اللي جربت حبوب جنسينغ لزيادة الوزن تتفضل

السلاااااااااااااااااااااام عليكن

يا بنات اليوم جبتلكم موضوع جديد وحساس وتعاني منوا بزاف بنات ألا وهي النحافة أنا سمعت بحبوب جنسينغ اللي تتباع عند العطارين قالولي جربوها ناس بزاف وجابت نتيجة أنا ما شفتش بعيني تتباع ب250 ألف فيها 60 حبة وحبة ملونة تتشرب في التالي أنا خفت نجربها لخاطر قريت عليها في الأنترنات كاين اللي يشكر وكاين اللي يذم
اللي تعرف عن الموضوع ولا جربت الله يجازيها تفيد الجميع

سلام اخواتي
انا جربتها بعد ما قاتلي عليها وحدة صاحبتي شفتها سمانت
بعد مدة زدت في الوزن من 46 حتى 50 ثم 52 في مدة شهر ونص تقريبا
بصح كي تحبسيها تروحلك الشهية و توللي تعافي الماكلة و تنقصي توللي كيما كنتي من قبل
مالا ولليت حبستها خاصة انني قريت اضرارها في الانترنت و مع الوقت تضر على عمل الكلى
و ثاني تدير الغازات بزاف فيهم رائحة جد كريهة
انا ننصح بيها وحدة اذا عادة رايحا تدخل عروس انها تاكلها فترة قصيرة قبل العرس باه تتعمر شوي و من بعد تحبسها لان الاكثار منها مش مليح

انا جربت حبوب super apétiفادوني فووووووور

سلام بنات

أنا مش في حاجة باه نسمان حابة نشيان هههههههههه

والله كولو مليح برك ضرك تسمانو أخطيكم من الدواء

هاذ لحوايج وليو مرض بعد مدة وتندمو

وزيد بعد الزواج بربي لبنات كل يسمانو

يعني لكان وحدة رقيقة ياسر على الأقل بعد الزواج تهز صحتها شوية

أنا بصصراحة نعاني شوية من النحافة مع انو كاين لي قولولي راكي بيان هكا

كيما قالت كوكي كي نزوّزو بربي نسمانو و نعودو نحبو نرجعو كيما بكري

و على الحبوب أختي انا ننصحك غير أخطيك. انا ماحبيتش نشري الحبوب

على خاطر تنفّخ برك و حتى وجهك يبان بلّي منفوخة ماشي سمينة

جرّبي الحلبة مليحة ّانا ماداومتش عليها برك

و كاين واحد الخلطة مليحة ثاني جرّبتها و ماداومتش عليها كيف كيف

نسيت اسمها بربي كي نشريها نقولك عليها و حتى مكوّناتها طبيعية

و تحطّيها فالحليب او الياغورت

بالتوفيق

الله يبارك فيكم لبنات أنا بصراحة مليت من النحافة وجربت أعشاب بزاف مي بلا فايدة كيما قلتولي الحلبة تسمن,جربتها لشهور مي ماجابت حتى نتيجة.وتاني الجلجلان بالحليب كيف كيف

أختي سارة منال أنا تاني راني نشرب في سوبر أبيتي مي زدت غي شويا قوليلي شحال من حبة راكي تشربي في النهار و قبل الماكلة ولا بعدها.وشحال من باطا شربتي

سمسومة حنونتي جيبيلي اسم هاذي الخلطة الله ينورك.وكي نسمان راني نزيدك من عندي شويا لحما ههههههههههههههههه

شكراااااااااااااااااااااااااا

ههههههههههه و الله لا تقلقي لا والي ميمي

المهمّ كي تعود صحتك بخير

كيما يقولولي اللحمة اي مخلوفة تروح و تجي

و الله بربي هذي اليومين نشوفها وين تتباع و نقولك اسمها اني نسيتها

كيما يقولي واحد : الخلطة العجيبة هههههههههه

الله يسترك حبيبتي

انا جربتهم مادارولي والو كيما كنت

انا ثاني نعاني من النحافة وجربت بزاف حاجات بدون فايدة
بصح هاذو الدواوات جامي ندور بيهم سيرتو الكاشيات حتى ويكونو مخدومين بالاعشاب مانديرش كونفيونس فيهم
انا نجرب غير الطبيعي
كيما قتلك جربت بزاف حاجات طبيعية بدون فائدة وفي الاخير اقتنعت انو باش تسماني لازم تكوني مرتاحة نفسيا وجسديا وانا لحد الان مزال ماتحصلت على هاذي الراحة باش نسمان
مالة راني مخليتها على ربي ومنيش نخمم في هاذي الموضوع وراني نطلب من ربي غير الصحة وراحة البال

