تجــــمع العـــرائس"الجــــزائريات" العـــدد الاول

[ندعوك للتسجيل في المنتدى أو التعريف بنفسك لمعاينة هذه الصورة]


مزالو عندي بزاف خسارة النت تقيلة ما قدرتش نكمل نحمل
مرة اخرى نكمل ان شاء الله
ان شاء الله تكون عجبتكم الفكرة

سسسسسسسسسسسسسسسسسسسسسسسسسسارة حنونة ماحبيتش نشريها جبة قبايل على خاطر علبالي مانلبسهاش بزاف مور العرس غير في عرس لافامي على خاطر نلبسو الجبب في العراس

ايه سسسسسسسسسسسسارة حنونة عوايدنا سامطين يكلفوا " longdesc="19" />
حنا عرسنا سبعة ايام و سبع ليالي
نبداو
العروس لازم سمانة قبل عرسها تسبغ شعرها ومبعد سمانة العرس كما تحب هي مي لابلي باغ يديرو الحمام بالاحد ولا الاثنين و مبعد تحب تنقي في الحمام ولا عند كاش مرا وحدا اخرى ولا تنقيلها وحدا ملي تعرفهم في الدار و مبعد كي تجي من الحمام يديرو قهوة لي لافامي و حبابتها الا حبت ومبعد في الليل يحنولها وكي تجي من الحمام لازم تلبس حاجة غوز كمونوا ولا بيجامة كلش غوز الخمار والبليغة والتقاشر كلش و مبعد بالثلاثاء صباح الا الحنة ماطلعتش فونسي يزيدوا يعاودولها عليها و مبعد الا دارت حنتها بالتلاثاء هذاك هو في اليل يعرضوا الناس على العشاء و الحنة بصح ماتروحش للحفافة مادير والو في وجهها غير شوي فوندتا برك وكل وحدا واش تلبس كاين لي تبدل جب ولا 2 ثاقل بزاف برك ماشي كامل حوايج ولا تلبس حاجة وحدا تحني بيها قدام الناس وخلاص و الا رايح بعيد تروح للحفافة و تتصدر باش الناس يشوفوا حوايجها
ومبعد بالاربعاء ماكين والو نورمالمو حنة دار العريس و بالخميس العروسة تنوض صباح بكري تروح للحفافة تحكم لاشن ومالين العروس يدوا حوايجها كما يقولوا في دزاير يروحو يشورو ودار العريس يعرضوا الرجال للفطور على خاطر يديرو العقد في الجامع ومبعد تع الجامع و المعروضين يروحوا يفطرو عند دار الراجل و العروسة تجي من عند الحفافة غير مور المغرب " longdesc="21" />
ومبعد مع العشاء يجي كورتاج يدوها يدورو شوي ومبعد يدوها لدار ويديرو الدخلة
وبالجمعة مالين العروس يدوا فطور العروسة كل واحد واش يدي كاين لي يدي القاطو ولا شخشوخة ولا رفيس المهم صباح بكري لازم غير يخرج الراجل يكونوا هم تم و مبعد يدخلو يباركولها و دار الراجل يديروا فطور النساء و مالين العروس ومبعد العروس تروح للحفافة وكي تولي تبدا تصديرة مور الظهور و هي تتصدر حتان مور العصر تكمل لانم الاخرنيا قاع تكون تارزي باش يدخل كاش واحد يحزمها بالمحزمة لي جابتها هذا ماكان
عراسنا يكلفو بزاف غير الخساير صافي انت طيبي و تحطي للضياف سامنة ولا اكتر و داركم معمرا بالغاشي

مرسييييييييييي على الشرح كفيتي ووفيتي حنونة ربي يسعدك ويهنيك

[ندعوك للتسجيل في المنتدى أو التعريف بنفسك لمعاينة هذه الصورة]

-------

اوك امالا ديري واش اسعدك وواش يمشي مع تقاليدكم

-------

ايه والله عراسكم ياحليلكم سمانة قاع جبدة وزيد التصديرة مور الدخلة تاع العروسة
يعني ماشي كيما حنا دير التصديرة وغد من ذاك دير فطور لعروسة اذا حبت وكاين لي ولى مايديرهاش

