افتـــتاح تجــــمع العـــرائس"الجــــزائريات" العـــدد الثاني

بصحتك امينة باهيين

انا شريت ثلاثة بيجامات تاع صيف وحدة ساتان و زوج قماش وحدة بونتاكور و وحدة سروال عادي

ونزيد زوج تاع شتاء برك مانكثرش منهم مانيش ساكنة وحدي " longdesc="59" />

الله يسلمك سمية انا تاني ساكنة مع العايلة .بصح نمووووووووت على البيجامات .تعيشي اذا تقدري تصوريلنا نتاع الساتان انا ملقيتش منهم اللي يعجبوني

ان شاء الله اختي راني مخبيتهم في فاليزة كي نجبدها نصورهم اكل تاع الساتان شورت " longdesc="51" />

اوووو مليحة شورت .وكتاش عرسك اختي

مازال مابانش ويكتاه نورمالمو قبل العيد لكبير

ونتي ويكتاه؟؟؟؟؟؟؟

انا اييييييييييه مزااااال حتى الصيف نتاع العام الجاي ان شاء الله معنديش بزاف ملي تخطبت.نتي من اي ولايه اختي انا من سطيف

انا تخطبت في نص ماي الي فات برك مانعرفو ماني موجدة روحي هوا غاصب ظروفهم تحتم انا ندخل في اقرب وقت ماعندهمش الي يقوم بيهم هوا ويماه مريضة شويا

خيار الناس حنونة انا من مسيلة رانا جيران مالا ماعنديش بزاف ملي جيت للعلمة شريت حوايج و فتت على الياشير ثاني شريت من تم

خيار الناس أختي لعزيزة.ربي يتمملك زواجك ويهنيك في حياتك وربي يشفي يماه يا رب العالمين انا والله ما رحت للعلمة راني ساعات نشري من دزاير كي نروح .وش رايك رخيسة الحالة في العلمة ولا لالا

بصحتك امينة ملبوس الهنا وكاش علاقات مفاتيج موديل جديد تعيشي حطيهولنا

سمية سخفتيني بنتاع الستا وزيد بشورت
في انتضار صورك

الله يسلمك اسومة .اسماء عندي وحد المودال في راسي كي نخدمو نحطولك.اسماء شحال راكي تخدمي من وحدة الخزانات نتاع بكري فيهم 6 مفاتح ونتاع ضك فيهم غير 3 .راكي تخدمي 6 ولا 3:اسما تعيشي اشرحيلي شوية كيفاش خدمتي البوف .اشرحيلي هنا في التجمع بلا صور.كيفاش تغلفي بيدون الصبيغة

والله والو امينة نفس السعر مع مسيلة هنا ماهي رخيسة ماوالو وانا لاحظت بلي اسعارنا في مسيلة هايلة رحت للبرج ولسطيف لعين الفكرون جاتني مسيلة خير

انا خدمت مودال واحد علاقات مفاتيح ومانزيدش نخدم مانحبهمش بزاف

من بعد نصورهملك اسماء

انا جاتني بلي في دزاير الحالة رخيسة والله وتلقاي حوايج هايلين كيما البيجامات شريتهم غير ب 60 الف خيري وش تحبي ولي نويزات تاني ب 60

امينة في الفاتحة ميمدوش عندنا

ولبست اغوب موف ههههه كلش نتاعي موف جاية كتف بنوار والاخر مكانش
وشعري درتو مشطة للفوق ومصبغتوش على خاطر مزلت باش ندخل قلت ليقرب العرس ونصبغو احسن تغيير مضهر بعد

وواش نحكيللك وانا صايمة ههههه
كنت حابة نحطلهم اللفلو +الفواكه والمكسرات بصح مقدرتش ادعوللي نديرهم في العرس
غاضتني كي مدرتش هد العفسة عجبتني بصح خصارة

وانتم واش تقدمو لاهل العريس لما يجو عندكم للحنة او الفاتحة
انا درتلهم جو +القريوش+واحد القاتو
هدا مراني نتفكرة بعد الفطور ونشوف هههه

تعيشي سمية اني نستنا
امينة ندير 3 للبيبان نتاع الخزانة و1 للباب نتاع الدخلة تاني

سمية رحت للفكرون فهم الرحمة شويا خير علينا هنا
وراني حابة نروح لقسنطينة قالو كايم بلاصة معلاباليش واش اسمها نسيتها
النويزات يتباعو ب20 الف وكلش رخيس
قلت نشري الكادوات نتاع اهل راجلي منتم

