قاطو البابييون

قاطو البابييون
المقادير
3 كيلات فرينة
كيلة مارغرين
قرصة ملح
بلي بماء زهر + الماء
الحشو
3 كيلات جوز او لوز او كاوكاو
1 كيلة ناقصة شوي شكر رطب
فاني
و بلي بالبيض (حبات كاملين)
التحضير
1-في وعاء حطي الفرينة+المارغرين و اخدمي مليح بيدك حتى تدخل المارغرين في الفرينة +الملح+و بلي شوي بماء الزهر و الباقي بالماء حتى تتلم العجينة وخليها ترتاح
2-نجهز الحشو خلطي الجوز +السكر+الفاني +بلي بالبيض لوحي بالوحدة و لمي الحشو وكي يتلم حبسي ماتزيديش البيض
3-على طاولة العمل نحل طبقة رقيقة من الحشو ونقطع دوائر
4-ثم نحل العجينة رقيقة اسمك شوي من تاع البقلاوة ونقطع دوائر
5-نحط دائرة العجين ثم فوقها دائرة الحشو ثم فوقها دائرة العجين ونفوت عليها بالسكين
6-ثم نلمهامن النص يعني نقرصها على شكل بابيون ونحط من فوق نصف حبة جوز او على حسب ذوقك ثم ونطيبها بلا ما تحمار بزاف
7-و كي تخرجيها من الفرن سخونة لوحيها مباشرة في العسل .

مشكوووووووووووووورة كفيتي ووفيتي

بصح واش معناها نفوتو عليها بسكين
عمبالي كثرت عليك وتعبتك معايا


[ندعوك للتسجيل في المنتدى أو التعريف بنفسك لمعاينة هذه الصورة]

شوفي لا فوتو حبة القاطو فيها وحد الخطوط هذوك هوما لنقصدهم و ماعندي حتى مشكل نعاود 1000 مرة المهم ديري حاجة مليحة

بارك الله فيك اختي مون على الوصفة
ممكن صورة؟؟

مرسي على الوصفة ساهلة مي الصورة مكانش ؟؟ ممكن تحطي صورة للقاطو

يعطيك الصحة

نظن قصدها هذا اللي راهو ملفوق

[ندعوك للتسجيل في المنتدى أو التعريف بنفسك لمعاينة هذه الصورة]

ايه هذا هو لنقصدوا

[ندعوك للتسجيل في المنتدى أو التعريف بنفسك لمعاينة هذه الصورة]

اوكي احلاااااام مرسيييييييي على التوضيح بارك الله فيك