-----

دوك نتكلو على نسيمة تحكيلنا عادات ناس الجزائر والبليديين يادلالي [ندعوك للتسجيل في المنتدى أو التعريف بنفسك لمعاينة هذه الصورة]

انا خاطيني ماتقولوليش هههه

ندير واش كاين في راسي

نسوووووووم

نوووووووور مرسي ع الموديلات لوكان تزيدي ترفدي هاذو لي درتيهم وديرلهم موضوع فالتصديرة تان

بنات حطولنا دي مودال شابين للتصديرة راني حرت واش ندير

وئام الروح42 كتب:

بنات حطولنا دي مودال شابين للتصديرة راني حرت واش ندير

اهلا وئام واش راكي حنونة

واش رايحة ديري تصديرة باش نعاونوك بالاك


شوفي فالازياء التقليدية والله رانا نجيبو كلش جديد

حوسي برك ماشي غير فالصفحة الاولى [ندعوك للتسجيل في المنتدى أو التعريف بنفسك لمعاينة هذه الصورة]

تشوفي موديلات كيما تحبي ولا قوليلنا واش راكي حابة اذا لقيتلك مكانش مشكل

صباحوووووووووووووووو بنات ، واش راكم ان شاء الله تكونو ملاح، يافريال التقاليد نتاعكم يكلفو ويتعبو العرووووووسة بزافف نتوما العروسة عندكم تروح تكري سمانة عند الحفافة وخلاصصصصصص :D ، ومر العرس تدي سمانة روبو ماتنودش من فراشها ،المهم ربي يكون في عونك ، وين راكي رايحة عروسة ان شاء الله ؟؟؟؟
حنا عندنا يا صارة ، مانعرف إدا يكلفو ولا لالا، المهم عندنا مثلا بالثلاثاء تروح للحمام وكي تجي للدار تلقى غير لافامي نتاعها يعني المقربين فقط، وبالأربعاء تدير التصديرة نتاعها في لاصال غالبا، وفي الليل يديرو العشا للفاميلا،وتدير الحنة هاداك النهار، والعريس تاني يدير العشا نتاعو، والخميس يجو يدو العروسة ديراكت للصالة تتصدر وكي تكمل التصديرة مع العشية يدوها لدار راجلها، وبالجمعة يقولولو الصبوحي يجو مالين العروسة يجيبولها الفطور ودوك هادي نحاوها ولاو يجو مع العشية يجيبو القهوة يقعدو شوية ويروحو ، وكاين اللي يحزمومها وكاين اللي لالا، أنا هادي ان شاء الله مانديرهاش

نور الحوايج هايلين ، زيديلنا

ههههههههه شفتي حنا خفيف ظريف يعني انا واش قلتي اعلابالي بيها

مي حبيت نشوف كاشما ناقصتني شوية معلومات



يعطيك الصحة نسيمة مي حبيت نعرف لتعرفي قوليلي واش معنتها دفوع تركي ؟
نسمع بيه بنت خالتي ظل تقولي وحشمت نقوللها واش معنتها [ندعوك للتسجيل في المنتدى أو التعريف بنفسك لمعاينة هذه الصورة]
وهي ساكنة من جيهتكم فالبليدة مي في "بوينان او بوعينان" ونعرفها تبدا تبهدليني

تقولي يعزيك في راسك بوه اعليك [ندعوك للتسجيل في المنتدى أو التعريف بنفسك لمعاينة هذه الصورة]
...
ولاليليلليليللي......