اللي من قسنطينة تقوللنا صح رخاس تم الحوايج ولالا

امينة البوف من بعد الفطور ونرجعللك

اوكي حنونتي صحيتي بزاف.بسم الله .انا صح من سطيف بصح ماما دزيرية سما ندير تقاليد دزاير .حنا بما انهم بعاد يجيو يتغداو عندنا .ومن ورا الغدا نديرو قازوز والفاكهة و القاطو اللي يمشي مع القازوز.ومبعد نديرو القهوة والحليب مع ‏gateaux sec‏ .ومبعد لاتاي مع المقروط و القريوش والمكسرات.وكي يجيو رايحين يدو معاهم باطات فيهم القاطو نتاع اللوز.وانا حبيت ندير لجداه كادو خفيف وش نديرلها.وان شاء الله رايحة نلبس قفطان و ندير وحد المشطة جديدة قالتلي عليها الحفافة.سما فاتحة وفيونصاي.قسنطينة والله معلابالي جامي رحت ليها بصح اذا النويزات ب 20 الف راهي فووووووووووور .

امينة احنا يجو يشربو قهوة ويتعشاو
ولما يوصلو من التعب نتاع الكورتاج لازم يستقبلوهم بحاجة باردة متلا الفلو و المثلجات ولا الجو مع الحلويات من بعد
الضيافة نتاع القهوة
كيما انتم مكانش فرق كبير

وجدتو الا عندو فرد وحدة اهديلها والا 2 لازم في 2 مش تنساي وحدة وتكرههم فيك
اشريلها كاش قماش ولا كاش حاجة تفرح بيك وديرللك بوبليستي ههههههه

هههههه ايه تولي دايمن تشكرني عندو 2 ورايحة نديرلهم في زوج

شوفي اسماء لقيتلك هاذ المودال في النت .حطيلنا نتي اللي خدمتيهم ‎[ندعوك للتسجيل في المنتدى أو التعريف بنفسك لمعاينة هذه الصورة]‎

ولووو اسماء تعبك راحة

امينة بصحتك البيجامات شابين

جاني سؤال في بالي
اللي رايحين يسكنو مع اهل الزوج يلسبو بيجامات عادي؟؟ ولا يلبسوهم غير في الشمبرة؟؟

الله يسلمك هاجر .انا بالنسبة ليا مستحييييييييييل .نلبسهم غير في الشمبرة .نحشم بزاف قدام شيخي

انا ثاني نلبسهم في شمبرا برك مانخرجش بيهم معايا سلفي و عجوزتي

بنات جبتلكم فكرة راهم يتباعو وحد المصابيح les lampes الضوء نتاعهم احمر يديرو جو رومانسي راااااااااااااائع اشريو منهم ديروهم في شمبرتكم.يديرو 35 الف

ياااااااااااااااااي امينة هبلتيني بهادوك
نتاوعك ولا شريتيهم وبقداه ههههه نزلت عليك بالاسئلة
المهم يهبلو تتهناي بيهم وولعقوبة لما خير

هاجر يتلبسو في الشومبرا يعني كي تروحي ديري لاسياست ولا لعشية كي تروحي ترقدي هكدا

امينة هدي صور تشرح طريقة البوف
[ندعوك للتسجيل في المنتدى أو التعريف بنفسك لمعاينة هذه الصورة]

و نهبط ثوب عليه و نقلب سطل و نزير لاستيك
[ندعوك للتسجيل في المنتدى أو التعريف بنفسك لمعاينة هذه الصورة]
ان شاء الله تكوني فهمتيهم
مقدرتش نشرحللك الصور احسن

ونتاعي خاصينو الفتول حبيتو كيما هدا[ندعوك للتسجيل في المنتدى أو التعريف بنفسك لمعاينة هذه الصورة]



وهدا مصنوع بقارورات البلاستيك
وراني درت موضوع باش منخرجوش عن الموضوع الاصلي هنا

[ندعوك للتسجيل في المنتدى أو التعريف بنفسك لمعاينة هذه الصورة]
امينة هادي خدمت كيفها وحطيتها هنا مرة
وهدا تاني درت كيفو
[ندعوك للتسجيل في المنتدى أو التعريف بنفسك لمعاينة هذه الصورة]