۞●●قعدة مع لحباب خـــآص بشهر رمضان الفضيل●●۞

هووووووويام صحا فطوركم
كيفاش عقبتو نهاركم لبنات غلبتوه ولا غلبكم

واش درتو فطوركم

وحدة لاطلت وينكم شهرة راهي غايبة

صح فطورطم لبنات انا ماغلبنيش ليوم فوتو نورمال
ولفطور تاع ليوم شربة و سكالوب و بوراك وسلاطة وقازوز وزلابية نحبها بزاااف وكون مايجبهاش بابا نموت ناكل 2 ولا3 حبات وصح سحوركم

سلاااام

صح رمضانكم لبنات و ربي يتقبل صيامنا و قيامنا ان شاء الله و صح فطوركم تاني

انا اليوم عدا عليا مليح حسيت برك بالنعاس جوايه 4 -5

درنا اليوم جاري (شربة) و طاجين العين( طاجين حلو) سلاطة بوراك قازوز و دلاع سخف عليه بابا ههه و درت قاطو خسارة ما نقدرش نحطلكم صورته درك ..امم هدا ماكان... الحمد لله على نعمته

بصحتكم هنادي
احنا درنا طاجين زيتون + شربة
والديسير قلزوز +عنب +الفقوص المرحومة
والبوراك والزلابية

اسماء لاطارت تاعك هايلة الله يبارك..كلشي مبروك و لعقوبة للعرس ان شاء الله

و حنا نديرو لمقرقشات بصح مش بهاد الشكل ..نحلو العجينة رقيقة بزاف و نشكلوهم فراشات ..فكرتيني فيهم كاش نهار نديرهم

صحا فطوركم لبنات واش راكم لاباس؟؟؟؟؟؟؟؟؟؟؟؟


انا فوتو عادي جوايه ال6 حكمتني واحد الفشلة تقتل وانا في الكوزينة بديت نعطش بصح الحمد لله فات عادي


الفطور درت شربة وزيتون وطاجين حلو وحميص وسلاطة وماسيدوان برعاية كوكاكولا و رامي و فيتامين درينك

علبالكم النهار الاول مايقدرش الواحد يطيب بزاف
ونبداو باللبن و التمر

والديسار خوخ و دلاع

ربي يدومها نعمة

بصحتكم هويام
هدا كل وتقولي مطيبناش ياسر ههههه


الجو عندنا مش سخانة بزاف الحمد لله
صحا صحوووووووووووووووووووووركم كامل ياك تنوضو تصحرو ولالا
ختكم متنوضش نسهر وناكل ونرقد


سلاااااااااااااااام تصبحو على خير وسهرة طيبة

سهرة رمضان متحلاش بلا بوووووووووووووووقالات ولقيت سارة حطتلنا بوقالة تهبل
الله يخليك يامديرتنا

اليكم بعض البوقالات الرمضانية الجزائرية

هادي لشهرة الغايبة
حليت باب
الجنان لقيت الملاح رقود تنهدت الدالية و تحرك العنقود قال القمر فالسماء
نكشف على السحاب يذوب خلي الحبيب لحبيبو و اللي في قلبو حاجة الله يبلغ
المقصود .




هادي لنور الجزائر

02 نزلت لقاع البحر خرجت لي جنية قالت لي وشبيك يا لالا مهمومة تكلمي افتحي
قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها
هيا .



هادي ل سارة

03 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .


هاجر هدي ليك


04 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .


ملكة الجزائر هدي ليك


05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .


هنادي


06 الشمعة يا لشمعة يا لشمعة الضواية لو كان نعرف وشبيك نمسح هذيك الدمعة
من خديك و نرد وجهك مرايا يا ربي يا معبود اقبل دعاية يا رجع لي زهو الزمان
ويعيا الحبيب قاعد معايا .


لييييييييييييينا هدا فالك


07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .



هوووووويام هدي ليك

08 لو كان السعود ينغرسو نغرس ميات عود و عود في طية وحدي لكن السعود في
يدك يا معبود يا سقام السعود سقم لي سعدي الناس الكل بحبيبهم وأنا غريب في
هذا الدنيا وحدي .


امينة


09 فاطمة يا فطوم وين ما تكوني نرسلك مرسول إذا سكنتي البحر نرسلك عوامة
وإذا سكنتي السماء نرسلك حمامة و إذا سكنتي القبر يحاسبك مولانا .



وهدي للغائبة الحاضرة في قلوبنا سمية عروستنا

10 علاش يا لالا التخمام رحمة الله واسعة و كبيرة لو كان جات بالكلام
نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك
الهموم و تروح الحيرة .


ويسمحوللي اللي نسيتهم
اللي نسيتها هدا فالها وفالي

11 أعلميني يا لالا نهار تروحي لحمامك نرفدلك السلة و نمشي قدامك ندور على
يمينك و نزيد على شمالك و نبقى لك خديم و طايع على طول زمانك .


