حااااااائرة يا نااااااااس كيف اتصرف هل اتركه؟؟

اهلا بيك اختي والله ماعرفت واش نقلك وواش ننصحك

يعني نتي من االأول لوكان شفتي السيد مليح فالصورة

ولا هدرتي معاه صوت وصورة ولا قلتيلو ابعتلي تصاورك قبل ماديرو اي خطوة وقلتي انك تفاهمتي معاه فالعقلية

 يعني صح حنا البنات نتعلقو بزاف بالشكل مهما يكون الراجل يحبك بعيوبك او لا مي نفسيتنا ترتاح انك تشوفي راجل يعني لاباس ( يسقي كيما يقولو هذا رايي الخاص)

 
مي راه تقبلك بعيبوك وانا نقول انو المرض جامي ينقص فالمرىة برك هذا توسويس انك تقولي انا مريضة وانا كذا كاين بنات مراض والله ماتحسي بلي مراض وهذا مكتوب ربي والمومن مصاب وربي يشفي كل واحد ان شاء الله

يعني الراجل تان يحب يدي مرىة مابيها والو الخ وهو مام قلتيلو مريضة وماقال والو وزيد جامي شافك وتقبلك وزيد اهلو قالو فيك مريضة وووو الخ

انا نضن راه ساكريفا علاجالك وحتى انو نوا الحلال معاك

قضية الشكل ماهيش مشكل لازم واحد برك مايديرش هاذ العفسة في بالو 

لوكان تشوفي لي كوبل لي راهم دوكا والله تكذبي باسك كل وحدة واش داها طمع فالراجل او العكس يعني كاين لي داها علاجال دراهم وكاين لي داتو علاجال دراهمو ومايشبه لوالو 

يعني الشكل اصبح ثاني اهم حاجة فالعلاقة بعد المصالح

وانا واش نقول لاختي يعني نتي واحساسك انا مانقدرش نقلك ريحي ولا بطلي معاه يعني اذا رايحة تكوني ماشي مرتاحة معاه حبسي من دوك وماتضلميش السيد وربي يجيبلو من جيهة اخرى واذا راكي تحسي بلي قادرة تكملي وتحبيه مهما تكون صيفتو وعقليتو كملي معاه وصلي استخارة وربي ينورلك طريقك

ان شاء الله البنات يزيدو يفيدوك اكثر ورانا هنا نعاونوك بحول الله

صحيتي حبيبتي والله كلامك ريحني انا نبغي عقليتوا بزاف و نحسو يحبني بزاف و صليت بزاف صلاة الاستخارة و ديما نريح ليه حتى امي تقولي نورمال الشكل ما يهمش عاونوني يرحم باباكم راااااااااااني مغمومة

بلا مزية رانا هنا باش نعاونو بعضانا ان شاء الله

شوفي اختي نقلك حاجة برك انك جامي تلقاي واحد كامل يعني هذا لقيتي عقليتو مليحة وتقبلك كيما راكي وجامي تلقاي اي واحد يمشي مع طفلة في علاقة بلا ميقلها هاتي نشوفك ولا اعطيني نيميرو ديالك وزيد علاقتك بدات بسكايب يعني شوفي المكتوب كيفاش جاك

وممكن تدي واحد شباب وعقليتو رهج ويعذبك ويهبلك ويعايرك ووووو الخ يعني تلقاي حاجة ناقصة فالراجل توجووووووور

مي كيما يقول المثل القلب ومايهوى اذا على الطول برك راني نشوف فيهم رجالهم اقزام والله وحدة جارتي تزوجت بواحد قصير بزاف اعليها وزيد كي كانت اونسات وزاد راجلها سمان رجع مترة وطز خخخخخ ونوووووووووورمال عادي جدا

وزيد ديري في بالك الراجل كي يكبر فالعمر يرجع شباب خرجت من الموضوع باش نحي اعليك شوية الغمة مي تشوفي ولاد حومتي كانو يشبهو للكافار دوكا كي تزوجو رجعو شابين هههههههههههههه

"" حملة طلع المورال "

