واش شريتي وواش بقالك #سؤال اليوم # الكوفروليات

[ندعوك للتسجيل في المنتدى أو التعريف بنفسك لمعاينة هذه الصورة]




سلام ياعرايس المنتدى


[ندعوك للتسجيل في المنتدى أو التعريف بنفسك لمعاينة هذه الصورة]

اليوم حبيت نطرح فكرة مووضوع منها باش كل وحدة تعرف واش بقالها

وواش شرات يعني حسابات

ومنها تدي افكار من بنات اي وحدة ماتعرفش او نسات حاجة تفكرها اخرى بالرد ديالها

وبمشترياتها لحد الساعة

ياربت كل وحدة تتقيد بالسؤال باش يبقى مرجع لكل العرائس


سؤال اليوم مثل ماهو مبين فالموضوع === الكوفروليات==


[ندعوك للتسجيل في المنتدى أو التعريف بنفسك لمعاينة هذه الصورة]

شعال شريتي ؟؟ (العدد(

------------------------------

وواش شريتي؟؟ (النوع)

--------------------------------

وواش بقالك؟؟

------------------------------

في انتظار التفاعل باش نديرو موضوع جديد..



[ندعوك للتسجيل في المنتدى أو التعريف بنفسك لمعاينة هذه الصورة]

مرسي نهال على المشاركة ديالك

شعال شريتي ؟؟ (العدد(

انا لحد الان شرت 6
------------------------------

وواش شريتي؟؟ (النوع)

شريت كلش ماخدمتش

انواع درت واحد قري بالاسود مع ستور ديالو

وواحد جيفانشي موف بالستور ديالو

وواحد قرونا بستور ديالو

وواحد اخضر بالاسود تاع كل يوم هذا ماحسبتوش باسك ماشي كوفرولي جايح

وواحد بيض بالورد تان مشري مي ورد ماشي مطروز شغل كيما كوات

وواحد موف مطروز يالورد تان مشري

--------------------------------

وواش بقالك؟؟

مزال نزيد واحد بيض للصبحية

وواحد تاع كل يوم يكون دوبل فاس

هذا لحد الان

" longdesc="62" />

هيا يالعرايس شاركونـــــــآ

اييييييييييييييييه نسيت واحد ساتان احمر بالاسود

شريتو لول بارح برك

والصحة والهنا

نحكي على اختي مدامها مخطوبة




شعال شريتي ؟؟ (العدد(

--------------5----------------

وواش شريتي؟؟ (النوع)

------بساط تاع صوف خدماتو بيدها وردي عش النحلة وبلي بيار
وواحد ازرق بالابيض خدماتو بلاواط -
وشرات كوفرلي دوبل فاص ازرق والجهة الاخرى اورنج
وواحد تاع كروشي ----
- وواحد راح تطرزو بالاحمر مزال ماحطاتوش عند الخياطة--------------------

وواش بقالك؟؟

--------بغات تشري كوفرلي تاع الترك هدوك لمفرشين
وواحد تاع ستان ---------------------

مبروك عليكم وش شريتيو..
أنا مزلت مش عروسة بصح أمي ديما تشريلي وتخبي
نشارك معاكم ولا لعرايس برك؟؟؟؟؟؟؟؟؟؟

يعطيك الصحة سارة موضوع هايل ورايح يفيد كامل العرايس ان شاء الله
ربي يهنيكم

موضوع مليح و منكم نستفيد يا لعرايس هكا كي نتخطبوا ادينا من افكاركم ههه

ربي يهنيكم و يسهللكم و العاقبة لينا

الله يبارك لبنات راكم جايبينها سوا سوا
سارة فكرتيني في الابيض نتاع الصبحية نسيتو خلاص راه من بالي [ندعوك للتسجيل في المنتدى أو التعريف بنفسك لمعاينة هذه الصورة]
..................
لبنات لي تقدر تصور ليكوفارلي نتاوعها تحطهوملنا باش نشوفوهم كامل
وانا ان شاء الله نصورهم ونحطهم

