شـــــــــات مغلق ،’ ~●•~ ً حنين الاشواق ~●•

semsouma d'or كتب:

ههههههههه سارة العكس تعجبيني خلااااه

مي مانحبكش تزعفي. و الله نحسكم كي خواتاتي الكلّ




اني نسنّى فالصورة

مرسي اسوومة ربي يخليك حتى نتي راكي كي ختي

انا تان تعجبني كوكي ك تتقلق تبدى غير طرش هههههههههههه

مرسي لبنات هاجر نهال واسما وكيما قلتو ربي يدوم الافراح ان شاء الله

سلااااااااام بنات وجمعة مباركة عليكم
سمية لازم تساعدي روحك وعلى الماكلة كيما قالو لبنات لااااااازم تحتمي وذاك لي كان ميش في جالك في جال البيبي لي في كرشك
وان شاء الله نجيبولك اسماء باهين
******
هاجر سارة اسماء وش راكم لباس

سلام بنات جمعة مباركة

واش راكم صافا؟

حبيت نشاوركم على الاسم تاع البيبي قلقني تقول رايحة نزيد غدوة هههههههههههه

كنت مقررة انا و زوجي على اسم سراج الدين ملي رفدت الحمل وكي سمعتو عجوزي ماعجبهاش قاتلي كيفاه تسمي على السراج تاع الصبابط حاشاكم ههههههههههههه قتلتني ضحك ايا قلت نزيد اسم من الاول " longdesc="59" />

راني اقترحت على زوجي اسم رائد وعجبو " longdesc="212" />" longdesc="211" />

واش رايكم

رائد سراج الدين

صباح الخير اعليكم واش راكم لاباس نسيت قاع الشات هههههههه


اهلا سمية والله ياعجوزتك هههههههه


مي هي عندها الحق شوية الاسم غريب على الجزائريين منين جبتيه ؟

رائد سراج الدين بزاف طويل على بيبي صغيور خخخخخخ


ممممممم والله ماعلابالي انا ليا مانحبش الاسماء المركبة نحب اسم واحد برك


ونتي لاعجبك ديريه ياك وليدك واش دخلهم فيك


هو شباب مي انا قتلك نحب اسم واحد برك سواءا للطفلة ولا للولد


******************

وعلى سراج هو شباب بزاف مي النطق ديالو ماتقدريش تستعمليه هنا كيما فالشرق الاوسط يعني في سوريا ولا تم يمدولو الشكل والنطق ديالو بيان مي هنا علابالك عقلية الجزائريين خمي على وليد كي يكبر ويرجع يقرا ويضارب مع الذراري قادر يعطولو ياسرااج هههههههههه


وزيد عندك وقت كبيييييييييييير زيدي خمي على كاش اسم

صباح الخير بنات واش راكم صافا

مرسي سارة على رايك


يا ودي تقلب ولا طفلة هكذا قالي الطبيب البارح تبا للطب في الجزائر

قالي راهي طفلة فرحت بزاف كن حابة طفلة و راها سماتها عجوزتي من بكري تبا


سماتها روضة جنة

انا زدت جنة يا سارة نحب الاسماء المركبة والغريبة ومازال نخمم مع باباها كاش مايبدل اسم ماعرف

الف الف مبرووووووووك مليح كي طفلة


واسم هذا عجبني مام مركب مي خفيف شفتي كلش بالمكتوب واش تزيدي تبدلي فيه مدام عجوزتك مدت اسم نتي زدتي جا يهبل والله ان شاء الله كي اليوم تشوفيها قدامك وتعيطيلها بيه

صباح الورد و الفل و الياسمين

واش حوال الخاوة؟؟ راكم لاباس ؟ هانيين ؟

انا البارح مادخلتش خلااه درت نيتواياج جينيرال للمكتب

كان يزعّف الخردوات الخردوات ولّيت كي ندخل نتغمّ. المهمّ طيّشت كلّش

و لي يزيد يفسّد الحالة " longdesc="62" /> " longdesc="50" /> يا ويلو منّي
************************
سميّة مبروك أختي كفلة ولاّ طفل و الله في زوز ملاح. المهمّ يجي صحيح و مرتاح و الله هذي الفايدة

و على الاسم روضة الجنّة مليييح أنا ثاني يعجبوني الاسماء النّادرة لي ماكانش منهم بزااااف

ربّي يتمّم على خير

*****************
سرسورة حبيبتي واش حوالك ؟ كاش جديد ؟

******************
هجورة و نهال و البقية لي عندهم عام غايبين ان شاء الله راكم لاباس

صباااااح الخير بنات وشراكم
توحشتكم بزاف (غبت يوم واحد برك )

راني مشغولة مع القراية هاذو اليامات
السمانة الجاية نبدا الاختبارات
وبإذن الله رايحين يكونو اخر امتحانات في حيااااااااتي

ادعولي

سمية الاسامي اللي خيرتوهم كامل شابين
ربي يفرحكم

صباح الخير لبنات واش راكم صافا؟؟؟؟؟؟


يعطيكم الصحة لبنات على رايكم و لعقوبة ليكم ان شاء الله ولكل محرومين من هاذي النعمة

مانقدرش نوصفلكم شحال احساس هايل بزاف نعودي نشوفي في الحياة بنظرة اخرى خلاص تخمامك يتبدل