) الدفوع التركي
بعد إتفاق بين أهل العروسين على نوع الحفل و تجنبا لمصاريف زيادة تم الاتفاق على أن يكون الدفوع أو قراءة الفاتحة رجالية محضة بدون حفل و عادة ما تتم في المسجد
حيت يلتقي أب العروس و أعمامها أخوالها و إخواتها مع العريس ووالده و أعمامه و أخواله و إخوته و أصهاره إن وجدوا و يتجهون ألى المسجد عادة وقت صلاة الظهر يصلون و يتم إمام المسجد بعقد القران دينيا ::و ذلك بقراءة الفاتحة في حضور شاهدين و يتم إعطاء المهر إلى والد العروس و يكون في ظرف كبير و لا يتم عده او إخراجه : و يكون مربوط بشريط من دانتال الوردي :k::و تتم إستضهار عقد الزواج المدني و في الأخير تتم المباركة :و هنا لا نلاحظ أنه يكلف مصاريف للطرفين فعلى العريس فقط إحضار بعض المشروبات فقط

و ألف ألأف مبروك مسبقا.
وأنا درت هاكا ، وفي الليل درت العشا ـ بعثت للجيران وحنا في الدار، وبعثت لخوالي تاني عندي 3 ، وخالتي واحدة كانت عندنا في الدار، وهو ماجاب حتى واحدة معاه غير أختو الصغيرة ، وبعد الفاتحة جا للدار قعد حتى للمغرب

مرسي نسيمة حنونة تعيشي

ايه حكيتيلي مي ماعلاباليش اذا درتي دفوع تركي

مبروك عليك للمرة الف

[ندعوك للتسجيل في المنتدى أو التعريف بنفسك لمعاينة هذه الصورة]

لا مرسي على واجب ، سقسي واش تحبي راني هنا ادا قدرت نجاوبك حنونة
وانتي واش راكي ناوية اديري؟؟ فيونصاي

ربي يعيشك

والله مانكذب على ختي انا مانيش حابة ندير فيونصاي قلت كي يجو المرة هاذي
ويقطعو الشرط مانزيدش ندير حتى للعرس بزااف وزيد لوكان ندير فيونصاي
مانديرش عرس
ممكن ندير عشا هكا كيما نتي للمقربين برك مزال ماديسيديتش دوك
يهبط المهبول ديالي هو وباباه يشوف مع باباه ومع دارهم ومن بعد نديسيدو انا وياآه
واش يخرج اعلينا الحاجة اللي تعجبني فيه تاع ماعلابالوش بدارهم يعني على عماتو..
تهنيت يدير واش في راسو وهوما اللي يتبعو

:afro:

ماعاندوش يماه؟؟؟؟ وهو وين راه ضركا؟؟؟

سي عندو مي يماه المانية دوريجين وهو دوك راه في فرنسا

حبيت نحطلكم شوية جبات لي شريتهم ستيل فراشة ووحدة نورمال




[ندعوك للتسجيل في المنتدى أو التعريف بنفسك لمعاينة هذه الصورة]

وبس هاذو لقيتهم في طريقي صورتهم

عذرا عن الكاليتي الله غالب



للعلم راهم يتربطو خخخخ

بصحتك صارة شابييييييييييين الله يبارك
وقتاش ناوي يحبط ان شاء الله؟؟ أنا قرعاجية مالكبار

nassima كتب:

بصحتك صارة شابييييييييييين الله يبارك [ندعوك للتسجيل في المنتدى أو التعريف بنفسك لمعاينة هذه الصورة]
وقتاش ناوي يحبط ان شاء الله؟؟ أنا قرعاجية مالكبار [ندعوك للتسجيل في المنتدى أو التعريف بنفسك لمعاينة هذه الصورة]

الله اسلمك مرسي

[ندعوك للتسجيل في المنتدى أو التعريف بنفسك لمعاينة هذه الصورة]


خخخخ قرعجي على روحك

[ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله منا لماي ولا fin avril اجي

[ندعوك للتسجيل في المنتدى أو التعريف بنفسك لمعاينة هذه الصورة]

مبقاش[ندعوك للتسجيل في المنتدى أو التعريف بنفسك لمعاينة هذه الصورة] راه من نوفمبر ثم يعني بزاف اعليه خخخ

ان شاء الله، ربي يهنيكم

ssssssssssssssssssalut

نور شكرا على الموديلات

عجبني الاول


فريال عرسكم يكلف فوق القانون
سمانة راهي بزاف

حنا عرسنا كيما تاع البليديين
كيما شرحت نسيمة
وكل وحدين كيفاه يديرو كاين لي يحزم وكاين ما يحزمش