اكيييييييييد كوكي الزينة مرحبا بيك وشاركي براحتك حتى لي ماشي عروسة وعندها ختها او وحدة تعرفها مليح الخ وتعرف حوايج واش دات ولا تقضي معاها تحط المهم ينشط الموضوع ويستفادو كامل البنات

----------------------------

مرسي شهرة على المشاركة وتتهنى بيهم

-------------------------

لينا لعقوبة ليك ان شاء الله نفرحو بيك ماتخافيش منتدى ديالنا تاع المزهورين تربحي اعليه باذن الله

--------------------------

خولة مرحبا بيك فالتجمع ومرسي على المشاركة ديالك

---------------------

نهاال مزية لي تفكرتيه

و انا نكره هاذو لي مخدومين جني وجنهم ههههههه

نحب غير المشريين ومانعرف راني ندير غير من راسي برك

وعلى الصور انا ماحبيتش نتقيد بالصور باش يكونو مشاركات ولي حبت تحط تحط على روحها

----------------------

هجورة مرسي حنونة وتقدري تشاركي بواش دات اختك اذا مازلتي شافية اعليهم

مع انها دخلت عروسة لكن ندو فكرة عليها

صح سارة عندك الحق لي تقدر من البنات تصور وتحط على روحها ولي متقدرش معليش براحتها

مرسي سارة..
أنا أمي خيطتلي واحد أبيض برودي
وشريت واحد دوبل فاس وردي بالنوار صغير
وشرات لقماش ورايحة تديه للخياطة باه ندير فراش الذهب لكان تعرفوه وأنا حبيت لونو أزرق
وبربي نزيد نشري واحد آخر يتفرش مع فراش الذهب هكا عاداتنا حنا
لحد الآن هاذا وش عبالي ..

اخت كوكي بصحتك وش درتي لعقوبة لحوايج اخري
بصح قوليلي
وش هوا فراش الذهب منعرفوش؟ كيفاش داير

مرسي نهال..
فراش الذهب عبارة عن مسند و2 مخاد و2 سترميات ونشريو معاه كوفرلي يتفرش معاه
لقماش تاعو قطيفة ويطرزوه بالفتلة يهبل تخرجو لعروسة في فراشها
وتفرشو كي تكون عروسة جديدة ولا فالمناسبات مثلا العيد طهور ولدك ولا أي مناسبة مميزة

كوكي يسما الكوفارلي تشريه وحدو وديريه مع الفراش نتاع القطيفة
اسمحيلي كثرت عليك

شوفي نهال لخياطة تطرزلك فراش الذهب وأنتي تشري كوفرلي باه تحطيه مع فراش الذهب
ضرك نشوف بلاك عندي تصويرة تاع فراش الذهب تاع بنت خالتي لكان لقيتو نحطلك تصويرتو

الفايدة كوكي ربي يعيشك راكي شوقتيني باه نشوفو

شوفي نهال هاذ الصورة الأولى فراش الذهب أو باين كي ولات بنت خالتي مخرجا فراشها


وفي هاذ الصورة الكوفرلي لي نفرشو معاه فراش الذهب

[ندعوك للتسجيل في المنتدى أو التعريف بنفسك لمعاينة هذه الصورة]

هاذو التصاور لي عندي ان شاء الله يكونو واضحين نهال


[ندعوك للتسجيل في المنتدى أو التعريف بنفسك لمعاينة هذه الصورة]

وعادي أختي أي سؤال أني هنا

أختي الصور كبار سامحيني منعرفش نصغرهم
بصح تقدري تشوفيهم

راني سقمت الصور كوكي مرسي على الصور انا جامي شفتو ولا جابلي ربي شفتو

مي علابالي تاع قسنطينة ماشي عنابة

وبصحتك واش خدمتي تتهناي بيهم وربي يزين سعدك نتي وكامل البنات

معباليش لكان يديروه في قسنطينة بصح حنا في عنابة مش كل يخرجوه كاين لي ميقدرولوش بصح راهي عادتنا مشفناهاش عند تاع قسنطينة
أو خاطي تاعي سارة راهو تاع بنت خالتي