إلى كل من تحب الشكولا

ليوم فرج ربي وجبتلكم وصفة درتها في رمضان ووعدتكم باه نحطها

سامحوني على الـتأخير

بسم الله نبداو

أول حاجة لازمنا نديرو رولي وهذا الرابط تاعو درتو من قبل

[ندعوك للتسجيل في المنتدى أو التعريف بنفسك لمعاينة هذا الرابط]

ونحتاجو كرام باتيسيار شوكولا

وممكن تستعملو مهلبية شوكولا لي دارتها هاجر

[ندعوك للتسجيل في المنتدى أو التعريف بنفسك لمعاينة هذا الرابط]

ونحتاجو 150 ملل كرام فراش ليكيد (كيلو بالبيبرون) + 200 غ شوكولا (من الأحسن نوار )

باه نديرو بيهم كناش شوكولا

******

وضرك نبداو بالخطوات

كي نديرو الرولي نجيبو مول لي معندوش قاعدة

نحتاجو 2 يعني لاكان المول كفاك باه تعملي 2 ولاكان مكفاكش ودرتي طارت كبيرة أعملي 2 رولي

ونقطعو 2 هك

[ندعوك للتسجيل في المنتدى أو التعريف بنفسك لمعاينة هذه الصورة]

ونجيبو الصحن لي راح نقدمو فيه الطارت

نحطو المول وفي وسطو الطبقة الأولى كيما هك

[ندعوك للتسجيل في المنتدى أو التعريف بنفسك لمعاينة هذه الصورة]

نوجدو لاكرام باتيسيار ولا المهلبية ونصبوها كيما هك

[ندعوك للتسجيل في المنتدى أو التعريف بنفسك لمعاينة هذه الصورة]

ونزربو نغطيوها بالطبقة الثانية تاع القاطو وندخلوها للكونجيلاتور

[ندعوك للتسجيل في المنتدى أو التعريف بنفسك لمعاينة هذه الصورة]

نوجدو الكناش ساهل خلالالالالالالالاه

نحطو لاكرام فراش ليكيد تسخن فوق النار

كي تسخن نصبوها فوق الشكولا بالتدريج على 3 مرات ونحركو

كون متذوبش الشوكولا كاملة وتبقى شوية كعب كعب حطوها فوق النار وحركو حتى تذوب وتولي تلمع روعة

نجبدو الطارت من الكونجيلاتور ونصبو الكناش ونرجعوها للكونجيلاتور

لازمها تبقى على الأقل 4 سوايع تبرد مليح

كي نخرجوها ندخلو السكينة في جنب المول باه نقدرو أنحيوها خاطر تكون لاصقة وباردة

ونزينوها كيما تحبو

أنا درتها 2 مرات

هاذي تاع المرة الأولى زينتها باللوز إيفيلي

[ندعوك للتسجيل في المنتدى أو التعريف بنفسك لمعاينة هذه الصورة]

وهاذي تاع المرة الثانية زينها بلاكرام شونتيي واللوز إيفيلي

[ندعوك للتسجيل في المنتدى أو التعريف بنفسك لمعاينة هذه الصورة]

نتمنى تعجبكم بنات وتقدرو تجربوها خاطر تهبل