شـــــــــات مغلق ،’ ~●•~ ً حنين الاشواق ~●•

اه كوكي وهاجر ياخبثاء اني نفتح السكايب من بعد لي تدخل تلقاني خخخخخخخخ


----------------------


كوكي والله والو مافهمتش لا الوقت مايكفيش ولا ماعلاباليش قاع واش صرالي اليامات هاذو راني مطروشة كامل

------------------------



اختي سماح ربي يرزقك بالذرية يارب ويفرحك ان شاء الله بطفل ولا طفلة وتربحي علينا للعلم رانا مربوحين 

دوك تلقاي خدمة وترجعي حامل وتقولي قالت سارة

ان شاء الله


------------------

اسماء ربي يعينك والله اني نقول الحس تاعك مابانش مابقاش ابرونزي بالخمار قيس مايخلاص جوان

------------------

اييييييييه صحيتي ياهاجر وعلاش غرتي مني عشية نفليكسيلك وحدة من عندي

تبا تبا 

---------------------

البروبلام غسلت الحيوط و ختي قتلها تقلتلي ناموسة فالحيط نقتلك امالا بقينا هكاك ولاباراي تقولي راكي درتيلهم ديودورون 

اليوم البرودة شوية مكانش ناموووووس فاللليل يويويويويييييييي

----------------------

وعلى المنام اللقطات الشابين توجور تنوضي فيهم

انا نمت كنت مع واحد
"" لوكان يسمع الموسيو"" هههههههههههههه  ياك منامي وانا حرة فيه



المهم دخلنا لريسطو انا وصحبتي هي شرالها سورتي دبان وانا نسيت واش اعطالي خخخخخخخخخ


ودخلنا لوحد الريسطو تالمو غاشي بسيف لجوزييييييي ووحد الطوابل تقولي ملكة وشادني من يدي واش نحكيلكم

ونسيت البقية ههههههههههههه تبا تبا

اهلا سمسومة ربي يعيييينك مع القراية في هاذي السخانة
انا ثاني نكمل الستاج في 4 جويلية

ايه كوكي علابالي معليش
مازالو اليامات ونزيدو نقصرو

شفتي سارة رانا نقصرو من وراكي خخخخخخخخ
بالاك في الليل بعد العشا ندخل
منامك شباب الله الله يا ملكة
انا ثاني دايما انوم روحي نعشق في واحد كل مرة زي
ويجوني غير الشابين في مناماتي ههههههههههه

اهلا اخت رقية متشرفين
اخت سارة شكراااااااااااا على ادعاء الرائع
ربي يرزقنا كامل بالي نحلمو بيه

صباح الخير خخخخخخخخخخخخ كاش دوليبران كاش ناموس يايما مارشي تاع الحراش البارح خخخخخخخخخخخخ


واش راكم كيما راكم

--------------------

امين سمووحة كي اليوم ان شاء الله تفرحينا معاك


-------------------

هههههههههههه هاجر شفتي لي بوقوص يجو غير فالمنامات ههههههههه

هههههههههههههههههههههه سارة حلمتك تقتل، ربي يبعثلنا حلمة كيفها خخخخخخخخخ

صباح الخير عليكم

واش سارة طولتو لبارح ؟؟؟؟؟؟

والله بايتة نحلم بيكم، والله كملت لقرايا وتهنيت وراح نبقاو كل قاعدين كيف كيف

ونشبعو تقصار وهبال هههههههه

راني عيانة ميتة " longdesc="73" /> " longdesc="68" /> منعرف واش بيا؟؟؟؟

لبارح مرقدتش مليح الناموس داير حالة

جيت أنوض نشوف واش صاير؟؟؟؟ لقيت الحيط ميبانش معمر ناموس تخلعت

حطيت لفونتيلاتور طيرتهم كل ورقدت ههههههههههه 

صباااح الخير بنات كي صبحتو

كوكي خسارة البارح مالحقتش عليك
مام نهال ماهدرتش معاها بزاف

معليش المرة الجاية ومازالو اليامات
علابالي اليوم ماشكيتش نقدر ندخل مي من غدوا ان شاء الله مانوليش نراطي