وعلى لي جان لي قالولك هكاك ماديريش اعليهم باسك هاذوك يهدرو برك 

مي انا نقلك وراني قتلك لازم قبل ماتدي الحاجة تكوني مقتانعة بيها كيما حاجة كي تشريها هل صح رايحة تلبسيها وماتمليش منها ولا رايحة تشريها باش تشريها

هيا اني نستنى الرد ديالك

اولا مرحبا بك اختى عروس

يا اختى استغفرى مولاك واش راكى تقولى
هادا الانسان حبك و احتارمك ووفا بوعدو وجا طالب الحلال راهو بشر وربى الى عطاه واش عندو ماتقدريش تلوميه هوا انتى بدلى النظرة ليه شوفى حبو ليك ماتشوفيش شكلو وزيد كون تجرحيه

قادر ربى سبحانو يبعتلك لمخير تع لمخير شباب كيما يحب قلبك بصح مايحبكش الوقت هاداك تحسى بالنعمه الى عندك درك

استغفرى مولاك واقنعى بواه اعطاك الراجل مايتعابش بزينو بفعالو

احكمى فيه و احتارميه و حافضى عليه و احمدى ربى على نعمتو عليك


وربى يهنيك يعنى ربى راهو مهنيك انتى تديرى فى القلقه لعمرك خطيك من الناس مايربحو ماوالو



نتمنى نكون فدتك

والله يا بنااااااااااااااات الله يعطيكم ما تتمناو و انا راااااني معاااااه على خاطرش محتارمني و جامي حسسني اني واحدة مريضة و اقسم بالله يا بنات مارانيش قانطة مي والله فاميلتي داريني في بالهم بلي انا واحدة مشي صالحة للزواج كي نشوفهم هاكذا نقول لابغا مايشبه والوااااااااااااا ندييييييييه جزااااااكم الله خيرااااااا حبيباتي

اطلعي لعلبة الدردشة اختي راهي الفوق تح صورة المنتدى ديري دخول

شوفي اختي نحب نقلك الرجال الزنين اغلبهم لاماقلتش كلهم عقليتهم 0 اديها من عندي قراو معايا وفاميلتي زنيييين لكن تهدري معاه تحبي ترجعي حشاك
والطول هاكي قلتي بسنتيم يعني قد بعضاكم ماعلى اختي تلبس البلا ماتحسش خلاص بلي طويل عليها الطالون في المناسبات والا في كاش روحة بالتاكسي هكا ماتحسيش خلاص بفرق الطول

وعلى مرضك السكري وش بيه؟ انا مانعتبروش خلاص مرض لانو ماياثرش بزاف على الانسان بالعكس اعرفي كيفاه تمشيلو ماتبانيش كامل مريضة بيه وماتقوليش اني مريضة
السكر قريب ولا عند الناس كل

ونحب نقلك مدامو شاد فيك انت عارفة ماطلبش حتى يشوفك في سكايب والا يطلب صورتك وحارب على جالك عائلتو حتى قنعهم وجا ناوي الحلال  ومحترمك ومقدرك كيما راكي تقولي

انساي فكرة الشكل وتبقاي تقولي ماشي زين حتى تزيد الفكرة تعشش في حياتك وتفسد عليك

وبالنسبة لغيرتو اكيد راح يغير عليك انت زينونة وعاجباتو ويحبك وهدوك الجماعة رماولك الهدرة وهو معاك تحسابي هو مش غايضاتو تكون غاضاتو اكثر منك
وماهو يغير عليك غير على خاطر يحبك

وانت ورايك ادا شفتي زينو ماثر عليك بزااااف ماتقدريش تكوني معاه فهميه بالمليحة هكا ماتبقايش معيشاتو في اوهام
ولا قدرتي تركزي على حبو ومعاملتو ليك وقلتي الزين نورمال الزي للنسا ربي يهنيك ويسعدك

شكراااا الاميرة شهرزاد كلامك اعجبني كثيراااا و الله كلام الناس يعيي و انا نحمد ربي على كل شي ربي يخليكم لبنات

