مساعدة ارجوكم

السلام عليكم.ارجو مساعدتكم .انا مخطوبة و مهري هو 10 ملاين مع الحوايج اللي يجيبوهملي من لبسة وذهب.راني حايرة كيفاش نقسم هاذ الدراهم وواش نشري بيهم ارجوكم ساعدوني.

اول حاجة مرحبا بيك معانا

وربي يهنيك ويكملك ويكملك ان شاء الله


اما على المهر والله لعرايس كامل حاصلين ربي يكون معاكم 10 ملاين ماتجيب والو

انا كيما نشوف فيهم يشروهم ذهب ووالديهم يعطوهم 2 والا 3 ملاين يديرو بيهم الحوايج المهمين خلاص حاجة حاجة برك

وتتفاهم مع لفامي تاعها خالاتها وعماتها مع بعضاهم يديرولها الصالون والزربية . المهم تتفاهم معاهم يديرولها لحوايج الناقصين باه ما يجيبوش كامل كيف كيف وهي ماتلقها منين من ولا من

ومليح كون تكوني خدامة تعاوني شوي روحك

ربي يكون معاك

الله يسلمك ختي لعزيزة بارك الله فيك على الرد اما بالنسبة للذهب عندي الحمد لله .و يجيبوليالطبق نتاع الفاتحة.يعني ختي قوليلي وش نشري حوايج بهاذو 10 ملاين .وربي يعين كل عروسة والله غير حصلة نتاع الصح

الله يسلمك ختي لعزيزة بارك الله فيك على الرد اما بالنسبة للذهب عندي الحمد لله .و يجيبوليالطبق نتاع الفاتحة.يعني ختي قوليلي وش نشري حوايج بهاذو 10 ملاين .وربي يعين كل عروسة والله غير حصلة نتاع الصح

مدام الذب عندك يعني تهنيتي من هم كبير

درك نجيبلك رابط لموضوع ان شاء الله يعجبك فيه كل ماتحتاج لعروس

واي استفسار او سؤال رانا هنا

ودرك يجو لبنات يزيدو يفيدوك ان شاء الله

بارك الله فيكي ختي والله غير فادوني الروابط بزاف.ةراني شفت تجمع العرايس الاول والثاني .فوووووور بزاف راكم ناشطين الله يبارك يعطيكم الصحة .عندي اقتراح لو سمحتي .بما ان التجمع الثاني راهو مغلق.وش رايك لوكان نحلو التجمع الثالث باش نتعاونو كامل.وشكرا

مرحبا بيك اختي معانا
الحمد لله راكي تهنيتي من الذهب
زيدي شوفي الروابط اللي اعطاتهملك شهرزاد
وان شاء الله ربي يطرحلك البركة في المهر نتاعك
الحاجة الوحيدة اللي ننصحك بيها هي انك ماتكثريش
مثلا اللبسة ادي من كل حاجة 2 او 3 باش ماتمليش منهم ويقعدو في الخزانة
رانا نشوفو كل مرة يخرج الجديد وعند راجلك رايحة تزيدي تشري
ربي يكملك ويهنيك

اختي امينة التجمع الثاني ماهوش مغلق تقدري تشاركي فيه عادي
راهو الفوق مثبت

شكرا على الرد ختي .عمبالي راهو مغلق .شفتكم بلي ماراكمش تشاركو فيه .ضك نشارك فيه ونعرفكم على نفسي ونتمنى تقبلو صداقتي

اوكي نحن في الانتظار ومتشرفين بيك