السلام عليكم ورحمة الله تعالى وبركاته
اليوم جبتلكم un plat في الفرن تاع الباذنجان والفيونداشي
اول حاجة تحضير الباذنجان
نقشرو الباذنجان حوالي 5 حبات ونقطعوها طوليا بسمك رقيق نوعا ما
ونحطوها في الما والملح باش ماتكحالش ونخلوها فترة
منبعد نقطروها ونملحوها
[ندعوك للتسجيل في المنتدى أو التعريف بنفسك لمعاينة هذه الصورة]ونقلوها في الزيت ونقطروها في الكسكاس
ومنبعد نحطوها في le papier absorbant باش يمتص الزيت
ثاني حاجة لاصوص تومات
نرابيو 2 فصوص ثوم ونديرو شوية فلفل اسود وشوية قرفة وملح
3 ملاعق زيت ونقلوه
نرابيو حبة طماطم ونديروها تتقلى معاه
نزيدو شوية طماطم مصبرة ونمرقو بالما ونخلوها تغلي حتى تخثار
ثالث حاجة الفيونداشي
نرابيو شوية بصل ونقلوه في شوية زيت مع فلفل اسود
ومنبعد نديو الفيونداشي ونخلوه يتقلى مليح ونديرو معاه الملح
ونصيفولو شوية معدنوس مقطع رقيق ونخلوه يطيب
[ندعوك للتسجيل في المنتدى أو التعريف بنفسك لمعاينة هذه الصورة]رابع حاجة نغلو كمية قليلة تاع روز
[ندعوك للتسجيل في المنتدى أو التعريف بنفسك لمعاينة هذه الصورة]نخلطو الفيونداشي مع الروز
[ندعوك للتسجيل في المنتدى أو التعريف بنفسك لمعاينة هذه الصورة]نجيبو البلا نتاعنا ونحطو طبقة تاع باذنجان
[ندعوك للتسجيل في المنتدى أو التعريف بنفسك لمعاينة هذه الصورة]نغطوها بالخليط
[ندعوك للتسجيل في المنتدى أو التعريف بنفسك لمعاينة هذه الصورة]ونزيدو نغطوها بطبقة اخرى تاع باذنجان
[ندعوك للتسجيل في المنتدى أو التعريف بنفسك لمعاينة هذه الصورة]انا هنا ماكفاتنيش بزاف
بصح كل ماتتغطى مليح تجي احسن
ونفرغو عليها لاصوص تومات اللي خثارت
[ندعوك للتسجيل في المنتدى أو التعريف بنفسك لمعاينة هذه الصورة]وفي الاخير نديرو الفرماج ملفوق
[ندعوك للتسجيل في المنتدى أو التعريف بنفسك لمعاينة هذه الصورة]وندخلوها للفرن قيس ماتنشف لاصوص ويحمار شوية الفرماج
وصحة وعافية