يا اميرات واش رايكم في عصبية بعض الرجال؟؟

يا اميرات ولينا نشوفو هذه الظاهرة وين ما نروحو في الشارع،و في الجامعات ، و في المحلات ،حتى في المستشفيات عصبية الرجل لكن نتحدث عن عصبية الرجل الذي يعبر عن عصبيته بمد يده على حبيبته او خطيبته او زوجته اوحتى بلسانه رانا نشوفو بزاف في المجتمع الرجل كي يزعف و يتنارفا على مرتو و لا خطيبتو و لا حبيبتو يولي يسب و يضرب و يقول كلام بذيء انا شفت بزاف بنات يتصرفو معاهم رجالهم بهذه العقلية تزعف و من بعد تسامحو و تقول هذاك راجلي و لا خطيبي نورمال كامل راهم هاك فأنتي ايتها اميرة قصر الشوق شاركينا في رايك عن مثل اسلوب هذه النوعية من الرجال في التعبير بهذه الطريقة و اذا تخاصمتي مع زوجك او خطيبك او حبيبك و ضربك او بدا يسب و يقول كلام بذيءكيف تتصرفي؟؟هناك زميلة لي في السكن الجامعي خطيبها يضربها عندما تشك و تغير عليه و يسبها و يقوللها كلام  بذي  لكن كي يصالحها تصالحو نورمال  تقول كامل راهم هكذا   انا جاتني فكرة قلت نشوف اراء البنات في هاته الظاهرة و اذا تصرف مع خطيبك هاكذا و لا راجلك كيفاش تتصرفي قولولي رايكم و انا من بعد نقيمكم هههههههه 

طليتي على قلبي تعرفي والله كنت رايحة نطرح الموضوع وراني من صباح وانا نقرا على كيفية التعامل مع الرجل العضبي لحد الان مزال مالقيتش حل   

لي عودة للنقاش

ايه سارة انت كيفاش تشوفي للرجل العصبي خاصة ماكانش اللي مخطوبة و ماقالتش خطيبي متفهم و لا مايتنارفاش و واش رايك فالراجل اللي يمد يدو و لا يسبو يقول كلام ماشي مقبول اياااااا لبنات مالكم نعسانين ما تقولوليش جامي شفتو راجل عصبي هكذاا

السلام عليكم 

موضوع مهم يما اننا نعيش الظتهرة يوميا و تلاحظها في الكثير من الامكنة 

هناك مثل يقول التطبع يغلب الطبع 

هناك اطباعهم عصبية يعني مي النار تكسيه يحرقك و لا نقاش معاه الا بعد  مرور العاصفة الهوجاء و انا ارى انو مانهدروش نعاهم و هوما في الحالة هادي 

و كاين يتطبعوا يعني يتصنعوا العصبية منوع لاثبات الذات خصوصا اذا الفتاة ضعيفة او سريعة البكاؤ يستغل هذه النقطة من اجل السيطرة عليها  

هذا وش في بالي 

لي عودة للموضوع ان شاء الله

شكرا لينا على ردك ايه صح كيف اللي هو بالفعل عصبي و كاين اللي يتصنع العصبية بصح نظن الراجل كي يشوف حبيبتو تبكي هو يضعف و لا واش رايكم؟؟

آآآآآآآآآآآآآآآآىىه يا قلبي صح موضوع مهمّ و نشكرك عليه أختي 

و الله سارة كفات و وفّات فالشرح و التحليل 

بالنسبة ليّا أنا نشوف بلّي أساس العلاقة الناجحة هو الاحترام المتبادل و القدر مطلوب 

أنا إذا طاح القدر بيني و بين خطيبي مثلا فالمستقبل سيبون مابقا والو تفض خيير 

على خاطر الحاجز لي كان بيناتنا و مبني على الاحترام تكسّر سيبون و عاد كلش نورمال

و من هنا مابقاش كاين حبّ  و مودة و  و و 

على الكلام البذيء أنا مانقدرش نسمع منو كلمة تاع شارع أو يسبّني على خاطر كيما قلت طاح القدر مابقاش فيها

أنا أعمل جاهدا باه مايغلطش في حقي و أنا متأكدة بلّي مانزيدش معاه فالكلام باه مانوصلش للكارثة 

و إذا حصل هذا الشيء من عندي تفضّ خيييييييييير أحسن من أنّا نكمّلو بلا احترام كي الحيوانات "سامحوني على هذي العبارة" 

و الضرب لي قالهم أسكتو خلااااااااااااااااه

شكرا ليكم لبنات على ردودكم الرائعة الدالة على افكاركم الراقية نبداو مع سارة اولا سارة شكرا على ذكرك بعض النقاط و الاسباب التي تؤدي الى عصبية الرجل و انا معاك في اللي قلتيه بصح صدقيني كاين بنات تموت في الضرب انا نت نشوفهم والفوه انا من رايي نحسو ققل من قيمتي امالا الرجال راهم يتعاندو كي يشوفو هكذا في المجتمع سي نورمال غادي يعاندو هنا في المراة كاين اللي تصبر كاين اللي ترفض اما في ما يخص اللي قلتيه سمسومة صح الاحترام هو اساس العلاقة بصح و الله الرجل في الاول يدير كلش باش يرضي المراة مي غير يشوفها تبغيه و تعلقت بيه خلاص هنا عندها ما تشوف و عندما ما تسوفري و ثم صعيبة باش تفارقو مرتو و لا خطيبتو و حنا لبنات حساسات بزاااف.

