خطبة اختي ( الجزء الاول)

السلام عليكم حبيباتي و كيما راكم خواتي ايضا حبيت نشارككم بيوم فرحة اختي و هي خطبتها 

اولا كيما عبالكم النهار يبدا من الصباح الباكر نضنا على 6:00 تاع الصباح اختي العروس دارت لي ميني تارت بالبنان ( علما

 ان لابات درناها بالخميس و البارح لاكريم و التزيين فقط)

و انا و امي تكلفنا بالمنزل و ترتيبه و من بعد الغذاء لازم يوجد بكري على جال الجمعة .بابا يروح يصلي في الجامع يتغداء و 

مين يرجع يرتب نفسو و نستنوا الجماعة توصل .

زيقت الدار و درت الجاري للغذاء و عمرت الصحونا بالقاطو و الحلوى و امي طيبت القهوة و الحليب للرجال و النساء طبعا 

اختي كملت لاكريم تاع لي تارت على 9:00 ( دارت لاكريم باتيسسيار) و زيناها كيف كيف و على 10:30 راحت للحفافة اللي 

اخذت موعد يومين من قبل ,

ايا كملنا كلش انا و امي التحضيرات الكل على 11:15 ( راني حافظة الوقت لاننا في سباق معه هههههه) فطر الوالد و حنا

مافطرناش ههه و زيد ضربنا طلة على كلش واجد ولا لا .

من بعد امي و انا و اختي الصغيرة  جدبنا شعورنا و لميناه ,

على 13:00 بدات لافامي تجي واحد وراء خوه حتى اكتمل العدد على 13:20 كامل كانوا حاضرين 

نسيت ماقلتش انو صاحبة اختي لانتيم جات على 11:00 و قعدت معانا ربي يعطيها ماتتمنى. 

ايا ضرك واش حطينا :

في الاول كي جاو داخلين استقبلتهم صاحبة اختي بالشوكولا اديك تاع لابوات  و من بعد  حطينا لاتارت بالبنان مع الجو رامي  و

 من بعد كي تقاهموا القهوة و الحليب مع 9 انواع قاطوا و اللي هوما : المقروذ ( سلطان المايدة او السلطان سليمان 

هههههههههه) البقلاوة ( السلطانة هيام ههههه) صابلي - نوع بالقلاصاج الاخضر - قاطو بالسكر الارطب ( مانعرف واش 

اسمو- الغريبية - قاطو تاع لي كول كحشي بالنستلي و مغلق بالشوكولا - قاطو اوخر ( مانعرف واش اسمو تاني جاي في لي كولي و فيه الوز) - و القاطو اللي يطيب في لي مول سيليكون على شكل OVAL 

و من بعد حطينا لاموس اني اديتها من المنتدى نظن دارتها لميس و عاودتها نهال تجي بطبقتين الاسود و الابيض  في لي كوي سبيسيال و زينتها باللوز افيلي 

و البركة في القليل ,

جاو هما في 9 نساء و 6 رجال مع الغاشي تاعنا اداك هوا الصالون تعمر كل ههههه ( انا مالقيتش بلاصة جبت تابوري و قعدت عليه )

و ضرك واش جابو : ايا يا سيدي اختي ماحبتش الفاليزة اللي فيها قفطان ولا منصورية و لواحقهم لانو العرس منا على عامين 

ان شاء الله قاتلو وش تجيبوا فيهم البركة و هوما جابولها قطيفة لهوا + دو يباس+ لاباغ +كورباي فيها الفواكه ( بنان و تفاح احمر و اصفر و كيوي و حبة اناناس و تمر و البرتقال ) و كورباي فيها كوفري évidence  + صابون دوف + شامبوان و جال دوش و ديويورون نيفيا و الحنة و  السباردرا , قندورة بلوكس صابون لامي و لي انا مع لاتارت.

