استخراج بطاقة التعريف البيومترية و جواز السفر البيومتري

سلامووووووووو سارة انا ماتت لاكارت في ماي خدمت الخضراء العادية الزهر حبيت البيومترية قالك طول و انا نحتاجها مالا درت لقديمة و سيبو ان شاء الله لبنات يفيدوك

مرسي لينا انا ماتت واقيل في 2011 ولا 2010 ههههههه

راني بلا كوارط حتى البارمي من لي عطاوهولي ف 2007 وانا نمشي بيه مؤقت قلت نعاودو

راني بلا ورق



وقلت ندير باسبور في طريقي والله ميزيرية بففففففففففف

انا عطاولي الورق تاع البيومترية ومانعرف لطول ولالا لازم نخدمها مرسي على المروور ربي يحفظك اختي

uuuuuuuuuuuuuuuup

انا مزال ماماتتليش

العفو سارة والله انت كعبة واحدة من 2010 والا 2011 بلا كواغط ههههههه تتسمى راكي منسية خلاص

راني سقسيت واحدة من الدايرة قالت لاكان عندم معريفة والا واحد يخدم في الدايرة يفروهملك في 2 في نهارين

تبا لعزرين لكواغط انا الجن تاعي كي نروح نجبدهم ربي يكون في العون

ههههههه هاجر عقبال تموتلك وترجعي للموضوع هذا

اسكتي برك وعلى الكونت ديالي والله ماعلابالي اذا يغلقوه ولالا خليت فيه 10 الاف برك من 2011 واقيل

ياك مايغلقوهش هههههههههههه انا صح تبيريميت هذا قاع كي قعدت فالدار وحبست الخدمة حبس كلش ماعندي ماندير بيهم

كوراطي واجدين كامل راهم قيرب اموتو راني عجزانة باش نتصور نكررررررررررره نتصور عند فوطوغراف بففففففففف

****************
مرسي لينا المهم ماتطولش وخلاص ندفع الكارطة من بعد بارمي باش مايمرقوش بلي كلش ميت هههههه

سينو يبعتوني للبلدية نستخرج شهادة وفاة تاع الاحياء

سارة البارمي كي يقدام كيفاش يتعاود
تعاودي غير الكواغط ولا تعاودي ديريه من دارة وجديد

هاجر نورمالمو نعاود كلش انا كنت حاسبة يكاشولي فيه برك

مي قالك يتعاود كامل راني جبت واش يخرجو اذا تستحقي نكتبلك؟؟

ياك كي جبتو ف2007 مازدتش ضربت طلة للدائرة وكنت نخرج بيه دراهم ونسوق ونورمال هههه

شكرا على التوضيح

ههههههههههههه انت وحدك صح تاع نجبد شهادة وفتة تاع الاحياء

الكونت ميقفلوهوش يبقى ديما باسمك و الرق تاعك

و الصورة ادي واحدة للفوتوغراف و يصورلك على الصورة بعد انا ندير هكا مانكسرش راسي

ههههههههههه هاجر ادي سؤالك وطيري خخخخخخ اذا هكاك خلات واحد مايعاود البارمي

---------------------

لينا مليح لي مايتغلقش مي قلت نفارسي فيه 50 الف باش نضمن

والله عندي تصويرة وحدة في قاع الكوارط دياولي ههههههه مي نبان عورة

مانعرف غدوة نشوف رقبتي تعوجت تالمو ماشي حابة نتصور لوكان نروح عند الفطوغراف يصورني معوجة



لي زادت غزلتي بابا كتبلي فالورقة هاذيك 05/09/2012 ياخي حالة ياخي يخرج فيا بسيييييييييييييف

ههههههههه هاجر واش بيك خخخخخ

اني فارسيت فالكونت بالبارمي الميت

ونورمال نخبركم بلي مزلت موجودة في الحياة وعند الدولة

" longdesc="52" /> " longdesc="52" /> " longdesc="52" />

سارة هاجر راها مهي فاهمة فيها والووووووووووووووووووو هههههههههههههههههههههههههههه

nehal كتب:

سارة هاجر راها مهي فاهمة فيها والووووووووووووووووووو هههههههههههههههههههههههههههه

؟؟؟؟؟؟؟؟؟؟؟؟؟

يا سارة كي عدت مازالك حية برك عند الدولة نجو ناكلوا الزريرة عندك مالا ههههههه

نهال نعليش كي ماتعرفش هاجر رانا كل كنا هكاك

هاجر متزعفيش مني انا تاني والله ماني فاهمة فيها والو راني غير نهرج فيك
..................ز
لينا صح رانا كامل هكاك

اه معليش واللي فاهمة ولا عبالها تقول و تفهم اختها لاانا كل خواتات نفيدوا و نستفادوا من بعضانا

عندك الحق لينا

أختي أنا درت جواز سفر بصح مزلت مهزيتوش.. أني مديت تصويرة بالحجاب عادي وزادو صوروني بالحجاب عادجي خلاه. ولكواغط لي تمديهم: photo copie تاع شهادة الميلاد S12 .. شهادة الإقامة - شهادة الميلاد تاع الأب ولا الأم ولا شهادة الوفاة - كشف الراتب ولا كيما أنا شهادة إعادة التسجيل - جواز السفر القديم - photo copie تاع lgroupage - تعمري الإستمارة لي يعطيوهالك - 6 صور.
وربي يعينك تخرجي هاذ لكواغط كل... أنا كرهت حياتي باش خرجتهم وزدت كرهت حياتي كي دفعتهم..
تدفعي هاذ لوراقي وتسناي يعيطولك يصوروك وتبصمي بصوابعك كل وتتأكدي مالمعلومات تاعك..
وربي يسهل إنشاء الله..