كيفاش رايحة ترتبي خزانتك يا عروستنا

سلام بنات وشراكم الموضوع باين كل وحدة تقولنا كيفاش رايحة ترتب حوايجها في خزانتها يعني وين تحط البيجامات.السراول.الجيبات.الجبب.السرابت.الفراش.السوفاتمون وكل الامور...................نرجو منكم المشاركة

شكرااا امينة على الموضوع
وين راكم يا عرايس

يعطيك الصحة امينة

شوفي لوجيكمون العروسة كي تدخل لبيتها تلقى كلش مستف ومنظم يعني يجو مواليك ولا خالاتك هوما لي يخملولك الدوزان ديالك

الباقي رايحة نتي تعاودي الحاجة لي ماعجباتكش

تقريبا في رايي انا لي سوفاتمون يندارو فالقجور كيما العوايد

ولي نويزات نسيي نعلقهم باش مايفسدووش

ولا نديرلهم قجر سبيسال ونحطهم بالطول راقدين

ممممممم لي بيجاما نقسمهم يعني تاع شتا وتاع صيف وحدهم باش مانخلطش الخزانة

الجبب نحطهم الفوق ههههههه اصلا ماديتش جبب نخليهم للمناسبات ولا كي يجي شيخي ولا دارنا نلبسهم برك


والباقي عادي كيما نستف دوزاني هنا

البروبلام في لي درا ولي كوات والخ تم لقيتيني حاصلة مانيش حابة نديرهم فوق الخزانة كيما لي كوات والخ

حابة ندير فاليزة برك كاشما حوايج مانسحقهمش نطلعهم الفوق ولا كانت خزانتي كبيرة نورمالمو تكفيني

انا اذا كان عندي بلاكار رايح اساعدني بزاف سينو نقولو يدير بلاكار نحط فيه الفراش وهكا نكون تهنيت ويبانو حوايجي مستفين

في انتظار باقي المشاراكات باش نتناقشو وندو افكار