و احنا رجعنالهم 9 قطع قندورة قطيفة مع صابون بالموليف الا الام و الاخت  قندورة اغلى مع خمار و باكي صابون دوف للام و الاخت قندورة مليحة و ريحة بارفان و ديودورون و صابون مع نص لاتارت و 2 كيلو ماندرين و 2 كيلو بنان و 2 قراعي جو 

ايا ضرك اختي واش لبست/  شرات قفطان في الدوري مع الصباط تاع ( اكرمكم الله ) و المشطة عند الحفافة و الذهب لبس شنتوف و لي بوكل قومات و 2 خواتم,

امي لبست قندورة مليحة في الموف و انا قندورة في البلو نوي ( قطيفة في 2 ( احنا عادتنا تلبسوا القنادر و حتى اختي حاجة تقليدية و كليحة ماعدناش تلبس العروس اونسومبل و لا جوب بالبيل تاعها تجي عيب 

مين دخلوا داروا حالة بازغاريد و احنا بقينا نشوفو فيهم ههههههههههههههه و من بعد كي تفاهموا الرجال ( لانو من قبل جاو شافوها) زغردتوا تاني احنا و هوما وطلبوا منا نشعلوا الغناء و ناضوا يشطحوا هههههه 

ايا جات اختي و قصوا لاتاار و لبسها خطيبها الخاتم و كيما تعرفوا و روحوا على 17:00 

بقاو لافامي : عمتي الكبيرة و الصغيرة و خالي و بنت خالتي 

حطينالهم الجاري تعشوا و سهروا معانا شوية و روحوا على 20:30 و انا و صاحبى اختي ربي يباركلها في صحتها غسلنا لماعن في الكوزينة هههه بالطبع نشطحوا ساعة و نغسلوا ساعة ههههه و متنا بالتعب 

اختي مديلها شيخها دراهم كي سلم عليها 

و تنتهي الحلقة و غدوة الجوء التاني مع الصور اكيد

ان شاء الله قربتلكم شوية الفكرة و كانكن حضرتوا معايا 

العقوبة للجميع ان شاء الله

مبروك عليها و ربي يكمليها لعقوبة للي مازالو راكي حكيتلنا التفاصيل ... اذا تقدري تحطيلي la recette تع ميني تارت بالبنان

ألف ألف مبروك لأختك لينا

والعقوبة ليك أنتي إن شاء الله 

وحاجة باينة لعقوبة ليا وللبنات كامل

الله يبارك باين كلش فوووووووور

المهم ربي يهنيها ويسهللها

في انتظار الجزء الثاني 

ومرسي يعطيك الصحة عمرتيلنا القراعي كل هههههههههههه

الف الف مبرووووك على اختك
ربي يهنينا ولعقوبة ليك ان شاء الله ولكامل العازبات
شكراا على التفاصيل

ايهيييييييييييييييه نستعرف بيك مانسيتي والو والله 
يعطيك الصحة ياليلي  الف مبـــــــــــــــــــــروك 

 لعقوبة اللي مزالز ان شاء الله 

في انتضار الصور ان شاء الله

ولعقوبة للعرس

كلشي بالبراكةعليها ولعقوبة ليك و لجميع لبنات بانتظار المزيد ما شبعناش خخخخخخخخخخخخخخ

هههه عبالي لقرع مازالوا ماتعمروش هههههههههههههههه 

الله يبارك فيك و لعقوبة ليكم و ليا بيان سور هههههههههههههه 

ربي يهنيكم و يحفظكم و الجزء 2 سيبو راني درتو و غدوة الجزء 3 هههه ( رجعتها حلقة تبا )

يويويويويويويويويويويويويويويوووووووووييييييي  

  


ألف ألف مبروك لينا عليها العقوبة لعرسها ان شاء الله 

و العقوبة للبنات الكل و ربي يفرّحنا أجمعين   

هيه يا لالة و الله يعطيك الصحة على النشرة الإخبارية نقرا و نتخيّل في روحي معاكم 

باين كلش بالقدا و الساس يعطيكم الصحة

امين يا رب 

ربي يبارك فيكم سمسومة و اميرة و لعقوبة ما نفرحوا بيكم ان شاء الله 

ليييههه راكم تقولو جرتال و نشرة اخبارية و مخابرات بصح كاين تفاصيل نسيتها كي قريت الملخص تفكرتهم هههههههههههههه 

امينة على فكرة ليلي هي تربيجتي صح ههه تبا لك سمعتيهم يعطولي بيه

هكدا تكون التقرعيجة ولا خليني ههههه

الف مبروك ربي يكمللهم بالبركة ان شاء الله
 و لعقوبة ليك ان شاء الله

ميرسييييييييي على الموضوع

الله يبارك فيكم عزيزة و نوررررررررررررر

عزيزة مرحبا بيك ختيتي الصغيرة 

ايييييههه يا نور عسلامة ليك وحشة مبيرة ان شاء الله راكي لاباس لعقوبة ليك تاني يا رب