السلام عليكم ورحمة الله تعالى وبركاته
اليوم درت كيش شفتو في النت من عند احد الاخوات جربتو لاول مرة وحبيت نشارككم بيه
بسم الله
العجينة
200 غ روز غليه وصفيه
ومنبعد ديريلو حبة بيض
شوية فلفل اسود
شوية ملح
3 سنات ثوم
شوية معدنوس مقطع صغير
حوالي 50 غ فرماج
ديريهم كامل في الروبو وارحيهم
جيبي صينية صغيرة تاع كيش مدورة ادهنيها بالزبدة ومنبعد حطي هذاك الخليط وشكليه على حساب الصينية
ديري شوية زيت في يدك ونتي نعجني فيه باش مايلصقش في يدك
دخليه الفرن حوالي 15 دقيقة قيس مايتحمر من تحت ويشد روحو
الحشو
صدر دجاج كامل طيبيه عادي
مع حبة بصل وشوية زيت او زبدة وفلفل اسود وملح منبعد زيديلو حوالي 2 كيسان ماء
وخليه يطيب حتى تنقص المرقة وتولي حوالي نص كاس
فتي هذاك الدجاج زيديلو
4 حبات بيض
شوية معدنوس
فرماج مقطع مكعبات صغار
والمرقة الي بقات
فرغي الخليط فوق العجينة ودخليه للفرن باش يتحمر من الفوق
اعتذر عن رداءة الصورة بصح الذوق حاجة وحدوخرة
[img]
[ندعوك للتسجيل في المنتدى أو التعريف بنفسك لمعاينة هذه الصورة][/img]
وشهية طيبة
و الصورة نورمال راهو يبان روعة 
