بوقالات من أجل أسماء 02 و لكل البنات

زغرتوا وفرحوا يا جيراني...
حبيبي لي راح جا اليوم وداني...
أنتوما حبيتو تفرقو بيناتنا ربي وكيلكم يا عدياني...
والله ما نسمح فيه ياك أنا نبغيه وهو بغاني..
..........................................

يا لي زينك غواني...علاش بالهجر..و انا نويتك حلالي...
درتك وردة في جناني...و قلت من غيرك انت حد ما يحلالي...
.انشاء الله نفرح بيك...و نقيم معال لفراح فسبع ليالي....
و نجعلك زوجتي علي سنة الله و رسوله مول الشان العالي
...........................................

قولتلهم نبغيها قالولي هدا سحور...
قولتلهم هي ممو عينيا قالولي تجري او ما تعيا تدور...
قولتلهم غير انا لي نديها و نقيم معاها لفراح و السرور
............................................

ما نتهنى حتى تشوفك العين….كل ما نسمع صوتك في الزنقة نشوفك بالسرقة من الوالدين…
نطل من شباك التاقة….يا ريت كانو عندي جنحين…نجي لعندك بالدرقة…
نجي و نجيبلك الياسمين…تلاقيني بيديك الاتنين…و نسال عليك العين بالعين
................................................

يا لقاعدة فالجنينة و السيسان ساماك
فالنهار نسيي ننساك و فاليل عيني تدمع من بهاك
هاد ي مدة صا بر عولت و راني جاي نهدر مع باباك
...................................................

لعقل يفكر فيك .. ..والقلب متعلق بيك اتمنيت او حبيت ان دير امعاك البيت
وان شاء الله غير انت الي نديك .. و طول حياتي نتهلا فيك
..................................................

جاني طير ملون كي طيور الجنة
حط فوق يدي و يدي فيها الحنة
قالي جبتلك خبر بيه القلب يتهنى
إن شاء الله تدي اللي قلبك عليه يتمنى
..................................................

يا لي زينك غواني...علاش بالهجر..و انا نويتك حلالي...
درتك وردة في جناني...و قلت من غيرك انت حد ما يحلالي...
.انشاء الله نفرح بيك...و نقيم معال لفراح فسبع ليالي....
...و نجعلك زوجتي علي سنة الله و رسوله مول الشان العالي.
...................................................

لباسها مستور ارتاحت ليها نفسي *** و نفسها طاهرة و نقية ***
حبيت نكلمها حشمت مني *** يا يما راني ، خايف يفوتوني الناس ***
روحو اخطبوهالي *** هاداك النهار نديرو لفراح ***
يزهاو بربي ان شاء الله حبابها و حبابي
................................................

نوضو يانايمين بنات السلطان جايين ....
فيهم وحدة زينة الزينين تعشق الحواحب والعين....
...............................................

قلبي مهموم ملقيت لمن نحكيه..... حكيتوا لبنات.. عايروني بيه
................................................
سميت سميتو والكبش ضحيتو اذا بغا ربي نعيا في بيتو
..............................................
.............................................
هذا واش لميتلك اليوم أسماء
انشاء الله يعجبوك و كي نزيد نجمع راني نحطلك

الله الله نويت هاذي ليا قبل ماندخل


يا لقاعدة فالجنينة و السيسان ساماك
فالنهار نسيي ننساك و فاليل عيني تدمع من بهاك
هاد ي مدة صا بر عولت و راني جاي نهدر مع باباك

[ندعوك للتسجيل في المنتدى أو التعريف بنفسك لمعاينة هذه الصورة]

مرسي سمسومة شابين يعطيك الصحة

يعطيك الصحة سمسومة على البوقالات

بلا مزية البنات
شكرا على الردوووود

شكرا سمسومة على البوقالات هايلين

يسلمك نهااااال

merciiiiiiiiiiiiiiiiii
merciiiiiii
rabi y3aychek

بلا مزية جنان و أسمااااااااء
انشاء الله نزيد نلقى نحطلكم

البنات كنت مرة درت مووضوع شوفوه بالاك يعجبكم مي حبستو

[ندعوك للتسجيل في المنتدى أو التعريف بنفسك لمعاينة هذا الرابط]

الله الله يا سارة بوقالاتك يهبلو
مالا أسماء رانا هنيناك من البوقالات تاع العرس
انت غير زوقيهم و ربي يسهل انشاء الله

[ندعوك للتسجيل في المنتدى أو التعريف بنفسك لمعاينة هذه الصورة]


انت ما جيتش وانا بكيت الي بغيتك
كون تعرف قيمتي تقول يا ريتني ما خليتك
اتفكر كيف كنت تقول انا حبيبتك
ما تلومنيش اذا جا نهار و نسيتك

[ندعوك للتسجيل في المنتدى أو التعريف بنفسك لمعاينة هذه الصورة]


من وسط لبلاد طلت من فوق لواد
من بين لعباد جاتني لالا ة القا ط والحجاب
ربي يهنينا فنفس البلاد
هي حلمي وهي لمرا د

[ندعوك للتسجيل في المنتدى أو التعريف بنفسك لمعاينة هذه الصورة]


كي شتو جاني دمعو عياني
لي حبيتو ماخلاني مانساني
هذا هوا لعشق ولا بركاني