طريقة عمل رولي بالصور

سلام بنات

راح نحطلكم كيفاه تعملو رولي بلا ميلصق ويجي خفيف روعة

المقادير:

4 بيضات

80 غ سكر

80 غ فرينة

رشة ملح

فانيليا


طريقة التحضير:

نحطو البيض والسكر والفانيليا 

[ندعوك للتسجيل في المنتدى أو التعريف بنفسك لمعاينة هذه الصورة]

نضربوهم بالباتور حتى يتنفخو هك

[ندعوك للتسجيل في المنتدى أو التعريف بنفسك لمعاينة هذه الصورة]

نضيفو الفرينة ورشة الملح ونخلطو بمغرف تاع عود ولا سباتيل المهم مش بالباتور

ونصبو الخليط في بلاتو مدهون بالزبدة والفرينة كيما موضح في الصور

ندهنو بالزبدة

[ندعوك للتسجيل في المنتدى أو التعريف بنفسك لمعاينة هذه الصورة]

نرشو الفرينة

[ندعوك للتسجيل في المنتدى أو التعريف بنفسك لمعاينة هذه الصورة]

وتحركو لبلاتو مليح وتنحيو الفرينة الزايدة

[ندعوك للتسجيل في المنتدى أو التعريف بنفسك لمعاينة هذه الصورة]

ونفرغو الخليط

[ندعوك للتسجيل في المنتدى أو التعريف بنفسك لمعاينة هذه الصورة]

ودخلوه للفور

وراه ميطولش ياسر كي تشوفوه حمار شوية نحيوه

وهاذي النتيجة النهائية

[ندعوك للتسجيل في المنتدى أو التعريف بنفسك لمعاينة هذه الصورة]

تقدرو تعملو فيه أي كريمة

حنا فالدار يحبوه بتاع السيترون وتقدرو تعملو أي نوع تاع معجون

وهذا مثال درتو بكريمة تاع سيترون

[ندعوك للتسجيل في المنتدى أو التعريف بنفسك لمعاينة هذه الصورة]

نتمنى يعجبكم

راني شرحتلك بالتفصيل الممل

جربوه وبربي ينجحلكم

وأي سؤال راني هنا

حقا نسيت مقتلكمش

وجدو لكريمة قبل رولي 

باه مع تخرجوه روليوه

كون تخليوه أو ييبس وكي يترولا يتكر

كوكيتا يعطيييييك الصحة حنونة على الشرح المفصل
ان شاء الله بربي غدوا نجربو
قوليلي برك شحال يقعد في الفور بالتقريب 10 دقايق بزاف؟
نخاف نخليه يطول ييبس
وياك تشعلي عليه غير من تحت برك ماتزيديش تحمريه ملفوق؟

شفتي حنا النسا مهما يكون الشرح مطول غير الاسئلة اللي نلقاوها ههههههههههه

معليش هجورة سقسي خير متغلطي وميصلحش

شوفي والله معابالي بالضبط الوقت

أنا كي يبدا يتحمر نطفي عليه 

قولي ميفوتش 15 دقيقة أقصى حد

أنا نشعل عليه من فوق وتحت ونحط 180 درجة

متخافيش أو مييبسش المهم متطفيش عليه وهو أبيض 

أو يولي يجيك معجن

هيا يا الفحلة جربي ورجعيلي لخبر بربي يجيك يهبل

شكرا أميرة لمرورك نتمنى تستفادي ويصلحلك

يعطيك الصحة كوكي هايل انا درتو مرة جا روعة

يعطيك الصحة كوكي
قررت نديرو غدوا راهي جاية عندنا اختي
ان شاء الله يصلحلي

شكرااا عينيا على الشرح

بلا مزيو بنات

جربو وأدعيولي

يعطيك الصحة 
وبارك الله فيك على المجهود
عمبالك درتو رة برك في حياتي
هي نورمال خرجتلي روعة ماتكسرت ماوالو بصح الكريمة ماخرجتليش مليحة مليحة كيما بغيت
بصح جا بنين

كوكي راني درتها البارح
لصقتلي شوية برك في لطراف وين رقيقة مي نورمال نحيت لطراف ونحيتها نورمال
وكي جيت نروليها بنات تتشقق مالة ماما قاتلي روليها في طرشونة مشمخة
قيس ماشدت روحها ومنبعد عاودت درتلها لاكرام وروليتها جاتني مليحة والبنة بنينة
انا درتلها الداخل لاكرام شونتيي ومن برا درتلها غير سكر قلاص هاذي اول تجربة المرة الجاية نزينها
خسارة ماصورتهاش
المهم يعطيك الصحة كوكي وربي يعطيك ماتتمناي

بلا مزية هاجر المهم كي صلحتلك

إيه كي تولي لكريمة مزالت مش واحدة روليه حتى يوجد

في طورشون مبلول شوية برك

المرة الجاية بربي يجيك خير وميلصق ميتشقق

ايه هجورة صح كيما قالت كوكي كي تعود مش واجدة الكرام نروحيوها في قماشة مبلولة بااه تبقا طرية

يعيطكم الصحة

ايه نسيت نقلك ثاني
جاني رقيق بزاف مشي كيما تاعك في الصورة خشين الله يبارك
وكي روليتو جا رقيق وراكي عارفة الرولي الشارم تاعو كي يجي خشين
قلت بالاك السنيوة كبيرة بصح هي نفسها اللي راكي مصورتها
ولا المرة الجاية نزيد نكبر المقادير ولا ندير شوية خمارة الحلويات

لالا هجورة متجيش بالخميرة

بالاك مضربتيش البيض مليح بالباتور

ولا ضربتيه وخليتيه طول باه دخلتيه للفور

شوفي وجدي المول وسخني الفور 

وأضربي لعضام مليح بالباتور

والفرينة كي تحطيها خلطيها بمغرف تاع عود وسباتيل مش بالباتور

ومتخلطيش ياسر باه ميخرجش الهوا لي درناه بالباتور 

جيست تتخلط الفرينة برك صبيه فالمول ودخليه يطيب

أو يجي كيما فالصورة خشين وخفيييييييييف

معليش هاجر أنا تاني درتو قداه من مرة باه ولا يجيني مليح

تبعي النصائح برك وبربي المرة الجاية يجيك خشين

شوفي كوكي هاذو النصائح كامل درتهم بالحرف الوااحد وجاني هابط
قلت المرة الجاية ندير مقادير تاع 6 بيض

وعلى الخمارة شفت وحدة ديرها بيها على ذاك قتلك
مي منيش رايحة نديرها بيها

منعرف هاجر

سير كاين خلل في كاش حاجة

أنا هام الصور درتو بالمقادير لي قتلك وديما يتنفخ وحدو كي يدخل الفور

جربي زيدي فالبيض وشوفي

بالاك المول تاعي أصغر من تاعك

انا ثان قلت بالاك السنيوة اللي درت فيها شوية كبيرة
على خاطر كي فرغت فيها جاني غير في الوسط وبديت نمشي فيه للاطراف
خلاص المرة الجاية نزيد الكمية
شكراااا كوكي

شكرا عزيزة جربيه ورجعيلي الخبر

كوكي شريت اليوم ورق الزبدة هداك يصلح نحطو في بلا ونص عليه بلا ماندير زبدة وفرينة؟