افلام هندية

سلام لبنات راني لقيت هاد الموضوع فارغ ماكانش اللي تحب الافلام الهندية؟؟؟؟؟ انا مولعة بيهم " longdesc="28" />

ههههههههه

والله يانتي

كنت نتبع شوية في زي افلام دوك وليت مانشوفش بزااف

مي كاين لي يحبوه الهنودة دوماج راهم غايبين

ماعليش تحبي نتبعو معاك وين راه المشكل

وهاكي اول خبر






? Amitabh Bachchan or Aamir Khan: Who'll be India's Prime Icon


أميتاب باشان أو عامر خان: من سوف يفوز بجائزة أيقونة الهند الأول؟

النجمين البوليووديين أميتاب باشان و عــامر خان سيكونان من بين المتنافسين على لقب أيقونة الهند الأول.

و قال بيان صدر عن قناة BIG CBS PRIME ان الجائزة سيتنافس عليها اسماء اخرى من مختلف المجالات.

و من بين المتنافسين على اللقب الذي من
المتوقع ان يبدأ الحفل في الاسبوع التالث من يونيو كل من: سلمان خان،
رانبير كابور، أ.ر. راحمان، لاندر باييس، راهول غاندي، كيشور بياني، عدي
غودريج، كابيل ديف و راهول درافيد.

العرض سيكون مباشرة على الهواء، و سيتم تحديد الفائز باللقب من خلال أصوات الجمهور.

هههههههه نموت عليهم و على الافلام تاعهم مشكورة سرسورة

يديها اميتاب باتشان

انيييييييييييييييي هنا لينا نحبهم مووووووووووووووووووت
وزي افلام على طووووووووووووووول نتفرجها عندك برك القديم منحبهمش وكل جديد متبعاتهم

على العموم الافلام الهندية تجمع مابين الرومنسية والفكاهة والرقص الجماعي على ايقاعات الاغاني وكاين دراما
بصح قليل وين نلقاو رعب هههههه خطيهم

والفنانين اللي نعرفهم ويعجبوني هما
كارينا كابور وكابور شاهد على ما اضن ونسيت اسم وحدة ههههه

" longdesc="69" /> و اخيرا لقيت وحدة تحبهم خخخخخخخخخخخ انا مولعة بيهم سوا الافلام والا الممثلين و نعرف من عهد جانيتو حتى لدرك هههه اضحكي علي

هههههههههههههه عاشقة مهبولة هههههه
راني نتخيل فيك شعرك طويل ومضفور وثاقبة خشمك ومدايرة فيييه منقوشة ههههههه
يعجبني الساري نتاعم روووووووووووووعة

زي افلام هد الايام جايبتها غير في القديم ابيض والاسود

هههههههههههههههههه والله جبتيها و على فكرة درت مرة فوتو بالساري الهندي و الاكسسوار نتاعهم اما الشعر الطويل مااحتاجتوش شعري الطبيعي طويل اصلا خاخاخاخاخا

اسكتي برك هاد لايامات نسيت خلاص زي و كيما نحب نشوف نحاول نتيليشارجي كاش فيلم منا و برك

ايه ملليح
منحبش نتيليشارجي يطلعلي السكر ولاطونسيو قبل ههههه

الا لقيتي كاش فيلم مليح قوليلي نتبعو
والا لقيت نقللك اكيد

اوك معليش و مانكذبش عليك كيما مانلقاش نعاود نشوف

devdas ou ghabi khuchi khabi gham ou kuchi

تبا راسي معمر عناوين افلام

هدا تلعب فيه كارينا
نقللك منشفاش على العناوين ههههه
نتع العرب ياهواه نتاع الهنودة وانا صايمة

انا من عشاق الافلام الهندية نحب كلشي فيهم الاغاني والرقص والاكسسوارات ونهبل على الممثلين كيما كارينا كابور وسلمان خان وهريتك روشان وشاروخان............وخلي برك كون نتبع روحي الهنودا كامل نسميهم ههههههههههههههههه وزيد تاني كاين أفلام يعجبوني بزاف كي يتعاودوا في زي أفلام نحب نعاودهم

مرحبا بيك اختي سيرين في نادي لهنودة هاهاهاها و انا اكثر منك والله ماتفرى لاكان نسموهوهم كل ايا اني ندير في احصاء اللي تحب الافلا الهندية و اني لميت 2 ههه

شكراااا لك أختي بصح حكاية 2 يحبو الافلام الهندية مامتفاهمينش عليها لازملنا أكتر والله العظيم بخصة علينا

رانا ديجا في ثلاثة انا و انت و اسماء مالا نديرو حملة تاع اعلان باش الناس كل تحبهم هههه

