خطوبتي قريييييييييييييب

سلام لبنات فيونصاي نتاعي في عطلة الربيع حبيتكم تعاونوني قولولي شحال نوع ندير من القاطووواش نزيد ندير معاهم وكيفاه ندير التسريحة ولاغوب دبرو عليا راني باغية عفايس جدد قولولي الجديد بغيتها تخرج فوووووووووووووور
شهرة نتي باتنية كيما انا كاشما سمعتي عفايس جدد قوليلي راني نستنى
ايا الرودود

مبروك عليك حنونة العقوبة للعرس انشاء الله
والله غير عندك الصح لازم من دوك وانت توجدي
لييييييي عودة

راني نستنى تعيشي اختي فيديني ربي يجازيك

هنادي ربي يهنيك حبيبتي
شوفي نمخمخلك دقائق في راسي ونجيبلك الدهان ههههههههههه

ساعة حابة تلبسي روب سواري والا حاجة اخرى؟

بسم الله

شوفي على اللبسة اختي بدلت قالت مانديرش روب سواري لبست قفطان عنابي بلاتخان من تحت
ولبست معاه الذهب ودارت كواف خفيفة تناسب القفطان جاية طايحة من لور

القاطوات اسناي نحسب مممممممممممممممم
درنا واحد بالشيكولة وفيه حلقوم داخل
مقروط الجلجلان
غريبية
قريوش الوردة
مقروط

والله غير نسيت بصح درنا 5 ولا 6

كي وصلو ناسهم كنا مفرغينلهم صالون
شطحو وغناو شوي
من بعد حطينالهم الرفيس واللبن
من بعد حطينا القهوة والتاي طبعا لي تحب قهوة نصبولها قهوة ولي تحب تاي نصبولها تاي
ودرنا عليهم بصحونا تاع القاطو وجدناهم من قبل( صحنة فيها القاطة ودرناها في ساشيات صغار قد الصحنة مرسوم فيها قلوب ومعاهم بابي سارفيات)
درناهم في سلة تاع خزف و قعدنا نفرقو
بعدها رحنا حنا وهوما جبنا هدى من لاشومبر لي كانت قاعدة فيها للصالون
وحطو لاتارت والقشقشة وراكنم تعرفو الباقي وكلها ووكلاتو وشربها وشرباتو هههه
ووراو الحوتايج لي جابوهم من الفاليزا
هدي هي
بصح كاش عفسات جدد والله ماعارفة كاش مالبنات يفيدوك
حنا درنا الرفيس حاجة جديدة واللبن تاع بقرة جبناه من االمزرعة تاع صاحب بابا الهم كل قعدو يعاودو عليهم

شهرة محسوب العادات نتاعكم راهي كيما عاداتنا نفسها
..................
هديل نخمم ونرجع نقللك

انا خاطيني لي فيونساي
دخلت برك باش نقلك مبروك عليك وان شاء الله يخرج الفيونساي نتاعك توب

تعيشي شهرة عجبتي عفسة الرفيس واللبن حتا انا قلت ندير زيراوي المهم زيدي خمملي وسقسي حباباتك وجيبيلي لعفايس نتاع 2013حبيت ندوخهم ههههههههههههه
نهال ازربي جيبلي باه ندير حساباتي
هاجر ربي يبارك فيك ولعقوبة ليك ان شاء الله تفرحي وتزيدي ماتنسايش تعرضينا
ويناهي سارة وباقي لبنات
ايا لبنات اعصرو مخكم واعطيوني افكار ازربو

وشفكرتي تلبسي؟

شوفي هنادي حنا في الفاتحة انتاع اختي جاو ناسها مع الصباح درنا لهم القهوة والاتاي مع القاطو درنا مقروظ العسل والعرايش وقاطو بالشوكولة وواحد نسيتو
المهم ومن بعد ازهاو شوية وحطينا لهم الفطور
درنا طاجين الزيتون بالجاج المحمر والحريرة وطاجين الحلو ودرنا الطعام(الكسكس) للعادة
ومن بعد وراو الطبق انتاعها وراحوا
وفالسهرة جاو اصحاباتها وفرحوا معاها ودرنا لها الحنة و تعشاو ومن بعد قسمنا عليهم حلوة الدراجي مع الكوكاو راكي عارفة فلي بوات
وهدا مكان حنونة انشاء الله نكون عطيتك شوية افكار وحنا هادي عادتنا

