السلام عليكم ورحمة الله تعالى وبركاته
قاطو الصينية بالشيكولاتةالمقادير500 غ مارغرين
كاس سكر
3 بيض )2صفار و1 كاملة)
فانيلا
2 خمارة كيميائية تاع القاطو
ملعقة صغيرة خمارة الخبز مذابة في شوية حليب دافي
فرينة
للتزيينمعجون
طلية الشيكولا
كاوكاو محمر ومرحي
بعد ماتخدمي العجينة اقسميها على 2
جيبي صينية متوسطة الحجم ومستطيلة مدهونة بالزبدة ورشي عليها شوية قرينة
نفتحو النص الاول من العجينة طبقة رقيقة نوعا ما ونحطوها على الصينية
نقطعو الزوائد ونعمرو الفراغات اذا بقاولنا
نفرغو المعجون على كامل طبقة العجينة اللي حطيناها
نجيبو النص الثاني من العجينة ونفتحوه بنفس السمك تاع الاول
نحطو طبقة العجينة فوق المعجون وبنفس الطريقة نقطعو الزوائد ونملؤو الفراغات
ندخلوها في الفرن اطيب على نار قليلة
ماتخليهاش تحمار بزاف باش تجي طرية
نخرجوها ونخلوها تبرد ونحضرو طلية الشيكولا
نطلوها كامل ملفوق ونذرو فوقها كاوكاو اللي كنا حمرناه وبشرناه من قبل
[ندعوك للتسجيل في المنتدى أو التعريف بنفسك لمعاينة هذه الصورة]وكي تنشف مليح الشيكولا نقطهعوها مربعات
[ندعوك للتسجيل في المنتدى أو التعريف بنفسك لمعاينة هذه الصورة]نتمنى تجربوها وتعجبكم كيما عجبت بزاف ناس
واي استفسار انا في الخدمة