ياختي ماتعرفناش انا لينا من القالة اههه والا من الهند ناماستيييي

عجبتني عفسة الاعلان لازم نديرولهم اغراءات باش يعودوا يحبوهم ونلمواااااااا أكبر نسبة تع محبين الهنوداااااااااااااااا
قاسك ضحكتيني الهند ناماستيييي هههههههههههههههههههههه
متشرفين أختي لينا أنا منعرفش القالة جامي روحتلها لازم تحكيلي عليها باش نتشوق ونروح نشوفهاااااا " longdesc="65" />
درك نتعارفواااااا أنا سارة من سكيكدة نسمي ديما اسم سيرين نحبوا والفت عليه نسميه في كل بلاصة " longdesc="65" />
الله غالب بلاصتي نورمالمو في الهند ههههههههههههههههههههه " longdesc="69" /> " longdesc="71" />

انا لا علاقة بالهنودة في حياتي شفت فيلم هندي 1 برك كامل لاكان تضحكو

سارة مرحبا بيك في المنتدى و في الموضوع

ميرسي حبيبتي نور
بصح حكاية فيلم واحد ضحكتني كون تكملي هكا ماطوليش وتندمي وكاشي نهار تفيقي
والله العظيم أنا من عندي نقولك بلي راح عمرك خسارة كي ما تتفرجيش الهنودااااااااااااااااااا

سلام لبنات لينا وسارة راكم دايرين حملة اعلانية وانا معلاباليش انا تاني نحب الهنودا ونمووووووووووووووووت على الرومنسية نتاعهم تبا كون غير راه الشباب الجزائري كيفهم شويا برك
انا نموت على شاهد كابور كارينا (والفيلم نتاعهم جابق وي مات)اميتاب شاروخان ...............

أهلين نهال نورت صفحة الهنودااااااااااااااااااااااااا شبعت فرحة كي قلتيلي نحب الهنوداااا هيا أمالا مليحة طلعت الحسبة شفتي كيفاه جابت الحملة الاعلانية نتيجة
كي تدخل لينا حتى هي تشبع فرحة لقينا وحدة تحب الهنوداااا وتعشق فالرومانسية تاعهم هههههههههههههههههه وتتمنى الرجال تاعنا يكونوا كيفهم انا نقولك غير هاذي اللي ماتصراش واش راح نديروااااا هذا هو مكتوبنا ومصيرنا ربي يصبرنا

كيما أنا نموت عليهم في زوج حتى الفيلم تاعهم نحبوااااااااااا وزيد تاني معمر اغاني وفيه الشطيح

هذيك هيا معمر شطيح وانا نموت على الشطيح والرديح هههههههههههههههههههههه

تشرفنا ختي سارة ايا ولوا 2 سارة في المنتدى انا اسمي هو ليديا و ديما مسمية لينا مرحبا بيك عدنا وقت ماتجي يا حبيبة انت و لبنات كل اني ناوية ندير موضوع على مدينتي ان شاء الله

يااااااااااااا سسسسسلاااااااااامممممم ممممممم هاي بدات تتلم المجموعة و انضمت نهال " longdesc="52" /> " longdesc="65" /> " longdesc="69" /> نامستي نامستي نامستي هههه

و الله يا سيرين بلاصتنا مشها لهنا ايا نقلعوا للهند خير خخخخخ

اواه نور مادامك دخلتي لهنا لازمك تحبيهم و تتفرجيهم

ااااااايييه و يا الشباب الجزائري خاصه الرمنسية ياسر مسكين ههه

تعيشي حبيبتي
قاسك هكا خير كيما قلتي ديري موضوع باش نتعرفواااا عليها
هيا نفريو حوالنا ونطيروا لا رجعة ههههههههههههههه

ناماستي اعليكم واش راكم راكم دايرين زردة هنا وانا لاخبر ههههههههه

سيرين اسمك سارة كيما انا يالله اسمك شباب ههههههه كي رجع اسمك سارة برك

مي نعيطلك سرين عندي بنت عمي اسمها سيرين تان من وين انتي

-----------------

جيت نقلكم على وحد الفيلم واقيل قاع لعب ههههههههه راني روطار واسمو امنية في الجزائر شغل طفل صغير حب يرجع كبير باش يتزوج مع لي يحبها شفتو ولآلآ ؟؟؟؟

ŔεÐ ρЄǻŘζ كتب:

ناماستي اعليكم واش راكم راكم دايرين زردة هنا وانا لاخبر ههههههههه

سيرين اسمك سارة كيما انا يالله اسمك شباب ههههههه كي رجع اسمك سارة برك

مي نعيطلك سرين عندي بنت عمي اسمها سيرين تان من وين انتي

-----------------

جيت نقلكم على وحد الفيلم واقيل قاع لعب ههههههههه راني روطار واسمو امنية في الجزائر شغل طفل صغير حب يرجع كبير باش يتزوج مع لي يحبها شفتو ولآلآ ؟؟؟؟

زردة كبيرة واش نقولك معمرة موسيقى وشطيح وانت لا خبر فاتك الشطيح والرديح ههههههههههههه
ههههههههههههههههههه اوااااااااااااااااي اسمي شباب اسمي هايل هيا مليحة رانا كيف كيف في الاسم وفي الروايح هيا نزيدوااا حوايج خلاف بلاك كيف كيف
أوكي انا معنديش في عيلتي كاملة اللي اسمها سيرين
أنا من سكيكدة يا صرصورة