جربوها ورجعولي ( من مطبخي)

كوكي ضربت في راسي ندير غدوا هاذي لاتارت راني شريت الاناناس ومزال خاصني الكريمة الطازجة والجوز
قوليلي شحال تقعد في الفرن باش اطيب
لانو لاتارت ماتبانش نخاف تنحرقلي

ايه وقوليلي نشعل عليها غير ملتحت برك؟ ونار قليلة؟

شوفي هجورة والله معبالي قداه تقعد فالفرن

المهم مش أقل من نص ساعة راهي تحكم وقت باه أطيب

انا نشعل عليها مالفوق والتحت ونحطها في 180 درجة

جربيها والله متندمي راهي فووووووووور وساهلة

لي داقوها كل عجبتهم ونتمنى تعجبك أنت ثاني

أنا بربي غدوة رايحة ندير قاطو russe لمرت خالي طلبتني فيه

والله راني في حالة مي لازم نديرو حشمت منها

شكرااا كوكي على الرد
ان شاء الله نجربها
ونتي ربي يقدرك

كوكي حبيت نقلك بلي غير موقبيل كنت ندير فيها
وتبعت الخطوات بالحرف الواحد ووش قلتيلي
ولكن للاسف لاتارت كان مصيرها من الفرن إلى la poubelle   

غاضتني النعمة برك  

اااه زعمة كتبت الوصفة وشهاتني تع كوكي لكن خوفتيني هجورة 
وشنو هو السبب بالاك المورانغ ؟؟؟؟

امينة المشكل في طيابها
درت كيما قاتلي كوكي 180 درجة وشعلت ملفوق وملتحت
مالحقتش 5 دقايق لقيت المورانغ حمارت كامل مالة طفيت ملفوق وخليت غير لتحت قلت خلي اطيب في غرضها
المورانغ طلعت كيما قاتلنا كوكي
بصح تقريبا 20 دقيقة بديت نشم في ريحة الحريق
كي نحيتها لقيتها انحرقت كامل ملتحت اما المورانغ قعد طري ماولاش مقرمش
كي نحيتها وفتحتها لقيتها من الداخل سااااااايلة كيما كانت عجينة
يعني ماطابتش من الداخل غير انحرقت من برا
ماما قاتلي بالاك الفور تاعنا بزاف سخون على خاطر جديد
قاتلي يلق نطيبوها على 100 درجة ههههههههههه
وش رايكم؟

هجورة بوه عليك وانتي علاش تشعلي مالفوق ومالتحت شوفي جامي لا ديريها 
كي تشعلي مالفوق ومالتحت كي تكوني اطيبي فالبيتزا ولا لي سوفلي ولا لابات فوييتي ولا الخبز المهم هادوما
اما القاطو و الجنواز و هاد العفايس لي خفاف مايحملوش السخانة قاوية عليهم ينحرقو 
خاصة المورانغ تم تم تشد انا شوفي اي حاجة نشعل مالتحت كي نشوف قريب اطيب مالتحت نشعل مالفوق و هي au même Temp تزيد اطيب مالتحت
اما نشعلهم في 2 هديك باينة لا بات فويتي و ...الخ

     

مفهمتش واش صرا هاجر

أنا ديما نشعل من الفوق والتحت عادي جامي تحرقتلي

ودارتها هاذيك المهار مرت خالي صلحتلها روعة وتاني أسماء دارتها وصلحتلها

المهم ممكن الفرن تاعكم قاوي ياسر ولا منعرف واش المشكل بالضبط

خسارة كون حتى صلحت خاطر والله بنيييييييييينة وساهلة يعني ديري كلش وحطي فالفور

amina alg كتب:

هجورة بوه عليك وانتي علاش تشعلي مالفوق ومالتحت شوفي جامي لا ديريها 
كي تشعلي مالفوق ومالتحت كي تكوني اطيبي فالبيتزا ولا لي سوفلي ولا لابات فوييتي ولا الخبز المهم هادوما
اما القاطو و الجنواز و هاد العفايس لي خفاف مايحملوش السخانة قاوية عليهم ينحرقو 
خاصة المورانغ تم تم تشد انا شوفي اي حاجة نشعل مالتحت كي نشوف قريب اطيب مالتحت نشعل مالفوق و هي au même Temp تزيد اطيب مالتحت
اما نشعلهم في 2 هديك باينة لا بات فويتي و ...الخ

ايه امينة علابالي كامل وش راكي تقولي راني موالفة نطيب الجينواز وهاذوك الصوالح
وانا جامي نطيب ملفوق وتحت في نفس الوقت
غير هاذي قلت نطبق وش قالت كوكي بالحرف الواحد

kouki ezina كتب:

     

مفهمتش واش صرا هاجر

أنا ديما نشعل من الفوق والتحت عادي جامي تحرقتلي

ودارتها هاذيك المهار مرت خالي صلحتلها روعة وتاني أسماء دارتها وصلحتلها

المهم ممكن الفرن تاعكم قاوي ياسر ولا منعرف واش المشكل بالضبط

خسارة كون حتى صلحت خاطر والله بنيييييييييينة وساهلة يعني ديري كلش وحطي فالفور

معليش كوكي ماكتبتش
على كل حال مشكورة