نصيحتي ليك اختي اول حاجة لازم تكوني مرتاحة نفسيا وجسديا
ومنبعد ابداي في العلاج الطبيعي بعيدا عن الادوية

السلااااااااااااام عليكم

الله يعطيكم ما تتمناو يا أميرات القصر.

أنا راني نشوف في تجربت كل وحدا ونصائحكم تهمني بزاف والله نخاف من هاذ النوع ما الكاشيات حتى ونعرفهم يسمنوا لخاطر مكانش دوا وماعندوش آثار جانبية.

بليز اللي تسمع بدواء مجرب ومفيد تبعثلي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ههههههههه ميمي أصبري برك

و الله مازال ماخرجتش للحوانت باه نشوفلك واش اسم الخلطة

الصبر جميل هههههه

ههههههههههههههه
والله يا سمسومة أنا من النوع الصبار مي مانيش عارفا علاش راني مقلقا

أنقذوووووووووووووووووني

غير الخير يا طفلة واش صرا؟؟؟؟

يا سمسومة الصيف قريب والأعراس بزاف حابة كي نلبس ربة تجيني قدقد ما نوليش نطايي ههههههههههههههه

؟؟؟؟؟؟؟؟؟؟؟؟؟؟؟؟؟؟؟؟؟

و الله حتى انا غير موضوع اللبس و لي غوب هو لي يقلّقني

سينو نورمال خير من سمينة تولّي تحوّسي باه تشياني ههههههههه

بصّح ماتعوليش على الخلطة لي قتلك عليها ياااسر على خاطر تفتح الشهية شوية

بالاك كي ادّاومي عليها تجيبلك نتيجة

وااااع يا سارة ميمي راني لقيتها " longdesc="65" /> " longdesc="69" />

لقيت لا فوطو تاع العلبة في جوجل

هاي ليك

[ندعوك للتسجيل في المنتدى أو التعريف بنفسك لمعاينة هذه الصورة]

اسمها القرابي و مكوّناتها الكلّ طبيعية و سعرها 45 الف نورمالمون

ديريها فالحليب دافي و لاّ فالياغورت ملعقة ماشي كبيرة ياسر و ماشي صغيرة خلااه ثلاث مرات فاليوم قبل الأكل

كي تشريها تلقاي في جانب العلبة كيفية الاستعمال

و لقيت هذي ثاني بصّح ماجربتهاش

[ندعوك للتسجيل في المنتدى أو التعريف بنفسك لمعاينة هذه الصورة]

المهمّ داومي عليها باه تلقاي نتيجة ماشي كيما أنا نديرها شهر و نحبّس

و ربيّ يجيب الخير أختي و ان شاء الله تفيدك

هههههههههههههههه والله ضحكتيني يا سمسومة راني كثر من البيبي اللي يبكي على الحليب
هاذي الخلطة شايفتها عند العطار مي جامي قلت نجربها إن شاء الله نجربها. الله يحفضك ويعطيك ما تتمناي

سمسومة حنونتي حبيت نسقسيك تعرفي زبدة الفول السوداني؟هاذي قالولي تسمن مي كي سقسيت عليها عندنا قالولي جامي سمعنا بيها.

سلام لبنات

[ندعوك للتسجيل في المنتدى أو التعريف بنفسك لمعاينة هذا الرابط]


هذا تاع المسمنة السريعة شوفوه بالاك ينفعكم

ختي انا جربتها تفتح شهية و تزيدي تبداي ترقدية بزاف
مي نصحك كولي حوايج ناتورال كيما لحليب زبيب حلبة مكسرات و كولي مليح و رقدي مليح