وش هاد السماطة اللي في الفايسبوك

هههههههههههههه ضحكتيني مانو
انا الحمد لله راني مهنية راسي ماعنديش فايس بوك
هذا هو الشباب نتاعنا للاسف يتبع غير المظاهر والتفاهات
بصح في الاخير ماتنفعو غير بنت بلادو
الله يهديهم

ههههههههههه
عندك الحق انا ماندخلش بزاف لوين يحكو على لبنات ويسبو فيهم شفت مرة هادي تاع الموسطاش

بصح نقلك كون جاو كاملين مايقولو هكاك
هوما نص عباد ومابقاتش كلمة رجلة فيهم ويشركو في فامهم
ربي يهديهم
انا الفيس بوك تاعي معمر بالقانون

ياحي شغل هوما شابين والله صح كلمة موسطاشة راهي متداولة بزاف

هومـا حسابتلهم رايحة تصحلهم كاش وحدة زلة كيما راهم يتخيلو فيهم

هههههههههههه مساكن يغيضوني

قاع ذر كي كانو في قوت الامتحانات لي باج لي ندور فيهم انا كامل كانو رايحين اجوزو bef ههههههههه

ياخي ذراري ياخي

ههههههههههه

انا ديما نقول كيما خلصو الرجال من لبلاد دارو لبنات الموسطاش هههههههههه

ربي يهديهم فارغين شغل و النيفو تحت 00 واش تتوقعي منهم؟؟

هههههه ضحكتيني صح كاين واحد المثل يقول السفيه يقرا اللي فيه و هذا المثل للاسف ينطبق على الشباب الجزائري باش مانقولوش متخلفين الله يهديهم و يهدي هادي الاصناف

هههههههههههه والله راكي قاوية بصح شوفي كي قالو هك على البنات وانت علاه مارديتيش عليه انا قبيل واحد قال حاجة على البنات بصح قتلتو بالقدر حشم حتى بش يرد وعادة نحكي مع الناس المحترمين اللى نلقاه مش متأدب نحيه والا وش رايكم بنات شوفى كي يكون هو راجل راهو يحكي علينا رانا نشوفو غير في الذكور برك الرجال راح وقتهم

شكرا على مشاركاتكم
احلام1 يا اختي جواب السفيه هو السكوت انا ما نقدرش نرد ولا نناقش جاهل يقول هدرة كيما هادي ..انا قلقت برك من السماطة اللي مش راح تخلص هادي لهدا درت الموضوع هدا في منتدى نسائي بش نشوف رايكم بعيدا عن الاغبياء تاع الفايسبوك

قبل مانتحدث عن الشباب التافه يلي فارغ شغل نحطوهم في الهامش ماكلا نقيموهم اصلا...اما عن الفايسبوك اربي قولولي وش الفائدة منه وش هي النتيجة اللي عطاها للأسف الدوران في حلقة مفرغة... عبارة عن مودا جديدة يتعلمها الشباب ومبعد تروح...

هههههههههههه شكرا مانو على الموضوع انا عندي فايس بوك مندخلش ليه بزاف بصح منيش مدخصا فيه الرجال غير اصدقاء في الجامعة برك ولي منعرفوش منهدرش معاه كون يعض عينو لخاطر الدسارة مع الرجال لي متعرفيهمش ميش مليحة خلاص
وزيج هدو لي راهم يقولو مسطاش ...................كون جاو رجال صح ميهدروش على البنات هكدا وزيد الفايس هدا قاعدين يعقبو في الوقت فيه برك وش راح نقول غير ربي يهديهم وخليهم يروحو للقاورية ونشوفوهم يغسلو في لماعن

شكرا على الردود لبنات

اولا انا ما نهدر مع حتى واحد فيه لا بنات ولا رجال ..لاحظت هدا الموضوع في الصفحات العاامة ..راهم كاينين مئات الصفحات و الغروبات اللي تدور حول موضوع " الموسطاشات" و هدا وش قلقني

ثانيا الفايسبوك حاجة مثل اي حاجة اخرى لازم نعرفو كيفاش نستخدموها برك ..اللي تافه يتبع التفاهة اللي فيه
و الناس راهم نظمو ثورات بالفايسبوك و تاعنا مزالو عاسين السمايط برك

في هدي عندك الحق مانو

ههههههههههههههههههههههههههه


انا قهرتهم ديما انقولهم حاطين لخرى تع الحمام فى افامكم وتحكو علينا تلقايه حيطيسط وظارب فيها شمة وجاى يحكى علينا

ههههههههههههههههه


ماتعمريش راسك بيهم اصلا الى عندهم الفايسبوك ماش رجالة تع الصح تلقايه انوش ولا درارى الرجالة الصحاح ماش تع فايسبوك


سلام


تقبلى مرورى

هههههههههههههههههههه والله معاك الحق هبلونا بكلمة موسطاشة

بصاحي حسبلهم يدو السورية و اللبنانية والله راهم يحلمو

ومادوملهم غير بنت بلادهم

salut labnat ana chakhssian ga3 man3ammarch rassi bihom w mana3tihomch ahamiya lakhatarch min ta3tihom l'importance tama win yzido fi 3mahom amala kol wahda tafrad roheha contra 3lihom w kima ygolo les chiens aboient la caravane passe w had rjal sois disant chafo belli on les a depassés w wallo makadrolnach w kima ygol lamtal dib min malhakch lal 3nab ykol 3lih hamad amala mat3amroch rissankom bihom.a bientot.

احنا النسخة الاصلية ابنات السلعة الللي 100ب100 طبيعي ههههههه

مش كيما لللبنانيين والخليجيين غير عمليات مورا بعضها وزيد عكليات الليزر هديك

تقبللو مروري
واعجبتني بزاف ردودكم