لقيت خدمة

السلام عليكن يا بنات انا راني فرحانة بزاف بزاف اليوم راني القيت خدمة في مديرية التعليم والحمد لله وربي يعطيكم ما تتمناو ان شاء الله غدوا اول يوم حبيت توصيوني و تقولوا لي كيفاش اندير كاين بزاف بنات اوراني على بالي باللي كول وحدة اوعقليتها عاونوني " longdesc="55" />

مبروووووك عليك هند
ربي يكمّلك بيها انشاء الله
كيفش تحبي نعاونوك مثلا ؟؟؟
واش لي مقلقك أو محيرك ؟؟؟
رانا هنا و كلنا خواتات باذن الله

ألف ألف مبروك هند
أنا ننصحك مدخصيش عليك الرجال والبنات خاطر فالخدمة كاين ياسر حكاية قالي وقتلك وقتلها
بعدي على المشاكل والنقاش لي معندو حتى فايدة
متكثريش الهدرة مع الرجال أم يدخصو عليك وميديرولكش قيمة ويوليو يهدرو أي حاجة قدامك خاطر لكان ضحكتيلهم من النهار الأول ميهابوكش
بصح كي تعملي قيمة لروحك ومتكثريش الهدرة معاهم ومتخرجيش من موضوع تاع الخدمة والله يديرولك ألف حساب ويقادروك وأنت تحافضي على صورتك قدام الناس كل..
أنا منخدمش بصح هاذ لحوايج نشوفهم فالجامعة وهاذا مبدأ تقدري طبقيه في حياتك كاملة مش الخدمة برك..
أنا طبقتو فالقراية والله جامي واحد غلط فيا ولا صحح وجهو معايا ولا خرج على الموضوع وإذا مكانش موضوع ميقدموش ليا خلاه..
نشاله نكون فدتك شوية أختي وربي يوفقك ويهنيك بالخدمة لي لقيتيها..
بالتـــــــــــوفـــــــــــــــــــــيــــــــــــــــــــق

الف مبروك حنونة وربي مافيه غير الخير

وعلى النصائح نوافق الاخت كوكي راهي هدرت كلش يعطيها الصحة

اخدمي خدمتتك وماداسريش بزاف خاصة الابام الاولى رايح يكون اعليك ضغط باسك يحبو يعرفو عليك كلش

نتي ميزي العقليات وديري واش قالت كوكي باس صح انا خدمت وعرفت عقليات مي كي زيرت وجهي واحد ما غلط معايا وقاع يقادروني والبنات نعرف مع من نهدر وشكون نداسر

وكيما يقولو الفم المزموم ماتدخلو ذبانة

ربي يوفقك اختي

الف مبروووووووووووووك والله فرحتلك هند ربي يوفقك ان شاء الله
كيما قاتلك كوكي ديري قيمة لروحك ومدخصيش مون جا عليك وان لاشاء الله تلقاي روحك متحنايا

ظك دالتي ادعيولي انا تاني بها نلقا خدمة

نهال في حسابي الخدمة ممنوعة عليك ولا مش أنتي؟

ان شاء الله بالبركة عليك و لعقوبة للترسام لاكان مشكي مرسمة و لاكان هكاك ربي يسهللك

راهي كوكي و سارة كفوا و وفوا بالنصائح نتاعهم ردي بالك برك من الخلطة و ادي و جيب الهدرة

لعقوبة ليك نهال في اقرب وقت نسمعوا بيك يا رب ان شاء الله

يعطيكم الصحة لبنات على النصايح ايه صح déja اليوم بداو ايسقسيوني مين انتي عائلتك سورتو كي كاين بزاف اللي يعرفوني تماك نهار واحد او عرفو عليا presque كل شيء مي راني الحمد لله البنت اللي رايحة نخدم معاها باينة بنت فاميلية و عاقلة ماتحبش القيل و القال و النسبة ليك نهال راني ندعيلك ان شاء الله يرزقك بالوظيفة او تجي دالتك غير ادعي و اصبري او روحي حوسي واتكلي على ربي هو الرزاق

koki hiya lkhadma mamnu3a sa

tfahamt m3ah bah ndir fi lanem bark y3ni nsagal lhodor bark manakhdamch kol yum mara fi smana wala 2

اولا الف مبروك يا اختى العزيزة ورانى فرحتلك بزاف الله ينورلك طريقك


ثانيا النصايح فتحى ودنيك


اولا ماتخليش لبنات يدخصو اعليك درك نشرحلك كيفاه

اضحكى احكى وتعارفى لكن كلش بالحدود

حدارى اسراراك ثم اسرارك ماتحكيهم لحتى واحد
وماتعطيش تفاصيل على روحك وحياتك

وكونى طيبة و قدقد

والله يحميك و يعاونك

وبادن الله مايقيسك حتى شر



ألـــــــــــــــــــــــــــــــــــــــــــف مـــــــــــــــــــــــــــــــبروك

ايا مليح كي لقيتي روحك وربي يدومها ونتي شدي في وحدة برك ومام كي تفطري اهبطي معاها برك وكيما قالت ملكة اسرارك ماتحكيش راهم كاين بنات يحسدو ويغيرو بلا سبة وربي يبعد اعلينا كامل ولاد وبنات الحرام

نهال ربي يجيبلك خدمة عاجلا غير اجل ان شاء الله وكيما يحب خاطرك

ربي يبعثلك خدمة نهال ويوفقك ويسهلك

الف الف الف مبروووووووك اختي هند
الحمد لله
لبنات راهم كفاو ووفاو
بالتوفيق حنونة

يعطيكم الصحة لبنات راني رايحة نطبق ان شاء الله نصايحكم وربي يوفقني ويوفق الجميع

ان شاء الله قوليلي وين تخدمي درك ؟؟ معليش ياخي

السلام عليكن لقد عدت مرة اخرى لاسالكن سؤال ربما الا وهو كيف اتعامل مع الحراس تع المبنى وين نخدم راني كول مانجي صبح او لعشيا نسلم عليهم ولاحظت بلي ماشي بزاف للي يردولي والله راني مقلقة انصحولي خاطر حتى هما des collégues كيما لاخرين
lyna راني نخدم في مديرية التربية

سلام هند ياختي واش نقلك انت قولي السلام واللي رد اللهم بارك و اللي ماردش كيف كيف يعني هذا ماشي اشكال