تحضيراتنا لشهر رمضان الكريم

بالنسبة ليا
لحد الان مزال مابديناش
من غير الجلبانة نقيناها ودرناها في الكونجيلاتور
في بلاصة الحمص اللي راهي نار جبنا كمية قليلة برك منبعد نغلوها ونكونجلوها

نحضرو ثاني الطماطم
نجيبو كمية كبيرة نقوها ونطيبوها ونديروها في علب ونكونجلاها

كي يقرب رمضان نجيبو اللحم للشربة ونقطعوه قطع صغيرة ونديرو كل كمية تاع نهار في كيس صغير
هكذا كل مانجو نطيبو نجبدو كيس واحد

هذا وش راني متفكرة نكونجلو مشي بزاف

بالنسبة لشراء الاواني هذا العام مانشروش راهم كاينين بالزيادة
نشرو غير لاتواسيري

والتنظيف راكم عارفين النتواياج تاع كامل الدار غرفة غرفة حيط حيط كوانة كوانة
بالاك غدوا ان شاء الله نبداو
اما فراش الشتا خلاص غسلناه وتهنينا منو

شاركونا افكاركم

شكرا على الموضوع هاجر

حنا رانا مع الميناج هاد الساعة ...كيما قلتيها مالازم يتخلف والو

المواعين بدلنا لي مول القدم تاعنا شرينا وحايد جدد و شرينا ميكسور جديد



ما زلنا ما شرينا والو من المواد الغدائية


موالفين نشريو قبل بوقت كمية من اللحم و نقصوها و نخبيوها في الكونجيلاتور نشريو تاني الفريك و الزبيب

نظن هدا ماكان
الباقي عادي نشريو منين نحتاجو وخلاص


-----------------------------------------------------

العام هدا رايحة نطلق العنان لقدراتي المطبخية في رمضان
لازم كل يوم بلا جديد


ربي يبلغنا رمضان و يقدرنا نصوموه على اكمل وجه و نستمتعو بكل يوم فيه

هههههههههههههههه عجبتني نطلق العنان لقدراتي المطبخية في رمضان
ايه لازم هكذاك
مام انا ان شاء الله بعد ماراحت اختي وخلاتلي المسؤولية

ربي يعينا ويقدرنا

يلا يا لبنات وين راكم شوية تفاعل

وين راكم يا لبنات
ماكاش اللي راهو يحضر لرمضان

ههههههه بطلو مارايحينش يصومو العام هدا واقيلا

مرسي هاجر على الموضووع

والله تقولي راكي عايشة معانا نفس الشي نديروه ههههههههههه

عقلية الجيرواز




الميناج مزال مابديناش رانا نستناو يدو علينا دوزانهم بالااك اليمات هاذو ننطلقو بالاربعاء ولا ان شاء الله


[ندعوك للتسجيل في المنتدى أو التعريف بنفسك لمعاينة هذه الصورة]



ممممممممم وعلى الكونجيلاسيون تقريبا نفس الشي

حنا كي كانت غالية الجلبانة شرينا الكونجلي

2 باكيات منبعد كي نقصت الجلبانة بدينا نشرو ونقو نص طيبناه ونص راه مخبي

واش تان على اللحم مزال ماشريناش مي نفس العقلية نقطعوه ونخبوه هكاك كيما نتوما وكل يوم نجبدو المورسوات محسوبين



والفريك تان مزال ماشريناش رايحين اجيبوهولنا من باتنة


والحميصة كيما قلتي راهي تشوي كيما اللوز شرينا 2 باكيات هههههه
للاحتياط مزال ماغليناهم ماوالو
هاذو كامل احتياطات لرمضان باسك تولي النار تشعل الله يشعلها فيهم

[ندعوك للتسجيل في المنتدى أو التعريف بنفسك لمعاينة هذه الصورة]


-------------

وعلى المواعن كل مرة نخرجو نشرو حاجات خفاف للفال برك

[ندعوك للتسجيل في المنتدى أو التعريف بنفسك لمعاينة هذه الصورة]

ولعقوبة لكل عام يجي بخيرو ويلقانا بالصحة والهنا


-----------

نور ربي يوفقك نتي وقدراتك هههههه

والله انا تان حابة ندير حاجات جدد مي يزمرو اعليك فالدار يقلك ماكلة هاذي تاع لي ريسطو

ماتشبعش تبا شعب يموت على التغماس


[ندعوك للتسجيل في المنتدى أو التعريف بنفسك لمعاينة هذه الصورة]

مالة رانا كيف كيف سارة ههههههههههه
ربي يعينكم
ربي يبلغنا رمضان ونصوموه بالصحة والهنا ان شاء الله

هاجر والله راكى تحكى تقولشى عايشة معانا نفس التجهيزات سبحان الله





اسمعى بلاك انت اختى ومافايقينش ؟

هههههههههههههههه صارة انتى تانى هدا وين شفت المشاركة انتاعك سبحان الله رانا جزائررين اصليين

هههههههه راكو تشوفو والله العقلية كامل كيف كيف


الله غالب علاش سماونا لي الجيريان هههههه

ملكة الجزائر كتب:

هاجر والله راكى تحكى تقولشى عايشة معانا نفس التجهيزات سبحان الله





اسمعى بلاك انت اختى ومافايقينش ؟

اااااااااااه فقتيلي هههههههههههههه

ايا مليح رانا كامل كيف كيف