وهدا فاللعمري


23 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة

صباح الخير اعليكم

اسما لاطارط ديالك تهبل كلشي مبروك وبزيان السعد

راني دايخة ومصروعة اليوم

البارح جوزتو نورمال شوية سخانة فالكوزينة

وبصحتكم واش طيبتو دوك نسيي نفتح موضوع وشاكونا فيه

--------------------------

مرسيييييييييييي اسومة على البوقالة يعطيك الصحة


انا البارح سحرت اليوم راني جيعآآآآآآآآآآآآآآآآآآنة واش داني

صباح الخير يالبنات ان شاء الله تكونو لاباس تعيشي new sunrise على البوقالة وراني شمعة ضواية ههههههههههه ماضنيتش
وجابتها عليا سوا سوا والله مالقيت شكون يمسحلي دموعي سارة شوفي لبوقالة تقول تهدر على حالي وصح فطوركم

ئح رمضانكم يا بنات


سامحونى انا فى مضان نتحول ونجوع ونولى مانقدرش نهدر

والله سامحونى

سلاااااااااااااااااااااااام
اليوم تاني عندنا شويا سخانة وحكمتني شويا الفشلة وضرك الحمد لله

هنادي بصحتك
سارة الله يسلمك ولعقوبة ليك

ملكة الجزائر السماح مكانش لوام بين الحباب

وهدي لكل من غلبها رمضاااااااااان اليوم

ههههههههه ياخي بنات ملكة اني نتخيل فيك كيما حالة لي جان باين راه غالبك خخخخ ربي يكون معاك

هنادي ان شاء الله يولي فالك شباب ويتعكس وتولي دمعتك تاع فرحة ان شاء الله

راهي اسما مدت كل بوقالة على حساب قلبها ربي يجازيها



هيا شاركونا لي صورت البارح ولا لي راهي طيب بوصفات وواش طيبتووووووووو

https://kaserchooe.yoo7.com/t4429-topic

سمية اعطينا واش معنى اسم الجديد


البنات لمتلاقيناش عشية اذا قدرت ندخل والله اني نعيا وننعس نرقد كاااااو كيما كل عام تبا


صح فطوركم ولي راهي فالكوزينة نلقها ربي معاك

الله بسلمك سارة

سارة هويام بطلة مسلسل حريم السلطان وجوهرة سابقا راهي مغرومة بيها
ههههههه هكا ولالا
كي تجي سمية تقلنا



لبنات باي اللي ما وراء الافطار وصحا فطووووووووووووووركم

ملكة الجزائر كتب:

لميس راهي بدون تعليق ههههههههههههه

صباح الخير اعليكم كيفاش اصبحتو

انار اني قاع ماشي مليحة مانطقتش من لي نضت راني غير مع الكلافي ونهدر يعني عندكم الحظ نتوما كي راني نهدر معاكم التشناف راه حتى لوذنيا وراسي يوجعععععععععععععععععععععع واعععععععععععععع

-----------------------------

سمية مليح الاسم والله مانتبهت والبارح كنت رايحة نقول لاسماء راكي نسيتي سمية فالبوقالات اليوم تندبلك

حتى حوست لقيتك بالاسم الجديد خخخخخ



هيا من بعد نروح ندير دورة استكشافية

صباااااااااااااااااااااااااااااااحك عسل يااااااااااااااااااااااعسل انتي

نقللك اليوم مليحة كي نضت من بعد قلت نروح للخياطة خرجت تحرقت من الشمس والسخانة ورجعت ببلاش


يارييييييييييييييتني مخرجتش عطشت وغلبت

سارة معقووووووووووووول انسى سمية ولووووو

اهلا يانحلة ههههههه

رحتي دوري ياخاه اعليك انا تقتليني مانخرجش في رمضان

مانعرف كيفاش بكري كنت نخدم فالصهد تاع اوت خخخخ مي كنت نزارطي مكاين حتى واحد


لازم تروحي دوشي باش تتنحالك العطشة انا نسمع كلمة عطشت نعطش

ولو اكيييييييييييييد الدوش اللي ينحي اللعيا
زعما خرجت بكري قلت اللبرود سعا لابرود ولا هم يحزنون

سارة بكري على جال الدراهم هههههههه تحملي السخانة وكلش

صباح الخير لبنات واش راكم صافا؟؟؟؟؟؟؟؟؟؟؟؟؟؟


انا لا خرجة لا دخلة في رمضان الدار وماعرف مع لعطش جهازي حبستو مع رمضان صايي راني روطااااااااااااااااااااااااار بزاف هوما يقولولي تدخلي مابين العيدين بصح على حساب توجادي عام ولا عامين وماعرف ههههههههههههههههههههه


ربي يجيب الي فيه الخير هذا ماكان

سلام بنات وشراكم توحشتكم
وش احوالك مع الصيام والسخانة
ربي يعينا