طريقتي الاسبوعية في تنظيف وجهي

السلام عليكم ورحمة الله تعلى وبركاته

اليوم حبيت نوريلكم طريقتي في تنظيف وجهي
اللي راني نستعمل فيه حاليا مرتين في الاسبوع
ومنبعد نولي نديرها مرة واحدة في الاسبوع

نبداو بسم الله

الوقت في ليل قبل النوم

اول حاجة تنظيف الوجه
نغسل وجهي بصابون الحلزون اللي مانستغناش عليه

[ندعوك للتسجيل في المنتدى أو التعريف بنفسك لمعاينة هذه الصورة]


ثانيا التبخير

ندير الماء يغلي وندير فيه شوية بابونج او نعناع ونغطيه ونخليه يغلي
ممكن اديري الماء وحدو
بعد مايغلي نطفي عليه ونحي الغطا
ونقرب وجهي من البخار المتصاعد
ونقعد قريب 5 دقايق
من الاحسن تغطي شعرك لانو البخار يخسرهولك

ثالثا التقشير
نحط شوية من المقشر على وجهي ونبدا نفرك على شكل دوائر حتى تتشربو كامل البشرة
ومنبعد نغسل وجهي بالماء
نستعمل هذا المقشر

[ندعوك للتسجيل في المنتدى أو التعريف بنفسك لمعاينة هذه الصورة]


رابعا الماسك
ندير ماسك الطين نلمة بالقارص بما انو بشرتي دهنية
لصاحبات البشرة الحساسة يديرو ماء ورد في بلاصة الليمون

[ندعوك للتسجيل في المنتدى أو التعريف بنفسك لمعاينة هذه الصورة]

ونقعد بيه حوالي نصف ساعة حتى ينشف ونحسو يبس على وجهي

نغسل وجهي بالماء الباااااااارد باش ينغلقو المسامات



خامسا الترطيب
نستعمل كريم سنوناس للترطيب

[ندعوك للتسجيل في المنتدى أو التعريف بنفسك لمعاينة هذه الصورة]

وهذا الكريم للهالات السوداء

[ندعوك للتسجيل في المنتدى أو التعريف بنفسك لمعاينة هذه الصورة]

ونرطب شفاهي بهذا المرطب

[ندعوك للتسجيل في المنتدى أو التعريف بنفسك لمعاينة هذه الصورة]


ونرقد واحلام سعيدة ههههههههههه

وباقي ايام الاسبوع اما ماسك العسل اما القارص وحدو

نتمنى تكونو استفدتم من موضوعي
وان شاء الله كل وحدة تقرا الموضوع وتستفاد تحط رد مشي تستفاد وتهرب
يرجى تقدير المجهود [ندعوك للتسجيل في المنتدى أو التعريف بنفسك لمعاينة هذه الصورة]

اي استفسار انا في الخدمة

جزاك الله خيرا اخيتي

شكرا بنات على المرور

ايه نور كاين فرق
اول حاجة الرؤوس السوداء نقصو بزاااااف
الدهون نقصو
كي نمس بشرتي نلقاها ناعمة
وكي نشوف في المرايا نحس باشراق [ندعوك للتسجيل في المنتدى أو التعريف بنفسك لمعاينة هذه الصورة]
بقالي برك مشكل مع الحبوب المتناثرة هنا وهناك [ندعوك للتسجيل في المنتدى أو التعريف بنفسك لمعاينة هذه الصورة]

راكي قايمة بالحالة هجورة داومي عليها برك و ما تتفنينيش و ان شاء الله تلقاي النتيجة اللي باغيتها
شكرا على الافادة

يعطيك الصحة هاجر راكي فور

قوليلي تاع الهالات السوداء فادك شويا على خاطر راني كارثة منهم


ماتنسايش كل مرة تقوليلنا على النتيجة اذا في تقدم ولا

يعطيك الصحة راني غير انا لي فنيانة هههههه

ماء وخلاص

بارك الله فيك على المجهود والشرح المميز

يعطيــك الصحة،

شكراااا بنات على الردود

جوهرة هذاك تاع الهالات السوداء في الحقيقة مزال مابانتش نتيجة مليحة
خطرات نحسهم نقصو وخطرات نحسهم كيف كيف
قلت معليش نداوم عليه حتى نكمل ال tube ونشوف اذا مادارلي والو نجيب حاجة وحدوخرة

يعطيك الصحة ..... و أنا تاني من نحب منتجات تتش مي هايلة و نتايجها سريعة و مليحة ........ راني حابة ندير موضوع على الحبوب و على شد الصدر و نوريلكم المنتجات بالصور بصح ماعرفتش .... من فضلكم نعتولي طريقة إدراج الصور ....... جزاكم الله خيراااااااااااااااااااااااااااااااااااااااااااااااااااااااااااااا

هدا وين شفت الموضوع اسمحيلي
عجبتني طريقتك
انا تاني نستعمل البخار من بعد القارص والتقشير نستعمل الزيت زيتونة+سكر
والنتيجة رووووووووووعة تحسي وجهك حنين ويتنفس هههههه

مشكوووووووووورة

صحيتي هاجر والله نستعرف بيك انا من ايام لافاك نسيت كيفاه العناية الوجه قوليلي يعيشك تاع الهالات السودا مليخ و فادك ختك راهي تسهر ياسر و تعاني منها و شكرااااااااااا

اهه و نسيت نسقسيك كريم سنوناس ملبح تاني سورتو البشرو الحساسة ؟