الف مبرووك هنادي

شوفي نتوما وحنا ماشي كيف كيف

مي عامة فيونصاي راه باين يعني تلبسي روب دو فيونصاي ولا زوج حاجات ديري قفطان وروب فينصاي كي يديرلك الخاتم

وواش تان القاطو شوفي على حساب الغاشي انا نظن اذا ماعندكش غاشي بزاف ديري في لي بواط 4 انواع قاطو مع لي قاطو تاع القهوة وحدهم ولي صالي مع الجوو ومانعرف كيفاش ديرو نتوما ربي يهينك ان شاء الله

سلام يلبنات
شهرة راني قررت نلبس غوب نكريها مي مانيش حابتها تكون منفخة راح نحوس على وحدة سامبل وندير كواف سامبل وتاني لماكياج راني نحوس على حلاقة ماهرة
شهرة لاتعرفي حانوت يجيب لي غوب باهين قوليلي
وراني قررت ندير عفسة لاميرانغ نقدمها هي لولا ومنبعد القاطو مع القهوة ولمقرقشات مع لاتاي نزيد دي سوكري لكورني بلاكرام شونتي مع جو ونزيد الفاكهة واش قولتوراني تنستنى

ألف مبروك أختي

أنا خاطيني إن شاء الله لبنات يفيدوك

ايه هنادي افكار مليحة

لي روب مش منفخين والله مانعرف حانوت
لكن ادا خرجت هاد اليومين نشوفلك بادن الله

الف الف الف مبروك هنادي تستاهلي كل خير

و على لاغوب ماشي منفخة بزاف روحي ل "Emilie blanche " حانوت في طريق قسنطينة و لا كوافير روحي عند نجلاء في وحد الروادا enfance للبشير الابراهيمي و لا بشرى في باطيمات بوزغاية و ماتقوليلهمش بللي راكي عروس باش ما تسلكيش بزاف

الف مبروك عليك هنادي ربي يكمللكم بخير

نظن اختي شهرة و نهال كفوا و وفوا و انت مع افكارك ان شاء اله تفوت مليحة و تخلعيهم كيما تقولي هههه

و احلام مداتلك الحفافات و عناوينهم

ربي يسهل

الف مبروك عليك هنادي ربي يكمللكم بخير

نظن اختي شهرة و نهال كفوا و وفوا و انت مع افكارك ان شاء اله تفوت مليحة و تخلعيهم كيما تقولي هههه

و احلام مداتلك الحفافات و عناوينهم

ربي يسهل

الف مبروك هنادي وكيما قاتلك نهال على العاداة

ربي يبارك فيك احلام ولعقوبة ليك هاد ليام نروح لهاد الحانوت لي قولتلي عليها ونزيد نروح عند لحفافات ونشوف
ربي يبارك فيك لينا ولعقوبة ليك
ربي يبارك فيك مريم ولعقوبة ليك
يعطيكم الصحة ليبنات لكاشما سمعتو ولا شفتو حاجة جديدة قولولي ماتنساونيش
لي عودة

مون ماا قلتليش كاش عفايش نتاع هاد لعام فينا يخص التقديم

مرحبا الف مبروك حبيبتي تتهني

ولعقوبة لينا انا تانيك خاطيني لساتني صغيرة

ربي يبارك فيك لوف نونة

مليح البنات راهم قايمين بيها ماتقلقيش هنوودة كلش يجوز مليييييييييح ان شاء الله

قوليلنا هنادي وش قررتي تديري ولا مزال؟؟؟؟؟؟