تجــــمع العـــرائس"الجــــزائريات" العـــدد الاول

الأميرة شهرزاد كتب:

ياخي عجبتني مشوارة مكانش

ياك قلتلك خبي يا طفلة تلقايهم وش بيك

حتى وماعندكمش العادة خبي انت
ديري لامود لتاعكم باه يعودو يديرو

هههههههه

لالا خبي تلقايهم من واك باه ماتحصليش
خبي لحوايج لي ما يبانوش ما يفيقولهمش كيعاد انتوما ما تخبوش

عندك الحق شهرة
بصح واش نقدر نخبي مثلا
بالاك نديرهالهم عادة كيما قلتي هههههههه

مثلا مثلا

نقلك انا وش مخبية وانت تشوفي وش تقدري

عندي قماشات بزاف مخبيتهم == تقدري تخبيهم

عندي 2 عبايات =يعني زايدين

2قنادر يجوني شوي كبار الستيل تاع السوارا والفلسطينيات

بيجاما جابتهالي ماما من السعودية =جابت 2 خبيت وحدة

درت بساطات تاع بلاصة وتاع زوج

انابات تاع كروشي

مساسك وكورونات وشوشوات وهاد لحوايج تاع الشعر كي نلقاهم رخاس ولا بقالي دراهم نشري ونخبي

مخاد تاع كروشي وتاع الطرز درتهم

يعني اي شيء ديريه بيدك في الطرز ولا حاجة اخرى

كاين بيستيات زايدين خبيتهم

محارم

كي نتفكر نزيدك

مليح شهرة لي خبيتي
يعطيك الصحة فدتيني بزاف

ايا حنونتي من واك ماتقوليليش ما خبيتش

نقتلك

هههههههههه

تفكرت شفتي في موضوع صيكاني

زوج لخرين تاع الاعراس هدوك مخبيتهم لقري هزيت في في عراس السنا ورديتو ههههههههههه

ومخبية هداك المارون الصفير المربع ولوخر الابيض لي بالورود

روحي درك تشوفيهم
كيما لي بوشات تقدري تخبيهم

مناشف تاني خبيهم

كل مانتفكر حاجة نقلك

ههههههههههههه ان شاء الله

ايه شفتهم شابين
زيدي تفكري عجبني الحال ههههههه

ههههههههههه ستوتة عجبك الحال

نروح ندير صوص للسباقيتي ونتفكرلك كي نرجع نزيدك

ههههههههه

هههههههههههههههه
اوكي

هجورة تفكرتلك ههههههههه


بيجامة تاع قطيفة خيطتها هي بفيزو وماما قاتلي ما تلبسيهاش قدام باباك خبيتها هههههه

و روب تاع حمام خفيف كي راح يتزوج عمي شرا بابا 2 الابيض درناه في حوايج لعروسة والفار بيستاش ديتو انا ههههه
جاي كيما هادا بصح مافيهش الرسمة وهادوك السبت تاع الذرعين جاي بلاستيك
ومعاه الفوطة تاع الشعر
[ندعوك للتسجيل في المنتدى أو التعريف بنفسك لمعاينة هذه الصورة]

مليح شهرة الله يبارك
ونزيدك انا من عندي
ممكن ثاني
ملابس داخلية بكل انواعها
حوايج صغار تاع شتا كيما صبيبطات تقاشر لي فيزو لي تريكو تاع لحم

مليح سارة كي يماك خمت عليك وخباتلك راهي نقصت عليك شوية
دركا نتي لي تصيبيها خبيها ماتخلي والو هههههههههههه

ميرسي شهرة الافكار اللي مديتيها مليحة بزاف..بديتي تدخليلي الفطرة لراسي شكرا

ههههههههههه نور لازم تدخل بالسيف ندخلهالكم

كون ماجاتش مليحة مانقلكمش
والله عندي بنت خالتي نظل نقلها خبي تلقاي خبي تلقاي والو تقلي نلبس وخلاص

نهار جاو خطبوها قالوها 3 شهر نهزو
تخيلو والله مافهمت وش دير وش تخلي
حتى عادت تجري من ومن وحدة تغسلها الصوف ووحنا جات عندنا درنالها بساطات هادوك تاع 2 الوان اسكتو برك والله مالقات روحها

بكري تقلي لي توجد الشورى تقعد اللورى هههههههه من بعد استعرفت بلي مليحة الفكرة حتى طفرت