ربي يقدرنا على تربيتهم احسن تربية على الدين و الاخلاق

صباح الخير اعليكم واش راكم

هاجر ربي يوفقك ان شاء الله مبقاااااااااااااااااااش واييييييييييي احساس هايل

------------------------

اسماء اهلا بيك واني نقول مادخلتش البارح قلت بالاك مارحتيش تخدمي مليح كي درتي نتواياج انا تان كنت نهبل من البيرو الخردة وحدها وحدها تتعمر ايييييييي

انا اني مليحة مع لارويتن بففففففف


--------------------------

سمية ربي يفرحك بيه ان شاء الله ولعقوبة لينا نحسو كيما نتي

صباحكم سعيد حبيباتي

هجورة بديت نغييييير رايحة تكملي و تتهناي و الله تتهناي صح. ربي يوفقك ان شاء الله

سميّة ربّي يفرّحك أختي و يكمّلك ان شاء الله

سرسورة واش حوالك ؟ توحّشتك

سلااااااااااااااااااام
وشركم لبنات
وحدا مسقسات عليا ؟؟؟
**********
نبدى نشكيلكم ولا مكان لاه ؟؟
وش راح نقلكم كي العادة خرجنا انا ومريم وبابا لول بارح باه نقضيو للعرس ايا شوي شوي نلقى ختي الصغيرة عيطتلي في التيليفون :
الو
الو
وش كاين
عفاف الميكرو راه حبس
وانا زليت

قلتلها والله يا اليوم نقتلك

مريم ثم قاتلي وش كاين قلتها الميكرو
ايا ملي جيت وانا عقابو نخرمز فيه والوووووووووووووووو
محبش يتحرك خلااااااااااااااااااااص

***********
ايا وش وليت درت نحيتو كامل وخليتو واليوم كي نضت ركبت الخيوط شعلتو مشى وحدو

لاه ؟؟ معلباليش

نقلكم الميكرو نتاعنا ولا يمشي نفحاااااااااااااااااااااااات

سمية ألف ألف ألف مبرووووووووووووووووك
والله فرحتلك من قلب وعلى الاسم هايت روضة الجنة

اسماء هاجر سارة شهرة
وشراكم لباس ؟؟
كاش جديد

أهلاااااااااااااااااااااا نوّرتي الشات نهااال

أنا قلت ماراكمش لاحقين مع الجري و التوجاد تا العرس.

هههههههههه و الله يا الميكرو تيعك. كيما ليميكرو الكل.

كل مرّة الدالة تاع واحد. الحمد لله كي مشى برك. توحشناك يا مخلوقة

واش حوالها مريم ؟؟

الروتين قاتلنا يا طفلة لا جديد و لا هم يحزنون

سلااام بنات وشراكم

نهال بالاك الميكرو تاعكم راهو يسخن بزاف مالة يحبس
باسك كي خليتيه ريح عاود مشى وحدو

السلام عليكم مساااااء الخير مرحبا بحباباتي و خياتي توحشتكم برشة برشة ياسر ياسر بزاف بزاف هلبة هلبة ههههه

لينا تحييكم و تعود من جديد بعد غياب طويل دام لاكثر من شهرين امضيتها ما بين خطبة و فسخ خطبة بين موت عمتي الكبيرة و بين موت والد صاحبتي و طبعا الخدمة فيها فيها النهم احداث ورا احداث تشخشيب ورا تشخشيب و هم فوق هم

المهم انا نرجع نقرى و نقرعج و و و و و و للوراء و نوللللللللي

و في الختام سلااااااااااااااااااااااااااااااااااااااااااااااااااااااااااااااااااااااام " longdesc="28" />

اهلا اهلا لينا وين غطيتي يابنتي توحشناك
الحمد لله على سلامتك
وربي يرحم اللي ماتو عظم الله اجركم

اما حكاية الخطبة وفسخ الخطبة هاذي لازملها قعدة وقصرة
المهم ربي يعوضك ان شاء الله

بصح حراااااام عليك كامل هاذي المدة ماتقدرتيش اطلي علينا ولو طلة صغيرة

سلام عليكم وشراكم لبنات لباس ؟؟
لبنات انا كي نغيب اعرفوها سبت الميكرو
مفهمتش خلاص علاه راه يحبس وحدو ومن بعد يمشي كيما ظك راح حابس راني نخدم بالبيسي نتاع خويا
المهم وشراكم ؟؟
=======================
اهلا وسهلا لينا وشراكي لباس عاش مون شافك
وكيما قالت هاجر ربي يرحم لي ماتو
عظم الله اجركم
=========
وش قصة الخطبة ازرابي احكيلنا يخي تعرفينا قرعاجات

أهلاااااااااااا بيك لينا. ليك وحشة يا طفلة

عظّم الله أجركم و الله يرحم كلّ الأموات

و ربّي يكتّبلك لي فيه الخير. لاكان مافيهش خير ان شاء الله يبعثلك ربّي لي أحسن منّو

ربي يعينك مع الخدمة يا ربّ و ما تزيديش تغيبي يا طفلة كاش مشكل رانا هنا خواتاتك

**********************************

صباح الخير البنات الكلّ