السلام عليكم،،،
هاذي اول مرة نجربو يعني نسمع بيه بزاف مي ديما نعجز كيما علباالكم المرة هاذي بقيت ندور قلت والله نديرو
كاين عدة طرق والمقادير مختلفة
خيرت طريقة هاذي على حساب مكونات لي كانت عندي والمرة الجاية نجربو بطريقة اخرى ونقلكم الاحسن فيهم
وماكنتش رايحة نصور لكن جيتو في بالي كي العادة نخدم ونسقم فالموضوع في راسي خخخخخخخخ
-----------------------
المقاديــر:
" المقادير مأخودة بطبسي تاع شربة"
كيلة فرينة
كيلة سميد رطب
ملح
خميرة الخبز استعملت حوالي مغرف كبيرة معمرة
ماء دافيء للعجن
------------
نخلطو الكل ونلمو بالما حتى نتحصلو على عجينة ملمومة
هكذا
نخلوها ترتاح وتخمر مدة ساعة كاملة
بعدما تخمر نكسرو العجبنة ديالنا ونفتحوها
بواسطة كأس اينوكس او اي كأس نقطعو دوائر ونحطوهم في طرشونة مرشوشة بفرينة
ونخلوهم يخمرو شوية
بعدها نسخنو الزيت ديالنآآآ مليح
ونحطو بالوحدة
ونتي تقلي فيهم استعملي الملعقة ورشي عليهم الزيت باش ينتفخو من فوق ثم اقلبي الحبة على الجهة الثانية
شوفي الحبة كيفاش جات فارغة من داخل وهذا هو سر نجاح الوصفة لازم تكون فارغة وماشي معجنة
هاذو بعدما قليتهم
والحشو:
استعملي واش حبيتي فيه
لكن فالاصل الوصفة
يستعملو بيض مغلي + فرماج وبطاطا مفورة وزيتون اخضر
انا استمعلتم كامل غير زيتونة خخخخخ مكانش عندي ودرت مايوناز
ممكن ديري تون يعني واش نقلك مذاق رائئئئئئئئئئئئع
وشهية طيبة في انتظار تطبيقاتكم
تحياتي
واش سارة انشوفو برك 