ايه سارة انا مخبية بزاف قماشات ديجا درك راني ديسيديت شوي منهم وش راح نخيطو


هاجر عندك الحق هادوك تاني يتخباو خاصة الباهيين هدوك ههههههههههه

انا جابتلي مرت صاحب بابا ديزابيي باهية بيضاء بالورد احمر قصيرة راني مخبيتها

وتاني فيزو بالبودي تاعو تاع الشتا


ايه هاجر حتى هدوك الصبيبطات مخبية زوج جابهم بابا من السعودية



كيما قالت سارة هادوك التفاتف يدو بزاف الدراهم نحو شوي منهم درك خير

انا بنت خالي ماشراتش نهار رحت نغلفلها الشورة مالقيتش خلاص حوايج الشعر وهاد التفاتف
خرجنا شريناهم انا وياها 300 الف كل راحت فيهم وكون غير درنا حوايج بزاف

لبنات نسيت تاني حاجة


الخمارات والاكسسوارات لي تشروهم ومن بعد ما تلبسوهمش ولا مايعجبوكمش === ياخي هادي هي خدمتنا حنا ههههههههههههههه

ولا لي يجوكم كادوات وما تلبسوهمش تاني خبوهم من بعد راكم تلبسوهم واذا ماعجبوكمش مدوهم فلي كادو ياخي لعروسة لازم تمد لي كادو === لهبال التاني
هههههههه

هههههه الله ابارك شهرة راكي مخبية وتعرفي خير مني خخخخخخ انا راني تاع دز للقدام نطبع في حمار ميت هههههه والله عندك الحق صح الوحدة لازم تخبي حاجات مايديموداوش وتبروفيتي اذا عندها دراهم مي راكي تعرفي حنا يدينا ماشي لينا لازم نلبسو ولا ناكلوهم في حاجة اخرى... وماتحكيش على الكادوات انا بنت عمي عندها ثلاثة لواستهاآ شراتلهم كل وحدة جبة ب200 الف وقماشات قلتلها بزااف انا عندو عماتو نشرليهم قاع هكاك ههههه يروحو ازمرو انا حرت في عمري وعجوزتها شراتلها حجاب بالخمار ديالو وبابوش ولا صابو وشيخها شراتلو قميص مع سجادة والالاطفال شراتلهم مشاور تاع الخنونة ههههه مي تاع القماش مع صابون والله تحيري واش تشري

[ندعوك للتسجيل في المنتدى أو التعريف بنفسك لمعاينة هذه الصورة]

هههههه ربي يعيشك سارة

انا ماما لي ولهتني لهاد الفكرة وبكري بابا شرالنا الزور والزرابا بزاف ويقولنا كل واحد وزاورتو وزربيتو على بيها هزينا الفكرة

عندك الحق انا تاني هكاك يكونو عندي دراهم تم بعد نقضي عليهم ومن بعد نقعد صفر

وعلى الكادوات اسكتي برك وكاين لي يطيحها ربي في 7 سلافات ونسا خاوتو والشيخ ولعجوزة بلا الذر الصغار ههههههههههههههههه
واش تدي واش تخليه




حقا حنا عندنا مانشرطوش الصوف يعني دارولك والديك تدي مادارولكش تروحي هكاك
وكي تروحي هكاك يقولو والديها ما قدروش حتى يديرولها مطارح صوف
هههههههههه

حنا ماما تهنات منا لبنات في 3 دارتلهم
انا شريت الصوف وخواتاتي شرالهم بابا العام لي فات وخلاص درنالهم لمطارح

شهرة مطارح تاع الصوف نتوما تخدموهم ولا كيفاش
حنا عندنا تدي زوج مطارح واجدين تشريهم
ومشي شرط

لالا هاجر نغسلو الصوف ونشرو لقماش لي يعجبنا ونعطوهم للطراح يطرحهم
هكا خير باه تعرفي وش كاين في مطارحك
كي نشروهم واجدين تتوسوسي ماعمبالكش وش كاين داخل قادر حتى تكون صوف مش مغسولة مليح وفيسع يخماجلك المطرح


وكل وحدة ومقدورها تدي 2 .3 .4 انا درت 3 وخواتاتي تاني وجدتلهم ماما 3 .3

بصح المطارح يبانو بزاف في الشورة
لي ماعندهاش تدي تاع بونج

بصح تاع الصوف عندهم قيمتهم

درك راهم عادو يدو تاع قطن هوما كلي تاع صوف ماتفرقيش بيناتهم

مليح شهرة عندكم الحق
حنا كيما قتلك يشروهم
والاغلبية يكونو تاع بونج

اوك مليح

كل وحدين وعاداتهم

الله يسلمك سارة

ماتحبوش تعبو يديكم والضفار يتكسرو هههههههههههههههههههههههه