبتها على جالك
هههه

شكرا سمية

شكون تحب تنظم ليا ونجربو حتى نعدلو شعورنا

يعطيك الصحة شهرة على الوصفات ان شاء الله تلقاي نتيجة مليحة

شوفي انا ماتتكليش عليا في هذا البرد مانقدر ندير والو
شريت وحد الزيت درت منها زوج مرات وراهي قاعدة هكاك
نستنى في الحال يسخن شوية هههههههههههه

بالتوفيق شهرة

♥♥ عدد المساهمات : 8891 تاريخ التسجيل : 08/11/2010

حتى انا برد عليا الحال
ههههههه
كي درتها كان الجو نورمال
حتى يسخن نبداو

يعطيك الصحة يا الفحلة راكي شاطرة

يا اختي البرد واش اداني انا مع التفنيين ربحت

بصح ان شاء الله كي يسخن الحال نجربها معاك فكريني برك وديريلي الكوراج يعني طبعيني بالسيف

مرسي شهرررررررررررررررة

♥♥ عدد المساهمات : 21453 تاريخ التسجيل : 08/11/2010

ههههههه علبالي شهرة هههههه مرسي على الاهتمام خخخخ

[ندعوك للتسجيل في المنتدى أو التعريف بنفسك لمعاينة هذه الصورة]

++++++++++

سمية ماعلابالكش بلي الحفافات الهواية ديالهم المحببة هي تحشيلك شعرك [ندعوك للتسجيل في المنتدى أو التعريف بنفسك لمعاينة هذه الصورة]
يموتو ياختي على الشعر القصير كي تقوليلها نقطع تنوض تجري باش تحشو [ندعوك للتسجيل في المنتدى أو التعريف بنفسك لمعاينة هذه الصورة]
مي لوكان تقوليلها نجبد برك تتماطل اه منهم !!

شهرة انا تاني نجربها بصح قوليلي وش هيا (سدر) معرفتوش

nehal كتب:: شهرة انا تاني نجربها بصح قوليلي وش هيا (سدر) معرفتوش

نهال السدر هو السدرة
راهو يتباع عند العشاب

::::: عدد المساهمات : 1422 تاريخ التسجيل : 15/04/2012

صحيتي شهرة على الوصفة

قوليلي كيدرتي الحنة في شعرك ماتلونش والا بقى اكحل كيما هو ؟؟

♥♥ عدد المساهمات : 8891 تاريخ التسجيل : 08/11/2010

نهال قوليلو السدر برك للي يبيع الاعشاب هو يعرفو

لينا يكون عندو لون خفيف لانو شعرنا ولا باهت انا رجع يبريي في الموف هههههههه

بصح تفنينت وماكملت والو
انت كي ديريها موراها ابقاي ديريلو زيوت باه يزيد يتغذى مليح

» المايوناز افضل حل لعلاج الشعر
» خلطات طبيعية لعلاج تساقط الشعر وتقويته
» علاج تساقط الشعر بالاعشاب ، طريقة علاج تساقط الشعر ، كيفية علاج تساقط