حملة لا تفنيين بعذ الان ... شاركينا تجاربك الجمالية

شمعة ضياء كتب:

هدى انا ثان عندي مشكل الشعر تحت الجلد في سيقاني كي انحي بالرجينة ويعطي منظر بشع
لازم تقشير باش يخرج الشعر
وعلى البقع الداكنة والله ماعلابالي
انا عندي بزاف اثار تاع جروح وحروق قديمة ماعرفتش وش ندير باش تروح

عنذك الجلذ جاف بزاف اذا صح قوليلي  حاولي ترطيب كل يوم بفازلين في الليل كيما حالتي يللا كشما يعاونونا البنات

و الله يا هدى عندك تجارب ياااااسر عندك على روحك ماشي مليح البومادات يااااسر و المواد الكيمياوية 

أنا نفضّل الأعشاب و المواد الطبيعية أحسن حتى لاكان ماصلحتليش ماضرنيش

semsouma d'or كتب:

و الله يا هدى عندك تجارب ياااااسر عندك على روحك ماشي مليح البومادات يااااسر و المواد الكيمياوية 

أنا نفضّل الأعشاب و المواد الطبيعية أحسن حتى لاكان ماصلحتليش ماضرنيش

ميرسي اختي وانا تاني حابا نرجع للطبيعة على بيها كاين الموضوع هذا
مرسي ومذامك ملمة بالاعشاب احكيلنا تجاربك الناجحة في المجال هذا

nehal كتب:

اسوذاذ الركب والكوعين جيبي فازلين وكياسة وحجرة قذمين
 وتحطي طبقة من الفازلين وتحكي بالحجرة فوق الفازلين حتى يمصو البشرة وجيبي الكياسة حكي حتى يمصو كامل وزيذي حطي طبقة اخرى حتى تعجبك النتيجة


راح نديرها هذي هذى مرسي


     بياض الاسنان
المسواك الاحمر او الملح والقارص  للي حابة بالتفصبل  قوليلي نقلك
تعيشي قوليلي كيفاه تبيض الاسنان

 بياض الاسنان
انا نذيرها يوم ويومين مانذيرش
نجيب الملح نحطو على الفرشاة ونقطر عليها شوي قارص  ونفرشي اسناني مذة ذقيقتين و ممباعذ نمضمض مليح بالماء ونعاوذ نفرشيهم بالماء والفرشاة فقط  ذقيقة
وممباعذ نجيبب المسواك الاحمر
اللي في الصورة





وتقصي منو شوي  وتحكه على اسنانك باي طريقة تحبيها وحاذري من شواربك واللبثة لان لونها يتصبغ باللون العنابي  ركزي على  اسنانك في الحك     وانشالله يرجعو اسنانك يشعلو

اعلان خطير


بنات هادى طريقة كون تجربوها تدعولى بالخير طول عمركم

اماله كاين مرهم لمعالجة اثار الحروق جد فعال

مرة اختى سال عليها الجارى سخون حطتهالها ماما اماله كابقا حتى اثر ولاحظنا بلى بياضت


جربتو فى يدى بياض

اماله حطيتو فى وجهى ومنبعد امسحى بقطنه تلقاى القطنه سوداء
وبياض تقول كنتى مدودة وادوشتى

اسم المرهم هو flamazine


نتمنى تجربوه

انا نهار نشوف وجهى تسود مع الشمس ووو انديرها يعنى مرة او مرتين فى الشهرين
--------------------------------


هدى اختى قوليلى جربتى تع تكبير الصدر؟

وقداش ان مرة درتيها؟

وتبان النتيجه من اول مرة؟

صارة البسكرية كتب:

اهلا لبنات وشراكم

مشكورة اختي هدى على هاد الفضاء لي يهم كامل لبنات

انا عن المشكلات لي نعاني منها

مشكلة تساقط الشعررررررر رايحة نهبل و نستعمل خلطات لكن بالفعل غابنا التفنيين و انا منداومش سيرتوا في الشعر البشرة كامل و ساهلة شوية
+
اثار ماشي كثيرة لحب الشباب لكن تعرفوا اي وحدة تحب توكن بشرتها صافية مرااااااااااية
+
مشكل النحافة و هذا موضوع مليت منوا و من التجارب سااااي استسلمت

لي عودة نحكيلكم على تجارب عندها نتيجة

انشالله تستفيذي معانا و تشاركينا في تجاربك

لميس 25 كتب:

