افتتاح شات قصر الشوق لشهر اووت و سبتمبر اهلا بالبنات

سارة هديك هيا راكي قلتيها لي فيها الصلاح ربي يقدمها معندنا ما نديرو رانا صابرين وخلاص

مساء الخير بنات وشراكم

مساء الخير على وجوه الير واش راكم لاباس

ان شاء الله سارة هاداك واش نتمنوا و اللي فيه الخير ربي يجيبوا

هديل ان شاء الله كلش مبروك ربي يسلك وحلك ان شاء الله و يتربوا في عزك

مساء الخير لبنات وشراكم

مساء النور نهال
لاباس الحمد لله
ونتي وشراكي وش دايرة فيها

صباح الخير صافا اليوم صبحنا مع النو و البرود علكيف و الله نتنفسوا شوية من السخانة و انتوما كاش برود و مسمة باردة

مساء الخير لبنات
............
هاجر والله راني لباس الحمد لله وانت وش راكي ؟
.............
لينا حنا تاني راها المطر دارة حالة بالصح الجو راه رووووووووووعة تليق نجيو برا في المطر ونريحو رانا كرهنا السخانة

صباح النور

حنا ثاني المطر دار حالة

ايا مليح ربي يدومها

ااااميييين
نهال تخدمي ولا قاعدة في الدار؟

هاجر انا تخرجت غير السنا وراني نستنا باه ندير في لانام ان شاء الله

ان شاء الله نهال
ربي يسهلك ويرزقك

اااااااااااااامين هاجر انا راه شرط فيا خطيبي لازم نخدم قدام الدار ميش بعيد والحمد لله كاين متوسطة قدام دارهم وقدام دارنا تاني (يعني نسكنو قدام بعضانا ميش بعاد بزاف ان شاء الله نلقا فيها خدمة

مليح هكذا
ان شاء الله تلقاي خدمة فيها
ربي يوفقك

مشكووووووووووورة اختي ربي يجازيييييييييييك

السلام عليكم لبنات واش راكم مع النو و لبرود مليح تهنينا من السخانة

ربي يسهلك و فيسع تلقي خدمة نهال حتى في لانام معليش انا كل تما و ان شاء الله قريبة ليك

هاجر وانا عام وصلتي دركا
اهلا ميمي لاباس عليك ماتعرفناش انا من القالة وانت ختي

لبنات اليوم تقدملي واحد لكن الوالد رفض

مرحبا بيك ميمي
الشات راهو مفتوح من بكري

لينا راني في العام الخامس نورمالمو العام التالي
ادعيلي نكمل ونتهنى

هذا اللي تقدملك تعرفيه ولا لالا
والوالد وعلاش رافض؟

ان شاء الله ربي يوفقك هجورة اختي ايييييييييييييييهه تكملي و تتهني و تولي تتوحشي هاديك لايامات والله

هادا اللي تقدم نعرفوا على اساس انو والده زميل والدي في الخدمة بصح ماحكيت معاه ما والو ديراكت هدر مع بابا و

هو رفض و انا صراحة حشمت نقولو واعلاه والا نسنفسر عيب و هو قال قلت لا و برك

لينا ربي يجيبلك اللي فيه الخير
وفي الاخير الواحد مايدي غير مكتوبو

سلام واش راكم اسووووووووومة غابت تاع الصح واقيل تزوجت ههههههه

لينا اولآلآلآلآلآ ممكن باباك يعرف صاحبو مليح وماحبش يمدك ليه هو يعرف خير واذا كان من مكتوبك يرجع يرجع ليك ماتخميش بزاف مدام ماتعرفيهش ماخسرتي والو تخافي لي تعرفيه ويرفضو تم لي صح تحسي انك مظلومة

ربي يجيب لي فيه الخير يارب ويرزقك من حيث لا تحتسبين امين

---------------------

نهال ان شاء الله تلقاي خدمة مزية لي خلاك انا راني في دار بابا وحبسني تبا له مي والله من لي حبت حسيت روحي الاز مشاكل بزاف سورتو لكان راجلك غيور تبااااااااااااااصييييييييييييييييييييييييييييييي

ربي يسهل لكل وحدة وهديل ربي يتتمملك الحمل ان شاء الله واذا جاتك طفلة سميها سارة

اه ياقلبي قبلت الصفحة

هجوورة ربي يكملك وتتهناي من القراية يارب وديريلنا حفلة فالمنتدى

ونفتحولك فارماسي فالمنتدى هههههه تخدمي شوية اعشاب الخ

مساء الخير يالحبيبات لاباس عليكم

اللهم امين سارة واش نديرو هما ادرى و تبقى قضية مكاتيب برك

عبالك انا تاني ساعات تججيني الحالة نبطل و نقعد في الدار مرة وحدة هههه

هاجر رانا نسنو تفتحيلنا الفارماسي هكا نكونو لحنا اول الزبائن تاعك ههههههههه

مساء الخير لبنات واش راكم صافا؟؟؟؟؟؟


ان شاء الله كامل بخير

توحشتكم بزاف

اسمحولي علبالي طولت الغيبة الله غالب راني مشغوووووولة بزااااااااااف

الجديد تاعي هوا اني عقدت و العرس نورمالمو قبل العيد لكبير بأيامات برك على هاذي مانيش نقدر ندخل بزاف

اذا مانيش برا راني مع الابرة والخيط طاحو عينيا منها وانا نخيط

علبالكم ماعنديش مدة كبيرة ملي تخطبت وغصبوني على الدخول وماكنتش موجدة من قبل


راني نل نجري تقريبا كملت حوايجي تاع الشرية مازال قنادر مفرقين عند الخياطات كل وحدة في جهة و شويا خياطة خفيفة في الدار هذا ماكان


بصح على قد ماتشرو تقولو مازال علبالي حتى نهار العرس وانا نجري برا باينة ههههههههههه

نصيحة للمخطوبة والي رايحة تتخطب اجرو من ضرك وماعرف تلحقو من جهة التعب ومن جهة الدراهم بزاااااااااااااف


ربي يقدرنا برك والصح اكل في الهناء والسعادة ربي يرزق بيها كل مؤمن

سلام كي يكون عندي وقت ندخل ان شاء الله

الف الف الف مبروووووك سمية ربي يكملك ويهنيك
وربي يعينك على الجهاز روحي غير بلعقل برك
كل حاجة تروح وتجي غير الهنا والصحة برك