البنات والمطبخ

إليكم ما أصبحنا نسمعه كثيرا

تقول إحدى الفتيات، عند التطرق إلى الحديث عن الطبخ،
طبعا لا نتحدث عن التفنن، وتحضير الموائد الزاخرة بمختلف أنواع الأطعمة
ولكن الطبخ اليومي للعائلة، يعني امور بسيطة أعتقد أن على الجميع إتقانها

" أنا لا أجيد طبخ أي شيء، حتى البطاطا المقلية لا تكون مثل التي يحضرها الغير،
فرحانة بنفسها يعني، وللتنبيه، عمرها يتجاوز العشرين

وتقول أخرى:" عندما أرجع إلى البيت، ولا أجد امي، أنتظر قدومها حتى تحظر لي شيئا آكله"
لأخذ العلم، هذه تدرس في الجامعة، يا سلاااااااااام

وفي مجلس آخر، تذكر إحداهن أنها قامت بتحضير الرغيف ( الكسرة بالعامية)، فتصرخ إحدى الحاضرات
يااااااااااااااا تعرفي تخبزي الكسرة؟؟؟؟؟؟؟، أنا عمري حطيت يدي في الدقيق، نستعرف بيك

من التي يجدر بها التعجب في موقف مماثل
؟؟؟؟؟؟؟؟
ومازال الكثيييييييير من الأمثلة والعبارات التي تطرق مسامعنا مرة على مرة

تقول أخريات، ليس بشرط أن أتقن الطبخ الآن، فأنا غير متفرغة له( أصبح ليس بأولوية للبنت يعني).
وأكيد يوم أضطر أني أطبخ، أسبوع يكفي لتعلم كل شيء




مارأيكم فيما سبق؟
في الحياة المستقبلية، ما مدى تأثير جهل الواحدة بالطبخ والتدبير المنزلي، وهل حقا ستتمكن من تدارك الأمر؟
أنا أعرف أن من شب على شيء ( الخيابة والتفنيين) شاب عليه، فما رأيكم أنتم؟

السؤال الأهم:
هل من المفروض البنت تتعلم الطبخ في بيتها مع أمها، أم أنه يحق لها تحويل زوجها وعائلتها إلى حقل تجارب ؟

شكراا اختي سيلينا على الطرح
صح كاين بزاف بنات خاطيهم كامل الكوزينة
انا نحير فيهم تلقايها فايتة العشرين وماتعرف ادير والو
وبعد الزواج تحصل وتتبهدل
المفروض الطفلة تتعلم الطياب في دار باباها وفي سن صغيرة وتتعلم تتحمل المسؤولية في كلش مشي غير الطياب
واللي تقلك في سمانة نتعلم كلشي راهي غالطة
الطبخ راهو فن مشي غير احفظي الوصفات وطبقي
شكرااا مرة اخرى اختي سيلينا

شكرااا سلينا موضوع هاااااااااااااام جدا لازم الطفلة تتعلم تطيب على الاقل الاساسيات تسلك راسها كيما نقولو شكراا مرة اخرى

شكرا اختي علئ الموضوع 
هاد النوعية راهي كاينة بزاف المرا لازم دير حاجة فراسها بلي الراجل صح تعجبيه برا بصح الداخل خلاص لازم تكوني متعلمة كلشي يعني متبقايش غير تعجبيه وريلو صنعة يديك انا والحمد لله تعلمت من اللي كنت نقرا فالسيام وانظن بلي كامل العضوات اهنا مشاء الله متعلمين 
كاين غير تقوليلها الئ تعرفي اديري الطعام  (الكسكس )تقلك فهاذ الوقت ماهمش ياكلوه ااااااااو عندهم معدة تطحن غير البرقوق ولا كيفاه وعلما هادي فايتة الثلاثين 
الله يجيب الخير

أنا نعتبرو تفنيييييييين 

و فالمستقبل راح يأثر عليها بزاف في حياتها الزوجية 

رايحة تتبهدل مع دار راجلها ولا الضياف لي يجيوها 

و من المفروض تتعلّم الطبخ و تقنيات المطبخ في دار أمها 

على خاطر في دار راجلها تروح اطّبق برك واش بقالها من تعلّم 

شكرا عبير على الموضوع

نوافق اختي هاجر الطبخ راه فن وابداع وقدما تتعلمي تقولي قليل يعني كل يوم رايحة تتعلمي حاجة جديدة راه مجال كبير وعريض

ولازم اي وحدة تكون تعرف اساسيات الطبخ وتتعلم حتى وان مرات الاخت الكبيرة هي لي طيب وتدي المسؤولية ومرات وحدة تكون خدامة ماعندهاش وقت للطياب لكن مرة على مرة ترمي يدها وتعاون في ايام لي ماتخدمش فيهم او تطلب من الاخت الكبرى انها تخليها تطيب اليوم الخ هكا باش تكون عارفة مقدوراتها وووو غير ذلك انا نتمنى اي وحدة فينا عندها اختها تعلمها طيب ولا كي ترجع ام تخلي بنتها تعاونها فالكوزينة رايخة تخليها تحب الطياب

واكيد رايحة ياثر عليها مستقبلا باسك دار الوالدين يجوزو بزاف عفسات لكن بيت راجلك ابدااااااااا  

شكرا على الموضوع

شكرا أختي عبير على الموضوع

والله عندك الحق أنا وحدة من الناس نهاب من الطياب نحسو حاجة صعيبة ياسر منعرف وعلاه

نعرف ندير غير القاطو ونتفنن فيه ونلعب بيه لعب

أمي كانت ديما تقلي الطياب أسهل من القاطو ياسر مدي يدك ومتخافيش

وزيد أمي الله يبارك تعرف تعلم الطياب مليح غير ندير غلطة تاكلني أصلا قبل منبدا تبدا تعارك فيا تزيد تخوفني أكثر

بصح عندي مدة بديت نطيب معاها وهي ثاني معادتش تعيط عليا والحمد لله وليت نحب أنطيب 

وكل يوم نتعلم حاجة ولقيت الطياب ساهل وصح فن تقدري تبدلي فيه كيما تحبي

يعني مش وصفة وأطبقيها برك

شكررررررررررراااااااااا على المرووووووووووور العطر انا احبكم [url=][/url]