اعلان خطير


بنات هادى طريقة كون تجربوها تدعولى بالخير طول عمركم

اماله كاين مرهم لمعالجة اثار الحروق جد فعال

مرة اختى سال عليها الجارى سخون حطتهالها ماما اماله كابقا حتى اثر ولاحظنا بلى بياضت


جربتو فى يدى بياض

اماله حطيتو فى وجهى ومنبعد امسحى بقطنه تلقاى القطنه سوداء
وبياض تقول كنتى مدودة وادوشتى

اسم المرهم هو flamazine


نتمنى تجربوه

انا نهار نشوف وجهى تسود مع الشمس ووو انديرها يعنى مرة او مرتين فى الشهرين
--------------------------------


سههدى اختى قوليلى جربتى تع تكبير الصدر؟

وقداش ان مرة درتيها؟

وتبان النتيجه من اول مرة؟

نجربها هذي flamazine مي نجربها على يذي سع راني تعلمت ذرسي ههههههههههههههههههه
-------------------------
جربتها تكبير الصذر بالزيت زيتون من اول مرة نحس بالفرق وكل وحذة كيفاش مي انت ذاومي لخاطر انا اصلا كان صذري كبير وراح وحذو وحذو مرانيش عارفا علاش
شكون عنذها الاجابة تنورني علما انني كان عنذي صذر وانا ثمانية سنين وكنت نبان اكبر من البنات لخرين وذوكا انا اثنين وعشرين ويقولولي تباني في عمرك خمسة عشر    والوقت اللي ماجبتش الباك صذري اختفى نهائيا ولا مسطح مكانش حتى الناس اللي يعرفوني في صغري يسالوني على السبب
هذا هو طبيعة صذري مش فاهمة والو فيه مي اللي فاهمتو بلي الزيت زيتون يجيب فايذة معايا وشرب الحلبة
السلام عليكم

موضوع هااايل مرسييي هدى اللي فكرتي فيه

انا صراااااااااااحة قبل ما نزوج كنت مثال يقتدى بيه أي وصفة نسمع بيها نطبقها و بعد الزواح كلللش تضرب فب الزبببببببروووووووووو
جامي  ولا جربت وصفة و نسيت جمييييييييييع الوصفات

و راني حابة نبيض وجهي و رجليا فهم اثار حروق  و جروح كاااااارثة ماش خبش برك كل اثر يجي بقعة كبييييييرة الاعمى يشوفها
نجرب هادي نتاع بياض البيض ونتاع القارص و العسل ونردلك بالخبر ومرسي ليك امينة على الوصفة
 
و عندي تاني مشكللللل  في الصدر رغم انو عندي طفلة يقولك هرمونات الحمل تزيد في الصدر صح ولا روووعة مي كي ولدتها و بعد اشهر ثمانية حبست الرضاعة و نقص وصغار كااااامل شتيت وحدة تكون مجرية طريقة و نجحت معاها تشاركنا بيها

صارة البسكرية كتب:

مساء النور

راني وليت نحكيلكم على تجربة من تجاربي

انا أول حاجة بديت نعاني منها كي كبرت هي حب الشباب و كان وجهي ميتشافش و حتى تتعقدي منواا

رحت عند الطبيبة في اول الامر ملقيتش نتيجة مع الدواء و قاتلي وراثي و هو صح في العائلة نتاعنا تقريبا كامل فات عليهم .....صبرت و حقرتوا كيما نقولوا

حتى جاء وقت لي بدا يروح وحدوا و ولا فرق بعيد على الاول زدت رحت عند الطبيب كاش ما يمدلي دواء زاد مدلي كمبرمي و دي بوماد دارولي مضاعفات أخرين و خفت حبستهم

و وليت نخدم ب لي ماسك الطبيعية لوجهي الحاجة الأولى لعسل ميخطنيش نديروا حتى وحدوا كي نعجز مليح بزاف

نستعمل العسل+عصير الليمون مليح للبشرة الدهنية و حتى الجافة لكن ميكثروش منو

نستعمل ماسك " الطفل" على ما أظن تعرفوه و يتوفر عند العشاب حتى مخدوم بماء الورد

العسل+عصير الليمون+زيت غلسرين

ماسك الودعة+عصر الليمون .....تاني تحطي حبة الودعة في عصير الليمون مدة 24 ساعة تلقايها ذابت و استعملي هداك الماسك تاني مليح

و الماسكات انواع و الحاجة الطبيعية يكدب عليك يقلك ماشي مليحة وشنوا المداومة و هذا لي منركزوش عليه حنا

