خاتم الخطوبة

السلام عليكم

انا اريد الاستفسار على خاتم الخطوبة يعني "الفيونساي "

هل من المعقول ان خطيبي يشتريه بدون ان اختار الموديل ؟؟

علما انني لم اطرح عليه الفكرة للذهاب معه للشراء

وهل انا التي اشتري الخاتم له؟؟



ثانيا أنا لم يبق لي سوى 5 شهور على زواجي وخائفة جدا من ليلة الدخلة والامها ولا اريد الكشف عند الطبيبة على العذرية رغم علمي بأنني عذراء الا الشكوك تراودني وايضا اعاني من بواسير واخاف ان اعاني من احراج امام زوجي ان رأها رغم انني عالجت ولم تذهب البواسير من لديها فكرة على علاج طبيعي او دواء فل تفدني وجزاكم الله خيرا

اختي بالنسبة للخاتم كاين لي يشريها بلا ما يدي خطيبتو لكن ادا حابة تخيريها قوليلو كي تشريها نروحو نخيروها مع بعض وماشكيتش يعارض الامر

اما على ليلة الدخلة ماتخلفي ما والو اقراي برك القران ومليحة سورة البقرة نهار عرسك وماشي تقولي طويلة اقرايها على الالام راي كل وحدة كيفاه ماشي كل تكون عندهم الالام
وعلى شهادة العذرية هي تديريها تضمني بيها كاش مايكون مشاكل من بعد لاننا سمعنا بقضايا عجب

البواسير والله مانعرف وش يديرولهم
لكن صارحي راجلك انو عندك بواسير وهو راح يتفهم هادي حاجة ربي مش من العبد
وربي يهنيك

أختي خاتم الخطوبة مش شرط تخيريه كاين لي يشري الراجل وحدو بصح لاكان حابة تخيريه قوليلو نجي معاك نخيرو مع بعضانا عادي خلاه
أما ليلة الدخلة راهي كل وحدة وكيفاه كاين لي يتوجعو كاين لي ميحسوش، بصح علميا هي حاجة متوجعش بصح الطفلة كي تخاف العضلات تتقلص تولي تحس بالألم ، بصح وحدة كي متخافش وتخلي روحها مرتاحة ومرخوفة متتوجعش..
اما البواسير معنديش فكرة كيفاه يداواو بصح قولي لراجلك عندي بواسير باه متحسيش بالإحراج قدامو

سلام اختي
البنات راهم كفاو ووفاو
بالنسبة لخاتم الخطوبة وراه المشكل كي يشريه هوا واذا حابة انت لي تخيريه قوليلو تروحو كيف كيف

وليلة الدخلة ياما سمعنا وحدا تخوفك ووحدا تقلك عادي وهي عادي خلاص اقراي قران وصلي وخلي روحك مرنتاحة ومسترخية باه يجي كلش ساهل

الازم عليك تروحبي تديري الكشف هكذا تزيدي تتاكدي من روحك وتتطمني
مب والبواسير قولي لراجلك عليهم اكيد موش راه يتقلق لخاطر حاجة عادي
وربي يكون في العون ختي
الف الف الف الف مبروووووووووووووووووووووووك

سلام بالنسبة لخاتم الخطوبة اذا راه في بالك نوع معين اشريه انت و ياه مي اذا هو باغي يشريه يشريه نورمال و اما ليلة الدخلة لا تخافي و لا تسمعي كلام الناس توكلي على الله اما الشهادة الطبية انا ارى انك تذهبي لدكتورة و اما البواسير مارسي الرياضة و كولي الالياف و بالتوفيق