يااااااااااااالبناااااات اعطوني امثلة على ازواج ماشي شابين و لا قصااااااااااار

اختي امثلة يعني كيفاه؟

نظن لنو الفكرة معششة في راسك بزاف
انا عندي زوجة خالي جميلة جداااا وخالي مقبول شكلا هي اطول منو باكثر من 20 سنتم وعادي جدا عايشين هانيين
وخالتي تاني اطول من زوجها باكثر من 10 سنم نورمال راهم حتى عندهم الاحفاد درك
عندي 2 بنات خالي رجالهم قدهم في الطول وعادي جدا نهار الفيونصاي يلبسو الطالون حتى يلحقو يقعدو قبل مايدخل الراجل نجيبولها بالغين والا صابو بلا نبدلولها باه كي يلبسلها الخاتم ويصورو مايبانش الطول من بعد يبلسبو البلا 
وجبنا عروس تاني اطول من وليد خالي بسنتيمات نورمال تلبس البلا باه مايظهرش بزاف

الحب ماشي طول

عندك الحق شهرزاد ربي يحفظك

سلام 

شوفي اختي ما نقدرش نقولك وش تديري انت ادرى بوضعك

الحاجة اللي حابة نقولهالك برك..اخطيييييييييييييييييك من هدرة الناس و الله واحد ما يمنع من تعليقاتهم و يكون وش يكون .. و اللي يبني قراراتو على اساس هدرة الناس عمرو ما يتهنى

و حاجة اخرى المرض من عند ربي و عمرو ماكان عيب.. و اللي يعيب فيه راهو يتطاول على حكم ربي 

انساي الناس و اراؤهم و تعاليقهم و خممي مع روحك مليح 
بالنسبة ليك هل عقلية الراجل هدا رايحة تغطي على شكلو اللي مش عاجبك ولالا لا ؟ خممي مليح و ما تحوسيش على امثلة تاع دي كوبل في نفس الوضعية..كل واجد و وش يخرج عليه


و في الاخر ربي يهنيك و يهدي بالك 
بالتوفيق

شكرا نور على نصيحتك القيًمة

أختي أنا نشوف بلي ماكيش في مشكل خلاه

يعني هو رضا بيك مريضة وأنتي مترضايش بيه مش زين؟

أنا تاني مريضة وحبيبي يحبني ياسر وقابلني كيما أنا

نهار عرفني لقاني عندي مرض ميروحش وزدت مرضت بمسلاني 

وتقدري تقولي ندير والو فالدار وديما ظهري يوجعني وهو يحبني وقابلني كيما نكون ومهما تكون ظروفي

أنا كون حبيبي يصرالو اي حاجة قابلة بيه خاطر عقليتو مليحة وحنين عليا وقابلني بمرضي وكل عيوبي

أنا منقدرش نقلك أتزوجيه ولا خليه بصح والله الزي مش مشكلة كبيرة والطول تاني عادي سنتيم ميبانش بالعين

عندي بنت خالتي تزوجت كي غير هي مليحة وراجلها باشع صح

كانت مش قابلة بيه بصح كي عرفتو وعرفت عقليتو وشخصيتو وناس ملاح وعاقل ولات تموت عليه

ومش هامها خلاه شكلو مالغري الناس كل قالو بلي هي خير منو ياسر وتحيري كيفاه عجبها

بالصح هي عجبها من داخل مش الشكل الخارجي

وزيد والله معظم الرجال لملاح تلقاي عقلتهم 000000

الناس خليهم يهدرو كيما يحبو أصلا إرضاء الناس غاية لا تدرك

وزيد أنتي حبيتيه قبل متشوفيه يعني هو شخص مليح من داخل

ضرك القرار يرجعلك هذا رأيي وأنتي شوفي واش تحسيه يوالمك

وربي يهنيك ويهدي بالك

ربي يعيشك لبناااااااااااات والله طمنتولي بالي كوكي ربي يشافيك و يكملك مع حبيبك و يخليكم لبعضاكم و سنفورة شكرا جزيلا على النصيحة ربي يكملك ماراكي متمنية ان شاء الله شكرااااااااااا ليكم كااااااااااامل