محتاجتكم دقيقة

السلام عليكم



سؤاااااااااااااااااااااااااااااااال (علابالي ممل )

بنات شكون منكم تقرأ كتب ؟؟ علابالي نسبة قليلة

[ندعوك للتسجيل في المنتدى أو التعريف بنفسك لمعاينة هذه الصورة]

انا ما كنتش نحب نقرا ..مي الصيف اللي فات جوزتو بلا نت " longdesc="18" /> كان عندي وقت فراغ بزاف . " longdesc="203" /> . مالقيتش وش ندير ساع بديت نقرا لكن حسيت بملل مع الاول لكن من بعد وليت نمووووووت كون مانقراش كل يوم في اخر الصيف قريت اكثر من 25 كتاب متنوع بين العربية و الانجليزية و صدقوني حسيت مخي تفتح اكثر و خيالي توسع و بعدت عن الملل

اللي تحب تقرأ ممكن تجاوبني على هاد الاسئلة.

وش هو احسن كتاب قرأتيه في حياتك؟

وش هي نوعية الكتب اللي تحبي تقرايها .؟؟

وش هو الكتاب اللي حسيتيه مهم و تنصحيني بقرائته؟؟

نتمنى تشاركوني في الموضوع

و حتى اللي ما هيش متعودة تقرأ نتمنى تبقى على اطلاع على هدا الموضوع و تتشجع و تبدا تقرا ...ان شاء الله ينشط هدا القسم من المنتدى و نستفيدو منو جميعا

موضوع جميل جدا نور
نقللك نحب نقرا موووووووووووت مي قصص وروايات حاجة الثقافة لا ههههه
نقللك قريت بكري ضرك منقعدش حكايات طبيب وكليلة ودمنة وووووو ماشفيتش
رواية فيها ربيع اوراق الربيع يضهرلي
ونقللك منقدرش نحكم كتاب ومنكملوش في سمانة وحسب السسبانس فيه ممكن منرقدش الليل كامل مشعلة شمعة عند راسي ههههههههه


ياحسرة فكرتيني في ايام زمان ضركا راني من النت منبعدش
وكاين نتاع الف ليلة وليلة حااااااااابة من كل قلبي نقراه

الا تفكرت كاش حاجة اني نقللك

والله نحب القصص الخيالية وتاع الاطفال هههههههههه

وجامي رفدت كتاب وقريت ههههههههه

نكره حياتي

شكرا على المرور لبنات

اسماء درك نحوسلك على كتاب الف ليلة و ليلة لاكان لقيتو نحطلك رابط التحميل

سارة علابالي الكتاب كي تهزيه يجيب النعاس حتى انا ما نحبش نبقى هازة كتاب في يدي و نقراه ابار اللي نحتاجهم في دراستي
كامل الكتب اللي قريتهم في الصيف كانو نسخ الكترونية ...يعني نتسمر قدام الميكرو و نبقى نقرا

في انتظار باقي البنات " longdesc="168" />

نحب القراءة حالة كيما كنت في ابتدائي نستنى غير ويكتاه تلحق دالتي

وش هو احسن كتاب قرأتيه في حياتك؟

رواية الطريد ( نموووووت عليها) علبالك لكتاب ولا رشي خلااااااص تالمو قديم ونظل نعاود فيه وكل مرة نقراه كلي ماقريتوش في حياتي ومالقيتوش نسخة ورقية في النات

وش هي نوعية الكتب اللي تحبي تقرايها .؟؟

روايات و دينية

وش هو الكتاب اللي حسيتيه مهم و تنصحيني بقرائته؟؟


لا تحزن و أسعد امرأة في العالم في زوج لعائض القرني و كل الكتب تاوعو روعة


وملي جاني البورطابل الجديد راني رجعت نقرا كي بكري الف ليلة وليلة قريت منو اربع اجزاء و مازالولي واقيلا ربعة اخرين راني رافداتو pdf نبات نقرا

اسماء من بعد نشوفلك عليه اذا قدرت نهبطولك


مرسي نور موضوع مشوق

ميرسي سمية ربي يعيشك على الرد الجميل

مكانش كيما القراءة " longdesc="71" />

في انتظار باقي البنات و ردودهم

شكرااا نور على الموضوع القيم

انا من نهار دخل النت في حياتي نسيت حاجة اسمها كتاب ههههههههه
نقرا غير من النت بصح حاجة خفيفة برك جامي قريت كتاب كامل
نطلعهم ومنبعد نقرا غير شوي ونكره

اهلا هاجر

انا تاني نقرا غير الكتب الالكترونية ولا ماكانش

كيما تكون القصة شيقة واسلوب الكتاب ممتع صدقيني ما تمليش خلاص

انا الكتاب اللي عجبني بزاااف و شوقني باش نعرف النهاية تاعو هو كتاب "angels and demons" بالعربية " الملائكة و الشياطين"

داروه فيلم لكن الفيلم مش كيما الكتاب ..قصة الكتاب احسن 100 مرة

ننصحكم تقراوه " longdesc="65" />

انا مانقراش القصص نتفرجهم الافلام كامل انشوفهم ههههههههههههههههههه

يعنى قراء صح

هههههههههه قوم فنيان

شوفي ياك تعرفيني ديما نخرج من الموضوع لكن نقولها خخخخخ



[ندعوك للتسجيل في المنتدى أو التعريف بنفسك لمعاينة هذه الصورة]


قالك الطفل الفرنسي كي يحكم الكتاب اشوف تاريخ الاصدار .. الخ

الامريكي يشوف المؤلف اذا قرالو من قبل

الصيني يروح للفهرس ويقرا بالاجزاء

اما الجزائري يروح لاخر صفحة فالكتاب ويشوف عدد الصفحات

ويقووول اوووووف هذا كامل نقراه

هههههههههههه

هههههههههههههههولا يشوف الصور الى فيه ويقفلو ههههههههههه

والله يا سارة دائما آآوت

مليح تاع نشوفو عدد الصفحات تاع الصح فيا انا هاذي الطبيعة هههههههههههههههههه

ههههههههههههه صح ملكة انا نحب نشوف الصور برك هههههههههه

------------

سمية شفتي كي استعرفتي زعمة تحبي الكتابات ههههههههه

نور يانهار تحاوزني

ههههه وخدك سارة
لميس اللي يستنى الافلام تروح عليه قصص و كتب قيمة و احسن من الفيلمات الاف المرات


هيااااااااااااااااااااااا علاش ماكانش مشاركات " longdesc="206" />

انا مولعة بالمطالعة قيريت ياسر كتب


وش هو احسن كتاب قرأتيه في حياتك؟
برشة كتب عجبوني ايه وش نتفكر واش نخلي ههه (المنفلوطي ,القرني, مولود فرعون,اغاتا كريستي,اميل زولا,العقاد,,,,,,,,,,,,,
وش هي نوعية الكتب اللي تحبي تقرايها .؟؟
كيما يقولو من كل بستان زهرة نوع في الكتب دينية روايات قصص نثر ,,,,,,,,,,,,,,,,,,,,,,الخ اخطيني برك من الشعر وش هو الكتاب اللي حسيتيه مهم و تنصحيني بقرائته؟؟

لا تحزن لعائض القرني

ميرسيييييييييييييييييي لينا على المشاركة المميزة

دمتي مطالعة دائمة للكتب " longdesc="69" />