دوك نولي و نقولكم على رايي

راني جيت انا نحكيلكم على روحي انا خطيبي قبل لا يخطبني كاااااااااااان مشاء الله عليه تقول ملاك و كي خطبني و ليت منعرفهش يبغيني غير نساعفه مي كي نساعفه يولي يبغيني اكثر مي كي نعانده ارواحي انت و سكتيه يولي يهدر اكثر مني هههههههه يطرشني نقولو رااااااااااااااك تهدر بزااااااااااف يقولي انت انا راني نهدر و مافهمتيش فمابالك نسكت كي نخشن راسي يولي وحش و ينااااااااااااااااااااااااااااايفني بالايام و مايصالحنيش حتى نصالحه بصح ديما انا ندير المشكل نبغي نارفيه ههههههههههههه مي كي يتنارفا انا نفشل و نندم اللي درت المشكل بصح نعاود انا نصالحه اما فيما يخص البكا اناااااااا نبكي نبكي كي يدابزني و كي يشوفني نبكي يقولي سكتي و قوليلي شاراه يبكيك انا نزيد نطوع في البكية " longdesc="19" />  مالا نقولكم شايدير يكوبي يقولي كي تكملي البكا عيطيلي و كي يعرفني حبست البكا يفليكسيلي يقولي زيفطيلي مساجات و عايريني نعرف لسانك طويلو انا ندير روحي عاااااااااااقلة ثم باش يحس بللي هو الغالط واش رايكم فيااااا يا بنات 

شكرا أختي على الموضوع المهم جدا جدا

والله سارة تقريبا هدرت كلش بارك الله فيك سارة

كاين رجال معندهمش حل عصبيين ياسر لازم مرتو تحاول تتفهم عصبيتو وتتعامل معاها بذكاء

يعني كي تشوفو مقلق تسكت وتسناه حتى يرجع طبيعي وبرك

مي كاين نسا يشوفو الراجل يغلي يبقاو عقابو حتى يخرج من عقلو وميفيقش بروحو واش يدير

أما الضرب والشتم حاجة مفروغ منها بلي غالطة 

يعني كون جات كل وحدة تتفاهم مع راجلها ولا خطيبها بلي الضرب خط أحمر ومتتسامحش فيه

كون أكيد يخاف يخمم فيه 

وكون يغلط ويديرها مرة مش الحل أنو المرأة تطلق طول ولا تنسى العشرة وتروح

يعني تحاول تعاقبو بطريقة تخليه ميزيد يضربها

بصح لي ب2 كلمات ترضى وترجع نورمال أكيد راح يبقى يضربها طول

يعني كيما تولفي الراجل يكون، ولفيه على القدر يقدرك ولفيه على الرخس يرخسك

مي كاين رجال مراض يضربو على أتفه سبب وميرحموش خلاه

يعني لاكان هك أنا نشوف يتفارقو خير مالعذاب في كل وقت

وكاين تاني نسا مراض يحبو الضرب وحتى الحب يحسوه بالضرب يعني هذا مرض بصراحة

هذا رايي ونزيد نرجع للموضوع بربي

أختي بصراحة راكي هدرتيها بفمك

قلتي أنتي تعملي مشاكل باه هو يقلق وكي يقلق هو تولي أنتي نادمة

يعني في موقف كيما هك تستاهلي يتعارك معاك ويدير واش يحب وأنتي تحملي وتسكتي

أنا ضد الراجل لي يتعارك ويخلق المشاكل

بصح كي نولي أنا غالطة نسكت خيرلي

ظهرتلي المرا في يدها كلش

كي تعرف تتعامل مع راجلها والله تنقص المشاكل

ومنعرف هذا رايي

صحيتي كوكي على رايك  فيما يخص الرجل العصبي و صح المراة هي بيدها كلش بصح كاين رجال زايدين فيها في بالهم هكذاك يثبتو ذاتهم كيما قالت سارة يعطيكم الصحة راكم خبيرات نتكل عليكم 

صحيتي كوكي على رايك  فيما يخص الرجل العصبي و صح المراة هي بيدها كلش بصح كاين رجال زايدين فيها في بالهم هكذاك يثبتو ذاتهم كيما قالت سارة يعطيكم الصحة راكم خبيرات نتكل عليكم