أهلا أهلا بالجميع 

صحّ تقصاركم و حكاياتكم فالليل يا شريرات و تفكروني

أنا هذا وين دخلت للمكتب  يا يما هاذيك السخاااااااااااااااانة 

شكرااا البنات أدعيولي

بنات رانى عيانة حاكمنى واحد التفنيين انصحونى واش اندير؟

سلام لبنا ليكم وحشة اسمحولي راني كنت مع القاطو نتاع اختي راهي رايحة تسوتني و مزالني معاه و مع السخانة موتتتت و مع لعراس تاني منحكيلكمششش مصبتش روحي المهم راكم كامل ملاح و نقول لسماح معريفة خير و ربي يرزقك الذرية الصالحة خليك مع الدعاء ديما و ربي مايخيب عبدوا و نقول ل سارة منامك هايل خسارة راكي بالميسيو ذرك هههههه ربي يخليهلك و هجووووورة واش مزال مكاش ناوية تخطفي واحد من الشابين لي يجوك في لمنام و نقول ل مريم مبروووك عليها و نهال لازم تصبري يفوت عليك يمات تبقى بلاصت اختك من بعد توالفي ربي يهنيهااااااااااا و سلاااااام ليكم كامللللللللللللل

شكرااااا اخت صارة البسكرية
زشكراااا لجميع الفتيات

صباح الخير اعليكم واش راكم

اه هذا هو لي يدير موعد مع لبنات وحدة ماجات تبا لكم جميعا غير شهرة بقيت راسي وراسها وين رحتو غبرتو تبا تبا لكم
هاجر باينة معذورة نهال وكوكي مابانش حسهم كامل 

------------



اهلا اسماء واش راكي والله والو تلاقينا صدفة برك وكي درنا موعد وحدة ماجات علابالك راكي فالجزائر هههه


--------



سماح ان شاء الله راكي بيان اليوم

-----


لميسو رانا نعانيو قاع من المشكل هذا روحي دوشي يتنحى اعليك انا كي نديقوتي ندوش خخخخ


-------

مرحبا بمروى شفتي المنامات راهم على راسهم خخخخ مبروك اعليك قلب الصفحة ههههههه شاطرة

اهلا بنات


مرحبا بلى كان غايب و الى غايب ان شاء الله مايطولش علينا
------------


سارة كنتو مدايرين موعد ماعماليش؟

كون تحبو تولو الى يدخل يسجل دخول فى الشات

نجكيو ع المباشر

و اوك دوك نسكن فى الدوش خخخخخخ

سلااااام بنات وشراكم

سمسومة شفتي خسارة ماعندكش النت في الدار
ان شاء الله ديروها وتولي تسهري معانا
ربي يعينك مع القراية والخدمة

لميس هذا التفنيين تاع السخانة كامل يجينا
كيما قالت سارة اضربي تدويشة يروحك خخخخخ

شفتي سارة خخخخخخخخخخ كل حاجة تجي بالصدفة
مكاش حاجة في بلادنا اسمها موعد
انا راكم عارفين البارح مكاش كيفاه

اهلااا مروة وشراكي هاذي غيبة
ربي يعينك ومبروووك على اختك السوتنونس
لالا مانيش ناوية نخفط واحد من المنام نخاف يتبخر منبعد هههههههههههه


باقي البنات وين راكم؟؟

اهلا هاجر حبيبتى واش راكى؟
نتمنى تكونى بخير

لاباس الحمد لله
رانا نطبعو مع هذا الديقوتاج والروتين
ونتي وش اخبارك؟؟

نقول الحمد لله
مى كيما قلتى وحدة الديقوطاج خليه ربى


هاد ليام رانى مع الماشينة حابة نتعلم الخياطة

مليح شطورة
بالتوفيق

شكرااا

سلااااااااااااااااااام

ياااااو كرهت  البارح نهار كامل و حنا فالجامعة و مع السخانة تاع نهار البارح مووووت حمراا

و أستاذ ما جا. ولّيت قردة الله لا تربحهم و لا يشوفو نهار ضو على خاطر داروها بينا. روّحت نجري عند كوكي دخلت للدوش غسلت 

و رحت نجري للكليماتيزور" longdesc="28" /> 

ان شاء الله راكم بيان برك 

لميس سخفتيني على الخياطة أنا ثاني حابة نتعلّم مالقيتش وقت

اهلاااااا سمسومة وشراكي

ربي يعينك مع هاذي السخانة
معليش مابقاش بزاااف وتريحي

تخدمي في رمضان؟؟

سلام بنات

 سارة سامحوني مدخلتش 

لول بارح كنت ندير فالقاطو خاطر لبارح جاو تاع لفامي كل باركولي

ولبارح والله آخر وحدة روحت على 9 والدنيا بقات في حالة فرزت من فوق لفوق ورقدت 

والصباح رحت لبنت عمي سوتنات 

ولعشية درت سبور راني ميتة خلالالالالالالالالالالالالالالالالالالالالالاه

بنات توحشتكم كل نتمنى تكونو كل بيا