و نستعمل غسول "كلير اند كلير" تانس مليح نظف بيه البشرة

نتمنى لي عندها مشكلة او وحدة مقربة ليها تنصحها بيهم انا هادوا لي نفعوني

من فضلك اختي احكيلي على الوذعة والقارص سمعت عليها وماجربتهاش كيفاش ذيريها  و كذش مرة وفيذتك ولا لا و كيقاش فيذتك ؟

amina alg كتب:

بارك الله فيك يا هدى نتكنى مالبنات يحكونا عن تجاربهم بدون بخل

باسم الله راح نحكيلكم مالقري مانخلطش بزاف لكن راح نفيدكم ان شاء الله 

تبييض الوجه

العسل مع عصير الليمون 

 عسل و عصير قارص  استعمليه كقناع للوجه اولا يبيض وتانيا يصفي و تالتا يرجع الملمس تاع الوجه رطب

بياض البيض 

ماتنساوش بلي فيه بروتين بزاف وهو سهل الاستعمال  

اخفقي بياض البيض جيدا وديريه ماسك للوجه والرقبة  لمدة 15-20 دقيقة حتى يجف تماما

اغسلي وجهك  مليــــح وبعد ايام ستلاحضين فرق كبير في بشرة وجهك لتصبح اكثر اشراقا وحيوية

تبييض الاسنان

طريقه سهله وسريعه وطبيعيه ايضاً, 

ديري شوية تاع عسل طبيعي على فرشاة الاسنان 

ثم ضع معجون الاسنان عليه وفرش اسنانك بشكل طبيعي 

وستلاحظين البياض من اول  مي كرري العملية  حسب الحاجه  

تسمين الجسم 

يقولو بلي الحلبة تسمن و عندها بزاف استعمالات والله ما جربتهم مانحتاجش نسمن جسمي

لكن عندي مشكل هو ان وجهي نحييف وحابة كاش طريقة سهلة ومفيدة 

كل واحد وش يقولي واحد ديري الخميرة واحد ديري زيت الحلبة والله ماعلابالي وش ندير تلفتلي المهم دبرو عليا وربي يجازيكم 

اذا كانت هذي صورتك اللي في البروفيل تبانلي الخميرة تفيذك احسن  لخاطر وجهك ذيجا عريض نقصذ عظم الوجه وانشالله  تستفيذي منها وميرسي على المعلومات راح نجربهم ونرذ الخبر

سلااااااام لبنات
هدى رايحة نفرحك راني درت التقشير نتا الوجه و اليدين بالتلوة نتاع القهوة هادا وين درتها والله روووووووعة حسيت وجهي و يديا رططططططططب و بعدو دهنت وجهي بماء الورد عندي شويا هالات و لون وجهي ماش متناسق

قوليلي القهوة شحال من مرة نديرها ففي السمانة ؟؟؟؟

امينة على تسمين الوجه تاني الحلبة تيسمنو مي ننصحك ما تاكليهاش هي صح مليحة مي ريحتها تخرج في العرق تولي فااااايحة سقسيني انا اللي مجربتها
اما على الوجه ارحيها و خلطيها مع أي ماسك نتاع وجه رايحة تصفيه و تسمنو
وتاني الحمص كي تاكليه يسمن الوجه انا من اللي كنت صغيرة و وجهي مليان باسك كنت ديييييييما ناكل اللبلابي

ههههههههههههه والله زت حرت وش ندير وش نخلي ههه

ايا دبري عليا ما هو الحل  

و اللي يعطيني حل يفيدني نعطيلو حبة حلوة ههههههه

اهلا لبنات راكم جايبينها بصح التفنيين كيفاه نحوه
هدئ الله يبارك عندك بزاف تجارب وشكرا ليك علئ المشاركة
صح قولولي لبنات شكون تعرف خلطة مجربة لتبييض المنطقة الحساسة بصح تكون سريعة راكم عارفين التفنيين راه قاتلني
ساعدوني منيش عارفة عرسي وقتاه

elhamoul khalida كتب:

اهلا لبنات راكم جايبينها بصح التفنيين كيفاه نحوه
هدئ الله يبارك عندك بزاف تجارب وشكرا ليك علئ المشاركة
صح قولولي لبنات شكون تعرف خلطة مجربة لتبييض المنطقة الحساسة بصح تكون سريعة راكم عارفين التفنيين راه قاتلني
ساعدوني منيش عارفة عرسي وقتاه

هدا الموضوع ان شاء الله يفيدك
[ندعوك للتسجيل في المنتدى أو التعريف بنفسك لمعاينة هذا الرابط]

