راني وليت متوحشتونيش

سلااااااااااااااااااااااام ياكرام
كيما يقوللها شاب جلال ههههههه في تاع كونك عاقل


المهم خير الكلام ماقل ودل
توحشتتتتتتتتتتتتتتتتتتتتتتتتتتتتتتتتكم كل وحدة باسمها شهرة سارة لميس سمية وسمية ونهال وهاجرونور وكل اللي نسيتهم راهم في القلب

عرسي قريب يالبنات ادعولللي ربي يهنيني ويبعد عليا العين
على خاطر صراللي موقف لا احسد عليه وربي سطر برك
راح نتوحشكم وكل مانجي لدارنا اكيد راح ندخل

يتوحشك الخير حنونة حتى حنا توحشناك ..انا حسبت تزوجتي خلصتي كيما غبتي الفترة هادي .وكتاه عرسك بالظبط؟

بالتوفيق ان شاء الله و ربي يحميك .. و من بعد الزواج ما تنسايناش اوك؟

" longdesc="71" />

اهلا اسماء ماعندناش يامات جبدنا عليك قلتلهم تكون تزوجت
ان شاء الله راكي بخير
وان شاء الله يجوز العرس من احلى واجمل ما يكون
وربي يهنيك ويكملك

اهلا بالزييييييينة ديالنا ربي يحفظك من كل عين وكيفاش مانتوحشوكش
صباح دخلت للشات شفت اسمك فرحت ربي يهنيك عزيزتي وادخلي مرة على مرة ماتنساااااااااااايش

بووووووووســــــــــــــــــــــــــــــة

اهلا بيك ياأسومة والله انت زهو المنتدى نتاعنا
ربي يهنيك حنونة ومتنسايناش خلاص الفايدة
وعلى العين ربي يسترك من عين الحساد والفايدة اسومة نوصيك
قولي ليماك ترقيلك قرعة ماء عند الامام واشربي منها ورشي على حوايجك لي راه تلبسيهم -كيما روب فيونساي والتصديرة حتى لاروب بلونش- لخاطر العين كاينة وتكون
وربي يفوتلك العرس على خير
بصح مقلتيلناش وكتاه العرس ايقزاكت
راني كثرت الهدرة اسمحيلي
وهذي ليييييييييييييييييييييييييك

اهلاااااا اسوم
اكيد توحشناك بزاف بزاف خليتي فراغ في المنتدى
ربي يحفظك ويحميك من العين والحسد
وان شاء الله يفوت عرسك كيما راكي حابة واحسن
نستناوك بعد العرس
ربي يسعدك ويهنيك

حشمتوني

صحيتو لبنات نحبكم كيما تحبوني
وكيما قاتلي نهال قاللوللي سبعي بالملح
ونعس روحي
قولولي واش تاني ههههههههه توسوست عدت نمشي وعاسة روحي

وبعد العرس اكيد نجي ضيفة وندخل منتهناش

اسومة عندك الحق لازم تعسي روحك والله يا لعروس غير يخافو عليها الناس اكثر حاجة نزيد نوصيك حنا عندنا يقولو كي تحني العروس بالحنة لي يجيبوها بيت العريس ملازمش تخليها لازم تخبيها مليح
والحنة في يدك لازم تحنيلك يماك ولا جداتك ومالازمش تخلي حتى طفلة تنحيهالك من يدك ولوكان شوي يقولي )ينحيولك سعدك(بعيد الشر عليك
واقراي سور قرانية :آية الكرسي
المعوذات
..............
بالنسبة للملح ديري شوي ملح وسينوج سبعيهم عليك وديريهم في صدرك للعين
حنا في عرس اختي درناه في سرة باهية وعلقاتو في يدها باه متحكمهاش العين

عسلامتك اسماء مرحيا بيك مرة اخرى انا قلت الطفلة نزوجت و راحت سيبو ايا مليح كي مازلت و طليتي علينا قبل ماتروحي واقتاش عرسك ؟

ياختي سامحيني نقلك حاجة صح العين حق لكن تاكدي انه لن يصيبنا الا ما كتب الله لنا و احسن شيئ تحصني به نفسك هو القران الكريم و المواضبة على الاذكار يوم و قراءة سورة البقرة و المعوذات و الله تحميك خير بلاف المرات من الملح و و و و

اخت لينا انا تاني راني قلتلها اقراي القرآن مكانش كيفو بصح الملح اذا دارتو ماهو راه يصرالها والو
ناس بكري ديما يديروه وزيدي قوليلي الرقية ميش مليحة
حنا رانا نديرو في العادات والتقاليد برك

يا نهال ياختي نظن راكي فهتني بالغالط انا ماهدرتشوالا تمعنيت عليك لالا هادي مجرد نصيحة قدمتها للاخت اسماء و ان شاء االه تتقبلها بصدر رحب

انا ماقلتش الملح ماشي مليح و لا الرقية كيف كيف ماكانش كيما كلا ربي سبحانو و لكانك ديري في التقاليد اللهم بارك

انا صراحة ماندير لا ملح و سرة و لا هم يحزنون بالرغم من انو اهلي يديروه بصح اما نامن بمنطق واحد و وحيد هو كلام ربي هو الدواء و الشفاء و كيما قال ربي في كتابه العزيز "" و قل لن يصيبنا الا ما كتب الله لنا "" و قيل هادي الاية يقول

اذا اصابت المسلم مصيبة قا انا لله و انا لله راجعون

تقبلي ردي و مروري ختي نهال

لالا اخت لينا علابالي مكيش تهدري عليا ولا تمعني عليا حاشا لله
والنصيحة نتاعك نتقبلها باكبر صدر رحب وانا منزعفش من أختي
عندك الحق مكانش كيما كلام ربي سبحانو
وكيما قلتيي مام داركم عندهم هذي الحاجة يعني انا منيش غالطة وانت مكيش غالطة
رانا خواتات في المنتدي ومنزعفوش من آراء بعضانا

اهلا بيك حبيبتى وانا انقول واش بيه المنتدى سامط وهى لالة اسماء ماكانش


ماتزيديش تغيبى وتخلينا


وصراحة يا بنات كل وحدة عندها مكانتها وكى تروح تخلى فراغ


اسماء نتمنى تكونى بخير انتى وكل اهلك

وي عفسة الملح راهي في دزاير كاملة على ما اظن ربي يعيشك ختي نهولة

بلا مزية لينا اهلا وسهلا بيك