سلام لبنات
هدى ما جاوبتينيش؟؟؟؟؟

خليدة الرابط اللي مدتهولك نور ممكن يعاونك مي نقولك باللي السبب الاساسي لاسوداد هاديك المنطقة هو لا لام او الموس + عدم النظافة علابالي باللي النظافة ماش مشكل باسك حاجة بديهية و أي واحدة تنظف روحها مليح
بقا الموس المشكل و نقولك اذا المنطقة سوداااء لدرجة لا تطاق ننصحك تحبسي استعمال الموس و تبداي تنحي الشعر بالرجينة مي ماش فيها في المنطقة العلوية و ففيها معليش الا بالموس و لا برانطانيا احسن

و اذا الاسوداد مقبول ما كلاه تعبي روحك باسك حاجة نورمال و واحد ما يتولهلها خخخخخخخخخ اسمعي مني انا اللي علابالي" longdesc="51" /> 

شكرا ليكم لبنات
دوك نروح لللموضوع
مرسي سمسومة هي صح من الموس دارلي السواد وعلئ النظافة جربت كلش راني تغسل بسافورال شريتو من عند الصيدلي ينحي الفطريات وينقي غاية
اييه الرجيلة نموت وقيلة راكي حابتني نروح بلا بيها اسناي نحكمك ههههههههههههههه نخاف منها بزاف مي نحاول نجربها ان شاء الله

amina alg كتب:

hoda22 كتب:

amina alg كتب:

بارك الله فيك يا هدى نتكنى مالبنات يحكونا عن تجاربهم بدون بخل

باسم الله راح نحكيلكم مالقري مانخلطش بزاف لكن راح نفيدكم ان شاء الله 

تبييض الوجه

العسل مع عصير الليمون 

 عسل و عصير قارص  استعمليه كقناع للوجه اولا يبيض وتانيا يصفي و تالتا يرجع الملمس تاع الوجه رطب

بياض البيض 

ماتنساوش بلي فيه بروتين بزاف وهو سهل الاستعمال  

اخفقي بياض البيض جيدا وديريه ماسك للوجه والرقبة  لمدة 15-20 دقيقة حتى يجف تماما

اغسلي وجهك  مليــــح وبعد ايام ستلاحضين فرق كبير في بشرة وجهك لتصبح اكثر اشراقا وحيوية

تبييض الاسنان

طريقه سهله وسريعه وطبيعيه ايضاً, 

ديري شوية تاع عسل طبيعي على فرشاة الاسنان 

ثم ضع معجون الاسنان عليه وفرش اسنانك بشكل طبيعي 

وستلاحظين البياض من اول  مي كرري العملية  حسب الحاجه  

تسمين الجسم 

يقولو بلي الحلبة تسمن و عندها بزاف استعمالات والله ما جربتهم مانحتاجش نسمن جسمي

لكن عندي مشكل هو ان وجهي نحييف وحابة كاش طريقة سهلة ومفيدة 

كل واحد وش يقولي واحد ديري الخميرة واحد ديري زيت الحلبة والله ماعلابالي وش ندير تلفتلي المهم دبرو عليا وربي يجازيكم 

اذا كانت هذي صورتك اللي في البروفيل تبانلي الخميرة تفيذك احسن  لخاطر وجهك ذيجا عريض نقصذ عظم الوجه وانشالله  تستفيذي منها وميرسي على المعلومات راح نجربهم ونرذ الخبر

ــــــــــــــــــــــــــــــــــــــــــــــ

أيـــــــــــه يا اختي وش لندير خلق ربي 

نجرب الخميرة مي قوليلي الطرقة تعيــــشي 

نخلطها مع حليب دافئ و نديرها غي وجهي شحال المدة وشحال من خطرة 

بلــــيز افيديني وشكـــــرا لكـــــــــــــــــي

يالبنات سامحوني هذي النهارات مشكل في النت    المهم بالنسبة الزينونات اللي يسقسو على نفخ الوجه انا استعملت الخميرة مع الياؤورت خلطت شوي خميرة مع ياؤورت تولي عجينة متماسكة حطيها على وجهك من خمس وعشرين ذقيقة فما فوق    ونتيجتها مش نفخ كبير ومش طبيعي لا لا نفخ خفيف وتحسي خذوذك واضحين المعالم تاوعهم وبالاستمرار تبيض

سلام لبنات
هههههههههههه خليدة ضحكتيني لالا ختي بعيد الشر عليها هاديك هي المستقبل خخخخخخخخخخخخ
ايه مليح سافورال انا طوووول بيه و نتي تاني ما تخليهش خلاااااص سيرتو بعد الزواج